Okaya electric scooter : ఒకాయా నుంచి సరికొత్త ఎలక్ట్రిక్​ స్కూటర్​.. రేంజ్​ ఎంతంటే!

Okaya new electric scooter : ఇండియా ఆటోమొబైల్​ మర్కెట్​లోకి మరో కొత్త ఎలక్ట్రిక్​ స్కూటర్​ అడుగుపెట్టనుంది. దాని పేరు ఒకాయా మోటో ఫాస్ట్​. ఈ నెల 17న ఈ మోడల్​ను లాంచ్​ చేయనున్నట్టు సంస్థ అధికారికంగా ప్రకటించింది. ఈ నేపథ్యంలో ఈ కొత్త ఈవీ ఫీచర్స్​, ధర వంటి వివరాలపై ప్రస్తుతం అందుబాటులో ఉన్న వివరాలను ఇక్కడ తెలుసుకుందాము..

కొత్త ఎలక్ట్రిక్​ స్కూటర్​ విశేషాలివే..

ఒకాయా మోటో ఫాస్ట్​ ఈ-స్కూటర్​లో అలాయ్​ వీల్స్​ వస్తున్నాయి. అంటే.. ట్యూబ్​లెస్​ టైర్లు వచ్చే అవకాశం ఉంది. రైడింగ్​కు ఇవి చాలా ఉపయోగపడుతాయి. అంతేకాకుండా.. ఈ స్కూటర్​లో 7 ఇంచ్​ టచ్​స్క్రీన్​ కూడా ఉంటుంది. ఇందులో స్పీడ్​, ఓడోమీటర్​, ట్రిప్​ మీటర్​, రైడింగ్​ మోడ్​, టైమ్​, బ్యాటరీ పర్సెంటేజ్​ వంటివి చూసుకోవచ్చు.

Okaya Moto Faast price Hyderabad : ఈ ఎలక్ట్రిక్​ వెహికిల్​లో ఎల్​ఈడీ హెడ్​ల్యాంప్​, ఎల్​ఈడీ టర్న్​ ఇండికేటర్లు లభిస్తున్నాయి. ఫ్రెంట్​లో డిస్క్​ బ్రేక్స్​తో పాటు రేర్​లో డ్రమ్​ బ్రేక్స్​ వస్తున్నాయి. ఇక వెహికిల్​ ఫ్రెంట్​లో టెలిస్కోపిక్​ ఫోర్క్స్​, రేర్​ల షాక్​ అబ్సార్బర్స్​ వంటివి ఉన్నాయి.

ఈ ఒకాయా మోటో ఫాస్ట్​.. ఐదు రంగుల్లో అందుబాటులోకి రానుంది. సయన్​ బ్లాక్​, గ్రీన్​, రెడ్, గ్రే. ఇందులో ఉన్న ఎలక్ట్రిక్​ మోటార్​ గురించి ప్రస్తుతం వివరాలు అందుబాటులో లేవు. కాకపోతే.. ఇది హబ్​ మౌంటెడ్​ యూనిట్​ అని మాత్రం తెలుస్తోంది. ఈ ఈవీని ఒక్కసారి ఛార్జ్​ చేస్తే.. 120కిమీ- 135కి.మీల వరకు ప్రయాణిస్తుందని సమాచారం. ఈ వెహికిల్​ టాప్​ స్పీడ్​ 60-70కేఎంపీహెచ్​ అని తెలుస్తోంది.

ఈ కొత్త ఈ-స్కూటర్​ ధర ఎంతంటే..

Okaya Moto Faast electric scooter : ప్రస్తుతానికి ఈ ఎలక్ట్రిక్​ స్కూటర్​ ధరకు సంబంధించిన వివరాలపై క్లారిటీ లేదు. కాగా.. ఈ ఒకాయా మోటో ఫాస్ట్​ ఎక్స్​షోరూం ధర రూ. 1.50లక్షలుగా ఉండొచ్చని టాక్​ నడుస్తోంది.

అక్టోబర్​ 17 లాంచ్​తో.. ఈ మోడల్​కు సంబంధించిన ఇతర ఫీచర్స్​, ధర వంటి వివరాలపై ఓ స్పష్టత వస్తుంది.

ఇండియా ఆటోమొబైల్​ మార్కెట్​లోని ఎలక్ట్రిక్​ వాహనాల సెగ్మెంట్​కు మంచి డిమాండ్​ కనిపిస్తోంది. 4 వీలర్​ మాత్రమే కాకుండా.. 2 వీలర్​కి కూడా ట్రాక్షన్​ పెరుగుతోంది. అందుకే.. కస్టమర్లను ఆకట్టుకునేందుకు.. ఆటోమొబైల్​ సంస్థలు తెగ పోటీపడుతున్నాయి. వెంటవెంటనే లాంచ్​లు చేస్తూ.. పోటీని మరింత పెంచేస్తున్నాయి. ఒకాయా సంస్థకు కూడా ఇప్పటికే మంచి పోర్ట్​ఫోలియో ఉంది. ఇక కొత్త వెహికిల్​ లాంచ్​తో ఈ పోర్ట్​ఫోలియో.. మరింత బలంగా మారుతుందని, సంస్థ ఆశిస్తోంది.