LIC Scheme : ఈ పథకంలో ఒక్కసారి పెట్టుబడి పెడితే.. నెలకు రూ. 12,000 పెన్షన్
LIC Saral Pension Scheme In Telugu : ఎల్ఐసీ సరళ్ పెన్షన్ స్కీమ్.. ఈ ప్లాన్ ప్రత్యేకించి రిటైర్‌మెంట్ ప్లాన్‌గా ప్రసిద్ధి చెందింది. ఎందుకంటే ఇది స్థిరమైన నెలవారీ పెన్షన్‌ను అందించడం ద్వారా పదవీ విరమణ చేసినవారికి ఉపయోగకరంగా ఉంటుంది.
ఎల్ఐసీ వివిధ రకాల పథకాలను అందిస్తుంది. ఇందులో అనేక రకాల పెన్షన్ స్కీమ్స్ ఉన్నాయి. మీ పెట్టుబడి ప్రణాళిక ప్రకారం నెలవారీ పెన్షన్ మెుత్తం వస్తుంది. అందులో భాగంగా చాలా మంది ఎంచుకునే ప్లాన్ ఎల్ఐసీ సరళ్ పెన్షన్ పథకం. ఇందులో పెట్టుబడితే పెడితే స్థిరమైన ఆదాయం మీ సొంతం అవుతుంది. నెలవారీగా పెన్షన్ తీసుకోవచ్చు.
ఎందుకంటే.. నేటి కాలంలో ప్రతి ఒక్కరూ తమ ఆదాయంలో కొంత భాగాన్ని పెట్టుబడిగా పెడుతున్నారు. స్టాక్ మార్కెట్ నుండి ప్రభుత్వ పథకాల వరకు, ప్రజలు తమ డబ్బును వివిధ రూపాల్లో పెట్టుబడిగా ఉంచుతున్నారు. తక్కువ రిస్క్ ఉన్నందున ఎక్కువ మంది ప్రజలు LIC, పోస్ట్ ఆఫీస్ పథకాలలో పెట్టుబడి పెట్టడానికి ఇష్టపడతారు. ఈ పథకాలు వేర్వేరు ప్రయోజనాలను అందిస్తాయి. కొంతమంది వ్యక్తులు నెలవారీ ఆదాయం కోసం పదవీ విరమణ కోసం ప్రత్యేకంగా ప్లాన్‌లను ఎంచుకుంటారు. LIC అందించే అలాంటి సరళ్ పెన్షన్ ప్లాన్ పదవీ విరమణ తర్వాత మీకు ఎంతగానో ఉపయోగపడుతుంది.
పెట్టుబడి పెట్టవచ్చు
LIC సరళ్ పెన్షన్ ప్లాన్ అనేది పదవీ విరమణ తర్వాత నెలవారీ పెన్షన్‌కు హామీ ఇచ్చే పథకం. ఈ ప్లాన్ ప్రత్యేకత ఏమిటంటే, దీనికి ఒక్కసారి మాత్రమే పెట్టుబడి అవసరం. మీరు మీ జీవితాంతం పెన్షన్ పొందుతారు. ఈ ప్లాన్ ప్రత్యేకించి రిటైర్‌మెంట్ ప్లాన్‌గా ప్రసిద్ధి చెందింది. ఎందుకంటే ఇది స్థిరమైన నెలవారీ పెన్షన్‌ను అందిస్తుంది. పదవీ విరమణ అనంతర పెట్టుబడి ప్రణాళికకు సరిగ్గా సరిపోతుంది. మీరు ప్రైవేట్ సెక్టార్‌లో లేదా ప్రభుత్వ విభాగంలో పనిచేసినా, జీవితకాల నెలవారీ పెన్షన్ ప్రయోజనాలను ఆస్వాదించడానికి పదవీ విరమణకు ముందు మీ PF ఫండ్, గ్రాట్యుటీ మొత్తాన్ని ఈ ప్లాన్‌లో పెట్టుబడి పెట్టవచ్చు.
LIC సరల్ పెన్షన్ ప్లాన్‌లో 40 సంవత్సరాల కంటే తక్కువ వయస్సు ఉన్న వ్యక్తులు పెట్టుబడి పెట్టలేరు. ఈ పాలసీ కింద, మీరు నెలవారీ కనీస యాన్యుటీని రూ. 1,000 కొనుగోలు చేయాలి. ప్రత్యామ్నాయంగా, మీరు త్రైమాసికానికి కనీసం రూ. 3,000, సెమీ-వార్షిక రూ. 6,000 లేదా సంవత్సరానికి రూ. 12,000 ఎంచుకోవచ్చు.
ఎల్‌ఐసి సరళ్ పెన్షన్ ప్లాన్‌లో మీరు కనీస వార్షిక యాన్యుటీని రూ. 12,000 తీసుకోవచ్చు. ఈ పాలసీలో పెట్టుబడికి గరిష్ట పరిమితి లేదు, మీరు కోరుకున్నంత పెట్టుబడి పెట్టడానికి ప్రయోజనాలను పొందేందుకు మిమ్మల్ని అనుమతిస్తుంది. ఒకే ప్రీమియం చెల్లింపు తర్వాత, మీరు మీ పెన్షన్‌ను ఏటా, సెమీ-వార్షిక, త్రైమాసిక లేదా నెలవారీగా పొందవచ్చు.
నెలవారీ పెన్షన్
42 ఏళ్ల వ్యక్తి రూ.30 లక్షల వార్షికాన్ని కొనుగోలు చేస్తే, వారికి నెలవారీ పెన్షన్ రూ. 12,388 పెన్షన్ వస్తుంది. పెట్టుబడిదారుడు రూ.10 లక్షల సింగిల్ ప్రీమియం పెట్టుబడిపై రూ.50,250 వార్షిక పెన్షన్ పొందుతారు. లేదు అనుకుంటే.. రూ.2.50 లక్షల పెట్టుబడి కూడా పెట్టవచ్చు. దీని ద్వారా నెలవారీగా రూ.1000 పెన్షన్ లేదా రూ.12000 వార్షిక పెన్షన్ ప్లాన్ ఎంచుకోవచ్చు. ఇలా ఇందులో చాలా రకాల ఆప్షన్ ఉన్నాయి.
రుణ సౌకర్యం
పాలసీలో రుణ సదుపాయం కూడా ఉంటుంది. కుటుంబ సభ్యుడు తీవ్ర అనారోగ్యానికి గురైతే, మీరు ఆరు నెలల తర్వాత పాలసీని సరెండర్ చేయవచ్చు. మీరు పాలసీ ప్రారంభించిన ఆరు నెలల తర్వాత దానిపై లోన్ తీసుకోవచ్చు. ఈ ప్లాన్‌ని ఆన్‌లైన్‌లో కొనుగోలు చేయడానికి, www.licindia.inలో LIC అధికారిక వెబ్‌సైట్‌ను సందర్శించండి. పూర్తి వివరాలు తెలుసుకున్న తర్వాత ఇందులోకి దిగండి..
