Infinix Smart 9 : భారీ బ్యాటరీ, కూల్ ఫీచర్స్తో ఇన్ఫినిక్స్ స్మార్ట్ 9 లాంచ్- ధర రూ. 7వేల లోపే!
మీడియాటెక్ హీలియో జీ81 ప్రాసెసర్, 5000 ఎంఏహెచ్ బ్యాటరీ, 6.7ఇంచ్ హెచ్డీ+ డిస్ప్లేతో ఇన్ఫినిక్స్ స్మార్ట్ 9 స్మార్ట్ఫోన్ లాంచ్ అయ్యింది. ఈ గ్యాడ్జెట్ పూర్తి వివరాలను ఇక్కడ తెలుసుకోండి..
ఇన్ఫినిక్స్ తన నూతన స్మార్ట్ఫోన్ ఇన్ఫినిక్స్ స్మార్ట్ 9ను మలేషియాలో విడుదల చేసింది. ఈ ఏడాది ప్రారంభంలో భారతదేశంలో విడుదలైన ఇన్ఫినిక్స్ స్మార్ట్ 8కు ఇది సక్సెసర్గా పనిచేస్తుంది. సరసమైన ధరలో నమ్మదగిన పర్ఫార్మెన్స్, సూపర్ ఫీచర్స్ కోసం చూస్తున్న వినియోగదారులకు ఇన్ఫినిక్స్ స్మార్ట్ 9 మంచి ఆప్షన్గా నిలుస్తుందని మార్కెట్ వర్గాలు భావిస్తున్నాయి. ఈ నేపథ్యంలో ఈ లేటెస్ట్ స్మార్ట్ఫోన్ విశేషాలను ఇక్కడ చెక్ చేయండి.
ఇన్ఫినిక్స్ స్మార్ట్ 9 స్పెసిఫికేషన్లు..
ఇన్ఫినిక్స్ స్మార్ట్ 9లో 6.7 ఇంచ్ హెచ్డీ+ డిస్ప్లే, 1600×720 పిక్సెల్స్ రిజల్యూషన్, 90.2 పర్సెంట్ స్క్రీన్ టు బాడీ రేషియో ఉన్నాయి. ఈ స్మార్ట్ఫోన్లో మీడియాటెక్ హీలియో జీ81 ప్రాసెసర్ ఉంది. ఇది దాని మునుపటి హీలియో జీ36 నుంచి గణనీయమైన అప్గ్రేడ్ అని చెప్పుకోవచ్చు. ఈ మార్పు స్మార్ట్ఫోన్ పర్ఫార్మెన్స్ని మెరుగుపరుస్తుంది. మల్టీటాస్కింగ్, గేమింగ్ సమయంలో గ్యాడ్జెట్ సజావుగా పనిచేయాలనుకునే వినియోగదారులకు సేవలు అందిస్తుంది. 3 జీబీ లేదా 4 జీబీ ర్యామ్, 64 జీబీ లేదా 128 జీబీ స్టోరేజ్ కాన్ఫిగరేషన్లతో పాటు 4 జీబీ వరకు వర్చువల్ ర్యామ్ సపోర్ట్ కూడా ఇందులో ఉంది.
ఇన్ఫినిక్స్ స్మార్ట్ 9 ఆండ్రాయిడ్ 14 (గో ఎడిషన్) పై ఇన్ఫినిక్స్ ఎక్స్ఓఎస్ 14 కస్టమ్ స్కిన్తో పనిచేస్తుంది. ఇది సహజమైన వినియోగదారు అనుభవాన్ని అందిస్తుంది. ఇన్ఫినిక్స్ డ్యూయెల్ కెమెరా సిస్టమ్తో డివైజ్ని రెడీ చేస్తుంది. 13 మెగాపిక్సెల్ ప్రైమరీ కెమెరా, సెల్ఫీలు- వీడియో కాల్స్ కోసం 8 మెగాపిక్సెల్ ఫ్రెంట్ ఫేసింగ్ కెమెరాను ఈ స్మార్ట్ఫోన్ కలిగి ఉంది. ఈ ఫోన్ 5000 ఎంఏహెచ్ బ్యాటరీతో వస్తోంది. ఇది 10వాట్ స్టాండర్డ్ ఛార్జింగ్కి మద్దతు ఇస్తుంది. రోజువారీ ఉపయోగం కోసం తగినంత పవర్ని అందిస్తుంది.
ఇదీ చూడండి:- Amazon Sale 2024: అమెజాన్ సేల్ లో ఈ ప్రీమియం స్మార్ట్ ఫోన్స్ పై భారీ డిస్కౌంట్స్
డిజైన్ పరంగా, ఇన్ఫినిక్స్ స్మార్ట్ 9 డస్ట్, స్ప్లాష్ రెసిస్టెన్స్ కోసం ఐపీ54 రేటింగ్ని అందిస్తుంది. మెటాలిక్ బ్లాక్, నియో టైటానియం, మింట్ గ్రీన్, శాండ్ స్టోన్ గోల్డ్ అనే నాలుగు కలర్ ఆప్షన్లలో లభిస్తుంది. ఈ స్మార్ట్ఫోన్ డ్యూయెల్ స్టీరియో స్పీకర్లను కూడా సపోర్ట్ చేస్తుంది. ఆల్వేస్-ఆన్ డిస్ప్లే, బూస్ట్ ఇంజిన్ వంటి ఫీచర్లను కలిగి ఉంది.
ఇన్ఫినిక్స్ స్మార్ట్ 9: ధర..
ఇన్ఫినిక్స్ తన అధికారిక వెబ్సైట్లో స్మార్ట్ 9 ను లిస్ట్ చేసింది. అయితే కొనుగోలు లింక్ ఇంకా లైవ్ అవ్వలేదు. మలేషియాలో.. 3 జీబీ ర్యామ్, 64 జీబీ స్టోరేజ్ వేరియంట్ ధర సుమారు రూ.6,300గా ఉంది. 4 జీబీ ర్యామ్, 128 జీబీ స్టోరేజ్ వేరియంట్ ధర గురించి వివరాలు అందుబాటులో లేవు.
ఇక ఈ గ్యాడ్జెట్ ఇండియాలో ఎప్పుడు లాంచ్ అవుతుంది? ధర ఎంత ఉంటుంది? ఫీచర్స్ ఎలా ఉంటాయి? వంటి వివరాలపై ప్రస్తుతానికి క్లారిటీ లేదు. పూర్తి వివరాలు మరికొన్ని రోజుల్లో తెలిసే అవకాశం ఉంది.
సంబంధిత కథనం