Hyundai Creta adventure edition : హ్యుందాయ్​ క్రేటా, అల్కజార్​ కొత్త ఎడిషన్​ ప్రత్యేకతలివే!

Hyundai Creta Adventure Edition : సౌత్​ కొరియా దిగ్గజ ఆటోమొబైల్​ సంస్థ హ్యుందాయ్​ మోటార్స్​కు ఇండియాలో.. క్రేటా, అల్కజార్​లు బెస్ట్​ సెల్లింగ్​ మోడల్స్​గా కొనసాగుతున్నాయి. ఇక ఇప్పుడు వీటికి సంబంధించిన కొత్త ఎడిషన్​ను సంస్థ లాంచ్​ చేసింది. ఈ హ్యుందాయ్​ క్రేటా అడ్వెంచర్​, అల్కజార్​ అడ్వెంచర్​ ఎడిషన్​ల ప్రత్యేకతలను ఇక్కడ తెలుసుకుందాము..

కొత్త ఎడిషన్స్​ విశేషాలు..

ఈ కొత్త ఎడిషన్​లో బ్లాక్​డ్​- ఔట్​ స్కిడ్​ ప్లేట్స్​, గ్రిల్​, సైడ్​ సిల్స్​, రూఫ్​ రెయిల్స్​, ఓఆర్​వీఎంలు, షార్క్​ ఫిన్​ యాంటీనా, అలాయ్​ వీల్స్​ వంటివి వస్తున్నాయి. ఫ్రెంట్​ ఫెండర్​పై "అడ్వెంచర్​" ఎంబ్లమ్​ ఉంటుంది. ఇక రేర్​లో డార్క్​ క్రోమ్​ ఫినీష్​తో కూడిన హ్యుందాయ్​ లోగో లభిస్తోంది.

ఇక ఇంటీరియర్​లో ఆల్​- బ్లాక్​ థీమ్​, కొత్త అప్​హోలిస్ట్రీ, సేజ్​ గ్రీన్​ ఇన్​సర్ట్స్​, డ్యూయెల్​ కెమెరా డాష్​క్యామ్​, మెటల్​ పాడ్స్​, అడ్వెంచర్​ స్పెక్​ మాట్స్​లు మరింత స్టైల్​ను యాడ్​ చేసే విధంగా ఉన్నాయి.

Hyundai Creta Adventure Edition on road price : హ్యుందాయ్​ అల్కజార్​ అడ్వెంచర్​ ఎడిషన్​లో 1.5 లీటర్​ టర్బో పెట్రోల్​, 1.5 లీటర్​ డీజిల్​ ఇంజిన్​ ఆప్షన్స్​ ఉన్నాయి. 6 స్పీడ్​ మేన్యువల్​, 6 స్పీడ్​ టార్క్​ కన్వర్టర్​ ఆటోమెటిక్​, 7 స్పీడ్​ డీసీటీ గేర్​బాక్స్​ ఆప్షన్స్​తో ఈ మోడల్​ వస్తోంది.

ఇదీ చూడండి:- Discounts on Hyundai cars : హ్యుందాయ్​ వాహనాలపై రూ. 2లక్షల వరకు డిస్కౌంట్లు..!

ఇక హ్యుందాయ్​ క్రేటా అడ్వెంచర్​ ఎడిషన్​లో 1.5 లీటర్​ ఎన్​ఏ పెట్రోల్​ ఇంజిన్​ ఉంటుంది. 6 స్పీడ్​ మేన్యువల్​, ఐవీటీ గేర్​బాక్స్​ వస్తోంది.

క్రేటా కొత్త ఎడిషన్​.. 4 మోనోటోన్​ (ఎబిస్​ బ్లాక్​, అట్లాస్​ వైట్​, టైటాన్​ గ్రే, రేంజర్​ ఖాఖీ), 2 డ్యూయెల్​ టోన్​ (అట్లాస్​ వైట్​- ఎబిస్​ బ్లాక్​, న్యూ రేంజర్​ ఖాఖీ- ఎబిస్​ బ్లాక్​) రంగుల్లో అందుబాటులోకి రానుంది. ఇక అల్కజార్​ కొత్త మోడల్​ 4 మోనోటోన్​, 3 డ్యూయెల్​ టోన్​ (అట్లాస్​ వైట్​- ఎబిస్​ బ్లాక్​, రేంజర్​ ఖాఖీ- ఎబిస్​ బ్లాక్​, టైటాన్​ గ్రే- ఎబిస్​ బ్లాక్​) రంగుల్లో వస్తోంది.

వీటి ధరలెంతంటే..

Hyundai Alcazar Adventure Edition on road price : అల్కజార్​ 1.5 ఎంటీ ప్లాటీనం ఏఈ పెట్రోల్​ వేరియంట్​ ఎక్స్​షోరూం ధర రూ. 19,03,600. 1.5టీ డీసీటీ సిగ్నేచర్​ (ఓ) ఏఈ పెట్రోల్​ ధర రూ. 20,63,600. 1.5 ఎంటీ ప్లాటీనం ఏఈ డీజిల్​ ధర రూ. 19,99,800. అల్కజార్​ 1.5 ఏటీ సిగ్నేచర్​ (ఓ) ఏఈ డీజిల్​ ధర రూ. 21,23,500.

ఇక హ్యుందాయ్​ క్రేటా ఎంపీఏ ఎంటీ ఎస్​ఎక్స్​ ఏఈ పెట్రోల్​ వేరియంట్​ ఎక్స్​షోరూం ధర కూయ 15,17,000. 1.5 ఎంపీఐ ఐవీటీ ఎస్​ఎక్స్​ (ఓ) ఏఈ పెట్రోల్​ ధర రూ. 17,89,400.