Kinetic Green Zulu electric scooter : మార్కెట్​లోకి కొత్త ఎలక్ట్రిక్​ స్కూటర్​- ధర ఎంతంటే!-kinetic green zulu electric scooter launched in india see details ,బిజినెస్ న్యూస్
తెలుగు న్యూస్  /  బిజినెస్  /  Kinetic Green Zulu Electric Scooter : మార్కెట్​లోకి కొత్త ఎలక్ట్రిక్​ స్కూటర్​- ధర ఎంతంటే!

Kinetic Green Zulu electric scooter : మార్కెట్​లోకి కొత్త ఎలక్ట్రిక్​ స్కూటర్​- ధర ఎంతంటే!

Sharath Chitturi HT Telugu
Dec 12, 2023 07:15 AM IST

Kinetic Green Zulu electric scooter : కైనెటిక్​ గ్రీన్​ జులు ఎలక్ట్రిక్​ స్కూటర్​ ఇండియాలో లాంచ్​ అయ్యింది. ఫీచర్స్​, ధర, రేంజ్​ వివరాలివే..

మార్కెట్​లోకి కొత్త ఎలక్ట్రిక్​ స్కూటర్​- ధర ఎంతంటే!
మార్కెట్​లోకి కొత్త ఎలక్ట్రిక్​ స్కూటర్​- ధర ఎంతంటే!

Kinetic Green Zulu electric scooter : ఇండియా ఆటోమొబైల్​ మార్కెట్​లోకి సరికొత్త ఎలక్ట్రిక్​ వెహికిల్​ లాంచ్​ అయ్యింది. దీని పేరు కైనెటిక్​ గ్రీన్​ జులు. ఈ నేపథ్యంలో ఈ మోడల్​ ఫీచర్స్​, రేంజ్​, ధర వివరాలను ఇక్కడ తెలుసుకుందాము.

కైనెటిక్​ గ్రీన్​ జులు ఎలక్ట్రిక్​ స్కూటర్​..

ఇండియాలో కైనెటిక్​ బ్రాండ్​ చాలా ఫేమస్​. హోండాతో కలిసి.. కైనెటిక్​ హోండ్​ స్కూటర్​ను లాంచ్​ చేసింది. అప్పట్లో ఈ మోడల్​కి మంచి క్రేజ్​ ఉండేది.

ఇక ఇప్పుడు.. జులు పేరుతో సరికొత్త ఎలక్ట్రిక్​ స్కూటర్​ని భారతీయుల ముందుకు తీసుకొచ్చింది సంస్థ. ఇందులో ఏప్రన్​ మౌంటెడ్​ ఎల్​ఈడీ హెడ్​ల్యాంప్​,హ్యాండిల్​బార్​ స్టాక్​పై డీఆర్​ఎల్​ వంటివి ఉంటాయి. అటు స్పోర్టీ లుక్​తో పాటు ఫ్యామిలీ కస్టమర్లను ఆకర్షించే విధంగా ఉంది ఈ ఈ-స్కూటర్​.

Kinetic Green Zulu e scooter : కైనెటిక్​ గ్రీన్​ జులు ఎలక్ట్రిక్​ స్కూటర్​ పొడవు 1,830ఎంఎం. వెడల్పు 715ఎంఎం. ఎత్తు 1,135ఎంఎం. వీల్​బేస్​ 1,360ఎంఎం. గ్రౌండ్​ క్లియరెన్స్​ 160ఎంఎం. ఈ మోడల్​ కర్బ్​ వెయిట్​ 93కేజీలు. 150కేజీల వరకు బరువును మోయగలదు.

ఈ ఈ-స్కూటర్​లో 2.27 కేడబ్ల్యూహెచ్​ లిథియం- ఐయాన్​ బ్యాటరీ ఉంటుంది. హబ్​ మోటార్​ ఎలక్ట్రిక్​ స్కూటర్​పై ఇది ఫిక్స్​ అయ్యి ఉంటుంది. 0-80శాతం ఛార్జింగ్​.. కేవలం 30 నిమిషాల్లోనే పూర్తవుతుందని సంస్థ చెబుతోంది. ఇక ఈ ఎలక్ట్రిక్​ వెహికిల్​ని ఒక్కసారి ఛార్జ్​ చేస్తే.. 104 కి.మీల దూరం ప్రయాణిస్తుందని స్పష్టం చేసింది. ఈ మోడల్​ టాప్​ స్పీడ్​ 60 కేఎంపీహెచ్​.

Kinetic Green Zulu electric scooter price : ఈ వెహికిల్​ ఫ్రెంట్​లో టెలిస్కోపిక్​ ఫోర్క్స్​, రేర్​లో డ్యూయెల్​ షాక్​ అబ్సార్బర్స్​ వంటివి వస్తున్నాయి. ఫ్రెంట్​- రేర్​లో డిస్క్​ బ్రేక్స్​ లభిస్తున్నాయి. వచ్చే ఏడాది నాటికి.. ఈ ఎలక్ట్రిక్​ వెహికిల్​లోనే ఆయిల్​ కూల్డ్​ బ్యాటరీ ఆప్షన్​ని తీసుకురావాలని సంస్థ ప్లాన్​ చేస్తోంది. ఫలితంగా.. రేంజ్​ మరింత పెరిగే అవకాశం ఉంటుంది.

కొత్త ఎలక్ట్రిక్​ స్కూటర్​ ధర ఎంతంటే..

ఈ మోడల్​ని పూర్తిగా ఇండియాలోనే మేన్యుఫ్యాక్చర్​ అవుతుంది. ఈ కైనెటిక్​ గ్రీన్​ జులు ఎక్స్​షోరూం ధర రూ. 95,000. వచ్చే 12 నెలల్లో కనీసం 40వేల యూనిట్​లను అమ్మాలని సంస్థ ప్లాన్​ చేస్తోంది. అంతేకాకుండా.. జులు తర్వాత.. లూనాకు ఎలక్ట్రిక్​ వర్షెన్​ని కూడా తీసుకొచ్చేందుకు ప్రణాళికలు రచించింది.

Kinetic Green Zulu price : ఇక ఈ కైనెటిక్​ గ్రీన్​ జులు ఎలక్ట్రిక్​ స్కూటర్​.. ఓలా ఎస్​1 ఎక్స్​+, ఒకినవా ప్రైజ్​ప్రోతో పాటు పలు ఇతర మోడల్స్​తో పోటీపడనుంది.

WhatsApp channel

సంబంధిత కథనం