Telugu News  /  Business  /  Kia Carens Price Increased Again, Check Out Latest Rates In India
మళ్లీ పెరిగిన కియా క్యారెన్స్​ ధరలు..
మళ్లీ పెరిగిన కియా క్యారెన్స్​ ధరలు.. (HT AUTO)

Kia Carens price increased : మళ్లీ పెరిగిన కియా క్యారెన్స్​ ధరలు..

04 November 2022, 8:15 ISTChitturi Eswara Karthikeya Sharath
04 November 2022, 8:15 IST

Kia Carens price increased : కియా క్యారెన్స్​ ధరలు మళ్లీ పెరిగాయి. లాంచ్​ అయిన 8 నెలలకే ధరలు రెండు సార్లు పెరగడం గమనార్హం.

Kia Carens price increased : భారతీయులకు షాక్​ ఇచ్చింది కియా మోటార్స్​. త్రీ రో ఎంపీవీ క్యారెన్స్​ ధరలను మళ్లీ పెంచింది. క్యారెన్స్​ ధరలను కియా పెంచడం.. 8 నెలల్లో ఇది రెండోసారి. వేరియంట్​ ఆధారంగా.. రూ. 50,000 వరకు ధరలను పెంచింది.

ట్రెండింగ్ వార్తలు

ఈ ఏడాది ఫిబ్రవరి 15న క్యారెన్స్​ను ఇండియా మార్కెట్​లోకి లాంచ్​ చేసింది కియా. అప్పుడు దాని ధర(ఎక్స్​షోరూం) రూ. 8.99లక్షలుగా ఉండేది. ఆ తర్వాత కొన్ని వారలకే ధరలను పెంచింది. నాడు పలు వేరియంట్లపై రూ. 70,000 వరకు హైక్​ తీసుకుంది.

Kia Carens price hike : తాజా లెక్కల ప్రకారం.. కియా క్యారెన్స్​ టాప్​ ఎండ్​ డీజిల్​ 6ఏటీ లగ్జరీ ప్లస్​ 7 సీటర్​ ధర రూ. 17.99లక్షలు(ఎక్స్​షోరూం)గా ఉంది. ధరల పెంపునకు ముందు అది రూ. 16.99లక్షలుగా ఉండేది.

ఇక 1.5 6ఎంటీ ప్రెస్టీజ్​ 7 సీటర్​, 1.5 6ఎంటీ ప్రీమియం 7 సీటర్​ వేరింట్​ ధరలు కూడా పెరిగాయి. ఆ ధరలు (ఎక్స్​షోరూం) రూ. 11.30లక్షలు- 14లక్షల మధ్యలో ఉన్నాయి.

కియా క్యారెన్స్​లోని డీజిల్​ సెగ్మెంట్​ టాప్​ వేరియంట్లపై రూ. 30వేలు పెరిగింది. అయితే.. లగ్జరీ మేన్యువల్​ 7 సీటర్​కు మాత్రం రూ. 35వేలు పెరిగాయి.

ఇక కియా క్యారెన్స్ 1.4 లీటర్​ టర్బోఛార్జ్​డ్​​ పెట్రోల్​ వేరియంట్స్​పై రూ. 10,000- రూ. 20,000 మధ్యలో రేట్లు పెరిగాయి.

వెయిటింగ్​.. వెయిటింగ్​..

Kia Carens waiting period : కియా మోటర్స్​లో ఎక్కువగా అమ్ముడుపోతున్న వాహనాల్లో క్యారెన్స్​ ఒకటి. సెల్టోస్​, సోనెట్​ తర్వాత మూడో స్థానంలో ఉంది కియా క్యారెన్స్​. గత నెలలో 5,479 క్యారెన్స్​ కార్లు అమ్ముడుపోయాయి. ఇక ఈ కియా క్యారెన్స్​కు సుదీర్ఘ వెయిటింగ్​ పీరియడ్​ కూడా ఉంది. కొన్ని వేరియంట్లకు అత్యధికంగా 75వారాల వెయిటింగ్​ పీరియడ్​ నడుస్తోంది. ప్రెస్టీజ్​ 1.5లీటర్​ పెట్రోల్​ ఇంజిన్​ వేరియంట్​కు 74-75 వారాల వెయిటింగ్​ పీరియడ్​ ఉంది. లగ్జరీ, లగ్జరీ ప్లస్​ 7 వేరియంట్లకు 18-19 వారాల వెయిటింగ్​ పీరియడ్​ నడుస్తోంది.

కియా మోటార్స్​ వాహనాల వెయిటింగ్​ పీరియడ్​కు సంబంధించిన పూర్తి వివరాల కోసం ఇక్కడ క్లిక్​ చేయండి.

కియా క్యారెన్స్​లో మూడు ఇంజిన్​ ఆప్షన్లు ఉన్నాయి. 1.5లీటర్​ పెట్రోల్​ వేరియంట్​.. 115పీఎస్​, 144 ఎన్​ఎం టర్క్​ను జనరేట్​ చేస్తుంది. 1.5లీటర్​ డీజిల్​ ఇంజిన్​.. 250ఎన్​ఎం టార్క్​ను జనరేట్​ చేయగలదు. .14లీటర్​ టర్బో పెట్రోల్​ ఇంజిన్​.. 140పీఎస్​, 242ఎన్​ఎం టార్క్​ను జనరేచ్​ చేస్తుంది.

హుందాయ్​ అల్కజార్​, టాటా సఫారీ, మారుతీ సుజుకీ ఎర్టిగా, ఎక్స్​ఎల్​ 6, ఇన్నోవా క్రిస్టాకు.. ఈ కియా క్యారెన్స్​ గట్టి పోటీనిస్తోంది.