Kinetic E Luna moped : త్వరలోనే కైనెటిక్ ఈ- లూనా లాంచ్..!
Kinetic electric Luna moped : కైనెటిక్ లూనా మోపెడ్ ఎలక్ట్రిక్ వర్షెన్ వచ్చేస్తోంది! ఈ విషయాన్ని కైనెటిక్ గ్రీన్ ఫౌండర్, సీఈఓ సులజ్జ ఫిరోదియా మోత్వాని ప్రకటించారు. వివరాల్లోకి వెళితే..
Kinetic electric Luna moped launch : దేశ మొబిలిటీ సెగ్మెంట్లో విప్లవాత్మక మార్పులకు నాంది పలికిన కైనెటిక్ లూనా గుర్తుందా? ఈ టూ వీలర్ మోపెడ్.. ఇప్పుడు మళ్లీ ఇండియన్ రోడ్లపై చక్కర్లు కొట్టడానికి సిద్ధమవుతోంది! 'ఈ లూనా'ను దేశంలో లాంచ్ చేస్తున్నట్టు ప్రకటించారు కైనెటిక్ గ్రీన్ ఫౌండర్, సీఈఓ సులజ్జ ఫిరోదియా మోత్వాని.
ఎంట్రీ లెవల్ మోపెడ్గా..
కైనెటిక్ గ్రూప్ ఫౌండర్, తన తండ్రి అరుణ్ ఫిరోదియా.. కైనెటిక్ లూనాపై కూర్చుని ఉన్న ఫొటోను షేర్ చేశారు మోత్వాని. "ఎ బ్లాస్ట్ ఫ్రమ్ ది పాస్ట్! చెల్ మేరీ లూనా (పద లునా)తో మా తండ్రి పద్మశ్రీ అరుణ్ ఫిరోదియా. రానున్న రోజుల్లో కైనెటిక్ గ్రీన్ నుంచి ఈ- లూనా రాబోతోంది. మరిన్ని వివరాలు త్వరలోనే వెల్లడిస్తాను," అని మోత్వాని అన్నారు.
ఈ కైనెటిక్ ఈ లూనాకు సంబంధించిన వివరాలు ప్రస్తుతం అందుబాటులో లేవు. అయితే.. ఇదొక ఎంట్రీ లెవెల్ మోపెడ్గా ఉంటుందని మార్కెట్లో అంచనాలు ఉన్నాయి. అలనాటి లూనా కూడా ఎంట్రీ లెవెల్ మోపెడ్గా అడుగుపెట్టి సంచలనాలు సృష్టించింది. పూణెలోని కైనెటిక్ గ్రీన్ ఫ్యాక్టరీలో దీనిని తయారు చేసే అవకాశం ఉంది. కాగా రెండో ప్లాంట్ను పూణెకు సమీపంలో ఇటీవలే ప్రారంభించింది ఈ సంస్థ. ఏడాదికి 10లక్షల ఎలక్ట్రిక్ టూ వీలర్లతో పాటు త్రీ వీలర్ వాహనాలను తయారు చేసే సామర్థ్యం ఈ ప్లాంట్కు ఉందని తెలుస్తోంది.
ఇదీ చూడండి:- Mahindra Bolero Neo Plus : మహీంద్రా బొలేరో నియో ప్లస్.. త్వరలోనే లాంచ్!
కైనెటిక్ ఈ లూనా లాంచ్ అయితే.. అనేక బీ2బీ ఎలక్ట్రిక్ టూ వీలర్లకు గట్టి పోటీ తప్పదని మార్కెట్ వర్గాలు భావిస్తున్నాయి. రైడర్ వెనకాల ప్యాసింజర్ కాకుండా.. లోడ్ క్యారీయింగ్కు అవకాశం ఉండే విధంగా ఈ లూనాను డిజైన్ చేసే యోచనలో సంస్థ ఉన్నట్టు తెలుస్తోంది. ఈ ఈ లూనా ఎలక్ట్రిక్ మోటార్, బ్యాటరీ, రేంజ్ వంటి వివరాలు ప్రస్తుతం అందుబాటులో లేవు. రానున్న వారాల్లో ఒక క్లారిటీ వస్తుంది.
Kinetic E Luna price : అప్పట్లో లూనా చాలా ఫేమస్. దానిని క్యాష్ చేసుకోవాలని కైనెటిక్ గ్రీన్ చూస్తోంది. లూనా పేరు చెబితే.. ఆకర్షితులయ్యే కస్టమర్లు ఉంటారని భావిస్తోంది. అయితే.. 2 వీలర్ ఎలక్ట్రిక్ సెగ్మెంట్లో పోటీ విపరీతంగా ఉంది. ప్రజలకు చాలా ఆప్షన్స్ ఉన్నాయి. ఈ పరిస్థితుల మధ్య.. రేంజ్, పర్ఫార్మెన్స్ బాగుంటేనే ఈ లూనా క్లిక్ అవుతుందని మార్కెట్ వర్గాలు భావిస్తున్నాయి.
సంబంధిత కథనం