Demat account nominee : ఇలా చేయకపోతే మీ డీమాట్​ అకౌంట్​ ఫ్రీజ్​ అవుతుంది- ఈ నెల 31 డెడ్​లైన్​!

Demat account nominee : స్టాక్స్​ కొనడం, అమ్మడం కోసం మీరు డీమాట్​ అకౌంట్​ వాడుతున్నారా? మ్యూచువల్​ ఫండ్స్​ కోసం ప్రత్యేకించి యాప్​ను వినియోగిస్తున్నారా? ఆయా అకౌంట్​లకు 'నామినీ'లను యాడ్​ చేయకపోతే.. అవి త్వరలోనే ఫ్రీజ్​ అయ్యే ప్రమాదం ఉంది. నామినీ ప్రక్రియను పూర్తి చేసేందుకు ఈ నెల 31 చివరి తేది.

ట్రేడింగ్​, డిమాట్​ అకౌంట్​లకు నామినీలకు యాడ్​ చేయాలని.. 2021 జులైలోనే ప్రకటన విడుదల చేసింది మార్కెట్​ రెగ్యులేటరీ సెబీ. వాస్తవానికి ఆ గడువు 2022 మార్చ్​తో ముగియాల్సి ఉంది. కాగా.. వివిధ వర్గాల నుంచి అందిన ఫిడ్​బ్యాక్​తో.. గడువును 2023 మార్చ్​ 31 వరకు పొడగించింది.

Demat account nominee update : జులై 2021 సెబీ ప్రకటనకు ముందు నామినీ వివరాలను వెల్లడించిన వారు.. మళ్లీ వివరాలు సమర్పించాలా? అన్న ప్రశ్న ఉత్పన్నమవుతోంది. అది పూర్తిగా ఆప్షనల్​ అని సెబీ స్పష్టం చేసింది. నామినీని పెట్టడం ఇష్టం లేకపోతే.. 'ఆప్ట్​-ఔట్​' ఆప్షన్​ని కూడా ఎంచుకునే వెసులుబాటును కల్పించింది సెబీ. అయితే.. 31వ తేదీలోపు ఈ రెండిట్లో ఏదో ఒక దానిని కచ్చితంగా చేయాల్సి ఉంటుంది.

ఒక అకౌంట్​లో ఒకరు కన్నా ఎక్కువ మంది నామినీలను యాడ్​ చేసుకునే వెసులుబాటును కల్పిస్తోంది సెబీ. అయితే.. ఒక్కొక్కరికి ఎంత శాతం షేర్లు చెందాలి? అన్నది మాతం ముందే స్పష్టం చేయాల్సి ఉంటుంది.

డీమాట్​ అకౌంట్​లో నామినీలను యాడ్​ చేయండిలా..

స్టెప్​ 1:- మీ డీమాట్​ అకౌంట్​లోకి లాగిన్​ అవ్వండి.

Demat account nominee last date : స్టెప్​ 2:- ప్రొఫైల్​లోని 'మై నామినీస్​' సెక్షన్​లోకి వెళ్లండి. నామినీ డీటైల్స్​ పేజీలోకి మీరు రీడైరక్ట్​ అవుతారు.

స్టెప్​ 3:- నామినీని ఎంచుకోవచ్చు లేదా ఆప్ట్​-ఔట్​ ఆప్షన్​ కూడా ఉంటుంది.

స్టెప్​ 4:- నామినీ వివరాలను నింపాల్సి ఉంటుంది. నామినీకి సంబంధించిన ఏదైనా ఐడీ ప్రూఫ్​ను అప్లోడ్​ చేయాల్సి ఉంటుంది. ఎంత పర్సెంటేజ్​ షోర్లు ఇస్తున్నారో కూడా చెప్పాలి.

Demat account nominee news : స్టెప్​ 5:- సబ్మీట్​ ఆప్షన్​ మీద క్లిక్​ చేయాలి.

స్టెప్​ 6:- ఆధార్​ ఓటీపీతో డాక్యుమెంట్​పై ఈ-సైన్​ చేయాలి.

మీరు ఇచ్చిన నామినీ వివరాల వెరిఫికేషన్​కు 24-48 గంటల సమయం పడుతుంది.