FIFA World Cup Final : అర్జెంటీనా, ఫ్రాన్స్​ ఆటగాళ్లు.. స్టైలిష్​ కార్లు- ఓ లుక్కేయండి!

FIFA World Cup Final : ఇప్పుడు ఎక్కడ చూసినా 2022 ఫీఫా వరల్డ్​ కప్​ ఫైనలే హాట్​ టాపిక్​! అర్జెంటీనా- ఫ్రాన్స్​ మధ్య జరిగిన​ ఫైనల్​.. ఫుట్​బాల్​ ప్రేమికులను ఉర్రూతలూగించింది. లియెనెల్​ మెస్సీ మెరుపులు, ఎంబాపే పోరాటంతో ఉత్కంఠభరిత మ్యాచ్​ను ప్రేక్షకులు వీక్షించారు. చివరికి ఫ్రాన్స్​పై అర్జెంటీనా పైచేయి సాధించి, కప్​ను తన ఖాతాలో వేసుకుంది. ఇరువైపుల ఆటగాళ్లు చివరి నిమిషం వరకు పోరాడని విధానం ఫ్యాన్స్​ను మెప్పించింది. ఫలితంగా ఇరు జట్ల ఆటగాళ్ల గురించి తెలుసుకునేందుకు అందరు తహతహలాడుతున్నారు. ఈ క్రమంలో అర్జెంటీనా, ఫ్రాన్స్​లోని పలువురు ఆటగాళ్ల వద్ద ఉన్న ఖరీదైన, స్టైలిష్​ కార్లను ఓసారి చూద్దాం..

అర్జెంటీనా..

లియోనెల్​ మెస్సీ..

Messi cars list : ఫుట్​బాల్​ లెజెండ్​ లియోనెల్​ మెస్సీ.. ఈ లిస్ట్​లో కూడా టాప్​లోనే ఉన్నాడు. ఈ అర్జెంటీనా దిగ్గజం గ్యారేజ్​లో చాలా కార్లే ఉన్నాయి. వాటిల్లో ముఖ్యంగా చెప్పుకోవాల్సింది ఫెరారీ 335 ఎస్​ స్పైడర్​ స్కాగ్లియెట్టి గురించే! 1950 దశకంలో ఫెరారీ రూపొందించిన నాలుగు స్పోర్ట్స్​ కారుల్లో ఇదొకటి. ఇందులో 4.1లీటర్​ వీ12 ఇంజిన్​ ఉంటుంది. ఇది 400పీఎస్​ పవర్​ను జనరేట్​ చేస్తుంది. దీని టాప్​ స్పీడ్​ 300కేఎంపీహెచ్​.

ఏంజెల్​ డీ మారియో..

అర్జెంటీనా జట్టులో రైట్​ వింగర్​, ఫైనల్​లో కీలక గోల్​ కొట్టిన ఏంజెల్​ డీ మారియో.. పార్షె, ఆస్టన్​ మార్టిన్​, రేంజ్​ రోవర్​ను ఎక్కువగా నడుపుతాడని తెలుస్తోంది. అతని కార్ల కలెక్షన్​లో అత్యంత ఖరీదైనదిగా లంబోర్ఘినీ హరికెన్​ గుర్తింపు పొందింది. కానీ ఆయన వద్ద ఉన్న చెవర్లెట్​ కార్వెట్టే స్టిన్​గ్రే.. మరింత ప్రత్యేకం! ఇందులో 6.2లీటర్​ వీ8 ఇంజిన్​ ఉంటుంది. ఇది 466పీఎస్​ పవర్​, 630ఎన్​ఎం టార్క్​ను జనరేట్​ చేస్తుంది. దీని టాప్​ స్పీడ్​ 300కేఎంపీహెచ్​. ఈ సూపర్​ కారు.. 0-100 కేఎంపీహెచ్​ వేగాన్ని కేవలం 3.9సెకన్లలోనే అందుకుంటుంది.

లౌటారో మార్టినెజ్..

