Motorola Moto G14 : ఇండియాలో మోటో జీ14 లాంచ్​.. ధర ఎంతంటే!

Motorola Moto G14 launched : ఇండియా బడ్జెట్​ ఫ్రెండ్లీ స్మార్ట్​ఫోన్​ సెగ్మెంట్​లోకి కొత్తగా ఒక మొబైల్​ ఎంట్రీ ఇచ్చింది. అదే.. మోటోరోలా మోటో జీ14. ఈ మోడల్​ను మంగళవారం ఇండియాలో లాంచ్​ చేసింది సంస్థ. ఈ గ్యాడ్జెట్​ ఫీచర్స్​, ధరతో పాటు ఇతర వివరాలను ఇక్కడ తెలుసుకుందాము..

స్మార్ట్​ఫోన్​ ఫీచర్స్​ ఇవే..!

మోటో జీ13కు సక్సెసర్​గా వస్తోంది ఈ మోటో జీ14. ఇందులో ఫ్లాట్​ ఫ్రైమ్​ డిజైన్​ ఉంటుంది. 6.5 ఇంచ్​ ఫుల్​హెచ్​డీ ప్లస్​తో కూడిన ఎల్​సీడీ డిస్​ప్లే ఉంది. యూనిఎస్​ఓసీ టీ616 చిప్​సెట్​ దీని సొంతం. ఎల్​పీడీడీఆర్​4ఎక్స్​ ర్యామ్​, యూఎఫ్​ఎస్​ 2.2 స్టోరేజ్​ వంటివి లభిస్తున్నాయి. ఆండ్రాయిడ్​ 13 సాఫ్ట్​వేర్​పై ఇది పనిచేస్తుంది. మూడేళ్ల సెక్యురిటీ అప్డేట్స్​తో పాటు ఆండ్రాయిడ్​ 14 వర్షెన్​ కూడా ఇస్తామని సంస్థ హామీనిచ్చింది.

ఇదీ చూడండి:- బడ్జెట్​ ఫ్రెండ్లీ స్మార్ట్​ఫోన్స్​.. వీటి ధర రూ. 10వేల కన్నా తక్కువే!

ఈ మోటోరోలా మోటో జీ14 రేర్​లో డ్యూయెల్​ రేర్​ కెమెరా (50ఎంపీ+2ఎంపీ) వస్తోంది. సెల్ఫీ, వీడియో కాలింగ్​ కోసం 8 ఎంపీ ఫ్రెంట్​ కెమెరా లభిస్తోంది.

ఇతర ఫీచర్స్​ విషయానికొస్తే.. ఈ మోటో జీ14లో సైడ్​ మౌంటెడ్​ ఫింగర్​ప్రిట్​ సెన్సార్​, డాల్బీ అట్మోస్​ సపోర్ట్​ చేసే డ్యూయెల్​ స్టీరియో స్పీకర్స్​, 3.5ఎంఎం హెడ్​ఫోన్​ జాక్​, మైక్రో ఎస్​డీ కార్డ్​ స్లాట్​, ఐపీ52 రేటింగ్​ కలిగిన స్ప్లాష్​ రెసిస్టెన్స్​ వస్తున్నాయి. ఈ డివైజ్​లో 5000ఎంఏహెచ్​ బ్యాటరీతో పాటు 20వాచ్​ ఛార్జింగ్​ సపోర్ట్​ లభిస్తోంది.

ఈ మోడల్​ ధర ఎంత..?

Moto G14 price in India : ఇండియాలో మోటోరోలా మోటో జీ14 4జీబీ ర్యామ్​- 128జీబీ స్టోరేజ్​ వేరియంట్​ ధర రూ. 9,999గా ఉంది. మోటో జీ13 లాంచ్​ ధర కూడా ఇంతే. ఇక కొత్త గ్యాడ్జెట్​.. స్టీల్​ గ్రే, స్కై బ్లూ వంటి రంగుల్లో అందుబాటులోకి రానుంది. ఫ్లిప్​కార్ట్​లో నేటి నుంచే ఈ మోడల్​ను ప్రీ బుక్​ చేసుకోవచ్చు. ఆగస్ట్​ 8న ఫ్లిప్​కార్ట్​, మోటోరోలా వెబ్​సైట్​ నుంచి పర్చేజ్​ చేసుకోవచ్చు.