Motorola Edge 30 Ultra కు టాప్-ఎండ్ వేరియంట్‌ లాంచ్, ధర ఎంతంటే?

మోటోరోలా కంపెనీ Edge సిరీస్‌లో Motorola Edge 30 Ultra డివైస్‌ను సెప్టెంబర్‌లో భారత మార్కెట్లో లాంచ్ చేసింది. ఆ సమయంలో, కంపెనీ 8GB RAM , 128GB ఇంటర్నల్ స్టోరేజ్‌తో ఏకైక వేరియంట్‌ను మాత్రమే విడుదల చేసింది. అయితే మార్కెట్లో ఇప్పుడు అనేక మొబైల్ బ్రాండ్లు మెరుగైన ఫీచర్లు, స్పెసిఫికేషన్లలో ఫ్లాగ్‌షిప్ ఫోన్‌ మోడళ్లను విడుదల చేస్తున్నాయి. దీనిని దృష్టిలో ఉంచుకొని మోటోరోలా కంపెనీ కూడా పోటీలో నిలిచేందుకు తమ Motorola Edge 30 Ultra స్మార్ట్‌ఫోన్‌ను అప్డేట్ చేసింది. తాజాగా ఈ మోడల్‌కు 12GB+256GB వేరియంట్‌ను లాంచ్ చేసింది. Motorola Edge 30 Ultra టాప్-ఎండ్ వేరియంట్‌ ఇప్పుడు ఫ్లిప్‌కార్ట్‌లో అందుబాటులోకి వచ్చింది.

మోటోరోలా ఎడ్జ్ 30 అల్ట్రా అనేది భారీ 200 మెగాపిక్సెల్ ప్రధాన సెన్సార్ సెటప్‌తో భారత మార్కెట్లో విడుదలైన మొదటి ఫోన్. ఇదే కాకుండా ఈ ఫోన్‌లో 50MP అల్ట్రా-వైడ్ యాంగిల్ కెమెరా, టెలిఫోటో లెన్స్, 60MP సెల్ఫీ స్నాపర్ 125W ఫాస్ట్ ఛార్జింగ్, 144Hz రిఫ్రెష్ రేట్, డస్ట్ రెసిస్టెంట్, వాటర్ రెసిస్టెంట్ వంటి ఇతర ఫ్లాగ్‌షిప్ ఫీచర్లతో వచ్చింది. ఇప్పుడు కొత్త వేరియంట్‌లో వచ్చిన ఫీచర్లు ఎలా ఉన్నాయి, ధర ఎంత తదితర వివరాలు పరిశీలిద్దాం.

New Motorola Edge 30 Ultra స్మార్ట్‌ఫోన్‌ ఫీచర్స్, స్పెసిఫికేషన్స్

• 144Hz రిఫ్రెష్ రేట్ కలిగిన 6.67 అంగుళాల pOLED FHD+ కర్వ్‌డ్ డిస్‌ప్లే
• 12GB RAM, 256 GB ఇంటర్నల్ స్టోరేజ్ సామర్థ్యం
• Qualcomm స్నాప్‌డ్రాగన్ 8+ Gen1 ప్రాసెసర్
• వెనకవైపు 200MP + 50MP + 12MP ట్రిపుల్ కెమెరా, ముందు భాగంలో 60MP సెల్ఫీ షూటర్‌
• ఆండ్రాయిడ్ 12 ఆపరేటింగ్ సిస్టమ్
• 4610 mAh బ్యాటరీ సామర్థ్యం, 125W ఛార్జర్
• డాల్బీ అట్మోస్‌ స్పీకర్లు

కనెక్టివిటీ కోసం 5G, 4G LTE, Wi-Fi 6E, బ్లూటూత్ v5.2, USB టైప్-సి పోర్ట్ ఉన్నాయి.

ధర, రూ. 64,999/-

పాత మోడల్ 8GB + 128GB వేరియంట్ ధర రూ. 55 వేలుగా ఉంది. ఇంత ధర ఉండి, భారీ కెమెరాలు కలిగి స్టోరేజ్ తక్కువ ఉండటంతో కస్టమర్లు ఈ ఫోన్ కొనుగోలుపై సందేహించారు. దీంతో కంపెనీ స్టోరేజ్ రెట్టింపు చేసి, ఈ కొత్త వేరియంట్ విడుదల చేసింది.