Maruti Suzuki price hike : మరోసారి భారీగా పెరగనున్న మారుతీ సుజుకీ కార్ల ధరలు!

Maruti Suzuki price hike : కస్టమర్లకు మళ్లీ షాక్​ ఇచ్చింది దిగ్గజ ఆటోమొబైల్​ సంస్థ మారుతీ సుజుకీ! తమ పోర్ట్​ఫోలియోలోని వాహనాల ధరలను పెంచుతున్నట్టు ప్రకటించింది. పెంచిన ధరలు.. 2024 జనవరి 1 నుంచి అమల్లోకి వస్తాయని స్పష్టం చేసింది. కాగా.. ధరల పెంపునకు ఎప్పుడు చెప్పే కారణాలే ఈసారి కూడా చెప్పింది. ప్రొడక్షన్​ కాస్ట పెరుగుతోందని, అందుకే వాహనాలపై ధరలను పెంచాల్సి వస్తోందని పేర్కొంది. అయితే.. ఏ వాహనాలపై ఎంత రేట్​ హైక్​ ఉంటుందనే విషయాన్ని సంస్థ ఇంకా చెప్పలేదు.

'ధరలు పెంచడానికి ఇదే కారణం..'

"ద్రవ్యోల్బణం, కమోడిటీ ధరలు పెరుగుతుండటంతో కాస్ట్​ ప్రెజర్​ పడుతోంది. అందుకే.. వాహనాల ధరలను పెంచాల్సి వస్తోంది. అయితే, కస్టమర్లపై తక్కువ ప్రభావం పడే విధంగా చూస్తాము," అని మారుతీ సుజుకీ సంస్థ వెల్లడించింది.

Maruti Suzuki latest news : మారుతీ సుజుకీ పోర్ట్​ఫోలియోలో హ్యాచ్​బ్యాక్​, సెడాన్​, ఎస్​యూవీ, ఎంపీవీలు ఉన్నాయి. ఎంట్రీ లెవల్​ మోడల్​ ఆల్టో ఎక్స్​షోరూం ధర రూ. 3.54లక్షలుగా ఉంది. ఇటీవలే లాంచ్​ అయిన ఇన్విక్టో ఎంపీవీ ఎక్స్​షోరూం ధర రూ. 24.80లక్షలుగా ఉంది. ఏ వాహనాలపై ధరల పెంపు ఉంటుందనేది సంస్థ ఇంకా చెప్పలేదు కానీ.. ఆల్టో నుంచి ఇన్విక్టో వరకు అన్ని వెహికిల్స్​పై ప్రైజ్​ హైక్​ తీసుకుంటుందని టాక్​ నడుస్తోంది.

బలెనో, స్విఫ్ట్​, డిజైర్​, బ్రెజా, ఆల్టో, ఎక్స్​ఎల్​6, ఎర్టిగా వంటి మోడల్స్​.. మారుతీ సుజుకీకి బెస్ట్​ సెల్లింగ్​గా ఉన్నాయి. కొత్త వచ్చిన ఫ్రాంక్స్​, జిమ్నీకి కూడా మంచి డిమాండ్​ కనిపిస్తోంది.

Maruti Suzuki rate hike news : మారుతీ సుజుకీ సంస్థ ఒక్కటే కాదు.. దాదాపు అన్ని సంస్థలు ప్రైజ్​ హైక్​ తీసుకుంటున్నాయి. దాదాపు రెండేళ్ల నుంచి ధరలను పెంచుకుంటూ వెళుతున్నాయి. ఫలితంగా ఇప్పటికే కస్టమర్ల మీద చాలా భారం పడుతోంది. మళ్లీ ఇప్పుడు కూడా ధరలను పెంచేందుకు సిద్ధమవుతుండటం ఆందోళనకర విషయం.

మరోవైపు.. ఇండియాలో ఆటోమొబైల్​ సెగ్మెంట్​కి క్రేజీ డిమాండ్​ కనిపిస్తోంది. ధరలు ఎంత పెరుగుతున్నా.. కస్టమర్లు వాహనాలను కొంటూనే ఉంటున్నారు. అందుకే.. వాహనాల తయారీ సంస్థలు, ధరల పెంపునకు ధైర్యం చేయగలుగుతున్నాయి!