Honda Stylo 160 : హీరో- యమహా స్కూటర్స్​కి పోటీగా.. హోండా స్టైలో 160!

Honda Stylo 160 price Hyderabad : భారత ఆటోమొబైల్​ మార్కెట్​లో.. ఈవీలతో పాటు 2 వీలర్​ సెగ్మెంట్​కి కూడా మంచి డిమాండ్​ కనిపిస్తోంది. దీనిని క్యాష్​ చేసుకునేందుకు ఆటోమొబైల్​ సంస్థ.. పోటీపడి మరీ కొత్తకొత్త స్కూటర్లను లాంచ్​ చేస్తున్నాయి. ఇక ఇప్పుడు.. హోండా మోటార్ సైకిల్ అండ్ స్కూటర్ ఇండియా (హెచ్ఎంఎస్ఐ) నుంచి ఓ కొత్త స్కూటర్​ మార్కెట్​లోకి ఎంట్రీ ఇచ్చే సూచనలు కనిపిస్తున్నాయి. స్టైలో 160 స్కూటర్​కు సంస్థ పేటెంట్ పొందడం ఇందుకు కారణం. హోండా స్టైలో 160 ఈ సంవత్సరం ప్రారంభంలో ఇండోనేషియాలో లాంచ్ అయ్యింది. దానిని ఇప్పటివరకు మరే ఇతర మార్కెట్​లోనూ విడుదల చేయలేదు. ఈ  నేపథ్యంలో.. ఇండియాలో ఈ స్కూటర్​కి పేటెంట్​ లభించిందన్న వార్త ఎగ్జైటింగ్​గా మారింది. హోండా ఇంకా ఎటువంటి వివరాలను ధృవీకరించనప్పటికీ.. యమహా ఏరోక్స్ 155, అప్రిలియా ఎస్ఎక్స్ఆర్ 160, రాబోయే హీరో జూమ్ 160 వంటి వాటికి ద్విచక్ర వాహనాలకు పోటీగా.. ఈ స్టైలో 160 రూపొందుతోందని టాక్​ నడుస్తోంది. ఈ నేపథ్యంలో ఈ స్కూటర్​పై ఇప్పటివరకు ఉన్న వివరాలను ఇక్కడ తెలుసుకుందాము..

హోండా స్టైలో 160 స్కూటర్​..

హోండా స్టైలో 160.. ఒక ప్రీమియం స్కూటర్​ అని తెలుస్తోంది. అనేక ఫీచర్లతో స్టైలిష్ మోడ్రన్-రెట్రో డిజైన్​ను పొందుతుంది. ఈ స్కూటర్​లో.. ఎల్ఈడీ లైటింగ్, డిజిటల్ డిస్ల్పే, యూఎస్బీ ఛార్జింగ్, కీలెస్ స్టార్ట్, 12 ఇంచ్​ అలాయ్ వీల్స్ ఉన్నాయి. ఈ స్టైలిష్ స్కూటర్.. యాక్టివా శ్రేణి కంటే గణనీయంగా పెద్దది. గుడ్​ రోడ్​ ప్రెసెన్స్​, కంఫర్టెబుల్​ సీటింగ్​ దీని విశేషాలు.

Honda Stylo 160 launch date in India : హోండా స్టైలో 160 స్కూటర్​లో.. 156.9 సీసీ సింగిల్ సిలిండర్, లిక్విడ్ కూల్డ్ ఇంజిన్ ఉంటుందని తెలుస్తోంది. ఇది.. 8,500 ఆర్​పీఎమ్ వద్ద 15 బీహెచ్​పీ పవర్.. 7,000 ఆర్​పీఎమ్ వద్ద 13.8 ఎన్ఎమ్ గరిష్ట టార్క్​ను జనరేట్​ చేస్తుంది. ఈ స్కూటర్ ముందు భాగంలో టెలిస్కోపిక్ ఫోర్కులు, వెనుక భాగంలో మోనోషాక్​తో స్వింగ్ ఆర్మ్​ను కలిగి ఉంది. ఇందులో 220 ఎంఎం ఫ్రంట్ డిస్క్, 220 ఎంఎం రియర్ డిస్క్ బ్రేకులు ఉన్నాయి. ఇండోనేషియాలో విక్రయించే లోయర్ వేరియంట్​లో.. 190 ఎంఎం ఫ్రంట్ డిస్క్, వెనుక భాగంలో డ్రమ్ బ్రేక్ యూనిట్ ఉన్నాయి. హోండా స్టైలో 160 స్కూటర్​ తక్కువ వేరియంట్లలో సీబీఎస్​.. పెద్ద వేరియంట్లలో ఏబీఎస్ వంటి సేఫ్టీ ఫీచర్స్​ లభిస్తున్నాయి. ఈ మోడల్ బరువు 118 కిలోలు.

అయితే.. ఏ దేశంలోనైనా పేటెంట్ నమోదు చేయడం వల్ల ఆ మోడల్ కచ్చితంగా లాంచ్​ అవుతుందని చెప్పలేము. హోండా స్టైలో 160 స్కూటర్​ని సమీప భవిష్యత్తులో విడుదల చేయడానికి పేటెంట్ పొంది ఉండొచ్చు.

Honda Stylo 160 in India : ఆసక్తికరమైన విషయం ఏంటంటే.. హోండా ఇటీవల నమోదు చేసిన పేటెంట్ ఇదొక్కటే కాదు! ఈ సంస్థ ఇటీవలే.. సీబీ 500 హార్నెట్, సీబీఆర్500ఆర్​ డిజైన్లకు పేటెంట్ చేసుకుంది.

ఏదిఏమైనా.. ఇండియాలో స్కూటర్​లకు మంచి డిమాండ్​ ఉంది కాబట్టి.. పేటెంట్​ పొందిన హోండా స్టైలో 160 సైతం లాంచ్​ అవుతుందని మార్కెట్​ వర్గాలు భావిస్తున్నాయి. త్వరలోనే దీని మీద అప్డేట్​ వస్తుందని అంచనా వేస్తున్నాయి.