Argentina vs France Worldcup final : అర్జెంటీనా లైనప్​లో కీలక అటాకర్​గా పేరు తెచ్చుకున్న లౌటారో మార్టినెజ్ వద్ద కూడా లంబోర్ఘినీ హరికెన్​ ఉంది. అయితే.. ఇది సరికొత్త ఈవీఓ స్పైడర్​ ఎడిషన్​. ఇందులో 5.2లీటర్​ వీ10 ఇంజిన్​ ఉంటుంది. ఇది 640పీఎస్​ పవర్​ను జనరేట్​ చేస్తుంది. హరికెన్​ ఈవీఓ స్పైడర్​.. టాప్​ స్పీడ్​ 325కేఎంపీహెచ్​. 0-100 కేఎంపీహెచ్ వేగాన్ని కేవలం 3.1 సెకన్లలో అందుకుంటుంది.

ఫ్రాన్స్​..

కైలియన్​ ఎంబాపే..

Mbappe vs Messi : ఫీఫా వరల్డ్​ కప్​ ఫైనల్​ను రసవత్తరంగా మార్చింది ఎవరైనా ఉంటే.. అది కైలియన్​ ఎంబాపేనే! మ్యాచ్​ చేజారిపోయిన దశలో వరుసగా రెండు గోల్స్​కు ఫ్రాన్స్​ను రేస్​లో నిలిపాడు. హ్యాట్రిక్​ గోల్స్​తో సత్తా చాటాడు. ఈ 23ఏళ్ల ఆటగాడి వద్ద చాలా కార్లే ఉన్నాయి. వోక్స్​వ్యాగన్​, ఆడీ, బీఎండబ్ల్యూ, మెర్సిడెస్​ బెంజ్, రేంజ్​ రోవర్​​లోని చాలా మోడల్స్​.. ఇతని గ్యారేజ్​లో ఉన్నాయి. కానీ ఫెరారీ 488 పిస్తా.. ఇతని గ్యారేజ్​లో హైలైట్​గా నిలుస్తుంది! ఇందులో 3.9 ట్విన్​ టర్బో వీ8 ఇంజిన్​ ఉంటుంది. ఇది 720పీఎస్​ పవర్​ను జనరేట్​ చేస్తుంది. 0-100 కేఎంపీహెచ్​ వేగాన్ని కేవలం 2.8 సెకన్లలో అందుకుంటుంది. దీని టాప్​ స్పీడ్​ 340కేఎంపీహెచ్​.

ఆంటోయిన్ గ్రీజ్‌మాన్..

Mbappe cars list : మరో ఫ్రాన్స్​ ఆటగాడు ఆంటోయిన్ గ్రీజ్‌మాన్ వద్ద రోల్స్​ రాయిస్​ కుల్లినన్​, వ్రైత్​, మసెరేటి గ్రాన్​టురిస్మో ఎస్​, 1969 చెవర్లెట్​ కార్వెట్టి స్టింగ్రేతో పాటు మరిన్ని వాహనాలు ఉన్నాయి. అయితే.. మెక్​లారెన్​ 675ఎల్​టీ అనేది హైలైట్​గా నిలుస్తుంది. ఇందులో 3.8లీటర్​ వీ8 ఇంజిన్​ ఉంటుంది. 675పీఎస్​ పవర్​, 700ఎన్​ఎం టార్క్​ను ఇది జనరేట్​ చేస్తుంది. దీని టాప్​ స్పీడ్​ 330కేఎంపీహెచ్​. 0-100 కేఎంపీహెచ్​ వేగాన్ని ఇది కేవలం 2.8సెకన్లలోనే అందుకుంటుంది.

ఒలివర్​ గిరౌడ్​..

ఫ్రాన్స్​ జట్టులో స్ట్రైకర్​గా కొనసాగుతున్న ఒలివర్​ గిరౌడ్​ వద్ద సెకెండ్​ జనరేషన్​ బెంట్లే కాంటినెంటల్​ జీటీ ఉంది. ఇందులో 4లీటర్​ వీ8 ఇంజిన్​ ఉంటుంది. ఇది 600పీఎస్​ పవర్​ను జనరేట్​ చేస్తుంది.