liquor prices hike : మందుబాబులకు బ్యాడ్​ న్యూస్​.. మద్యం ధరలు పెంపు!

liquor prices hike in Maharashtra : హోటల్స్​, బార్స్​లో విక్రయించే మద్యంపై వ్యాట్​ (వాల్యూ యాడెడ్​ ట్యాక్స్​) పెంచాలని తాజాగా నిర్ణయించింది మహారాష్ట్ర ప్రభుత్వం. ఈ నిర్ణయం.. ఈ నవంబర్​ 1 నుంచి అమల్లోకి రానుంది. ఈ మేరకు ఓ నోటిఫికేషన్​ను విడుదల చేసింది ప్రభుత్వం.

"రెస్టారెంట్లు, బార్లలో లిక్కర్​ సేవలపై 5శాతంగా ఉన్న వ్యాట్​ను 10శాతానికి పెంచుతున్నాము," అని మహారాష్ట్ర ప్రభుత్వం ప్రకటించింది. అంటే.. ఒకేసారి మద్యం ధరలు దాదాపు 5శాతం పెరుగుతాయని అర్థం!

అయితే.. ఇలా కస్టమర్లపై ట్యాక్స్​ భారం వేయటం ప్రభుత్వానికే చేటు చేస్తుందని, రాష్ట్రంలో శాంతిభద్రతలకు ప్రమాదంగా మారుతుందని పరిశ్రమ వర్గాలు అభిప్రాయపడుతున్నాయి.

Vat increase on liquor : "ఇలా మద్యం ధరలు పెంచుకుంటూ పోతే.. కస్టమర్లు బ్లాక్​లో లేదా పర్మీషన్​ లేని చోట్ల కొనుక్కునేందుకు ప్రయత్నిస్తారు. హోటల్స్​, బార్లలో మద్యం సేవలపై వ్యాట్​ను పెంచేస్తే.. ప్రజలు పార్కుల్లో, ఇళ్ల మీద, బీచ్​లలో, పార్కింగ్​ లాట్​లలో కూర్చుని మద్యాన్ని సేవిస్తారు. అది మంచిది కాదు," అని పరిశ్రమ వర్గాలు చెబుతున్నాయి.

ఇలా వ్యాట్​ పెంచడమే కాకుండా.. ఆల్కోహల్​ పరిశ్రమకు తలనొప్పిని తీసుకొచ్చే విధంగా.. మరిన్న చర్యలు చేపట్టాలని మహారాష్ట్ర ప్రభుత్వం ప్రయత్నిస్తున్నట్టు తెలుస్తోంది. బీవరేజెస్​లో ఆల్కోహల్​ కంటెంట్​ బట్టి, దాని ధర ఉండే విధంగా ఒక విధానాన్ని తీసుకురావాలని ప్రభుత్వం చూస్తోందట. అంతేకాకుండా.. బార్లు, పర్మిట్​ రూమ్​లలో విక్రయంచే లిక్కర్​ బాటిల్స్​పై పర్మిట్స్​ని మరింత కఠినంతరం చేయాలని కూడా చూస్తొందని సమాచారం. అయితే ఈ రెండు కూడా ప్రస్తుతం రూమర్స్​ స్టేజ్​లోనే ఉన్నాయి. ప్రభుత్వం వీటిని అమలు చేస్తుందా? ఎప్పుడు అమలు చేస్తుంది? వంటి వివరాలు తెలియవు. ఒక వేళ ఇవి అమల్లోకి వస్తే.. బీర్​ ధరలు తగ్గుతాయి. కానీ మొత్తం మీద రెవెన్యూ పెరుగుతుంది.

Maharashtra liquor prices : మహారాష్ట్రలో లిక్కర్​పై వచ్చే జీఎస్​టీ రాబడి చాలా అధికంగా ఉంటుంది. ఇక ముంబైలోని 3 స్టార్​ కన్నా తక్కువ రేటింగ్​ ఉన్న హోటల్స్​లో మద్యం సేవలపై మరింత ట్యాక్స్​ పెంచాలని అక్కడి యంత్రాంగం భావిస్తోందని వార్తలు వస్తున్నాయి. ప్రస్తుతం 5శాతంగా ఉన్న ట్యాక్స్​.. 10-15శాతం వరకు చేరొచ్చని తెలుస్తోంది. ఇదే జరిగితే.. ప్రభుత్వానికి వార్షికంగా రూ. 300 కోట్ల నుంచి రూ. 600కోట్ల వరకు అదనంగా రెవెన్యూ జనరేట్​ అవుతుంది.