LPG cylinder price cut : గుడ్​ న్యూస్​.. తగ్గిన ఎల్​పీజీ సిలిండర్​ ధర!

LPG cylinder price cut : కమర్షియల్​ ఎల్​పీజీ గ్యాస్​ సిలిండర్​ ధరలను తగ్గిస్తూ నిర్ణయం తీసుకున్నాయి పెట్రోలియం- ఆయిల్​ మార్కెటింగ్​ సంస్థలు. ఫలితంగా.. 19 కేజీల వాణిజ్య ఎల్​పీజీ సిలిండర్​ ధర రూ. 171.50 తగ్గింది. తాజా ధరలు నేటి నుంచే అమల్లోకి వస్తాయని తెలుస్తోంది. కాగా.. డొమెస్టిక్​ ఎల్​పీజీ గ్యాస్​ సిలిండర్​ ధరలను చమురు సంస్థలు తగ్గించలేదు.

సాధారణంగా.. వాణిజ్య గ్యాస్​ సిలిండర్​లు హోటళ్లు వంటి ప్రాంతాల్లో వినియోగిస్తారు. ఇళ్లల్లో డొమెస్టిక్​ ఎల్​పీజీ సిలిండర్​ను వాడతారు.

తాజా తగ్గింపుతో.. దేశ రాజధాని ఢిల్లీలో 19 కేజీల కమర్షియల్​ ఎల్​పీజీ సిలిండర్​ ధర రూ. 1856.50కు చేరింది. కోల్​కతాలో 19కేజీల వాణిజ్య ఎల్​పీజీ సిలిండర్​ ధర రూ. 1960.50గా ఉంది. తగ్గింపునకు ముందు ఈ ధర రూ. 2132గా ఉండేది. ముంబైలో ఎల్​పీజీ సిలిండర్​ ధర రూ. 1980 నుంచి రూ. 1808కి పడింది. చెన్నైలో గత నెలలో రూ. 2192గా ఉన్న వాణిజ్య ఎల్​పీజీ సిలిండర్​ ధర ప్రస్తుతం రూ. 2021కు పడింది.

ఇదీ చదవండి:- Oil companies profit on petrol : లీటరు పెట్రోల్​పై చమురు సంస్థల లాభం ఎంతంటే..

Commercial LPG cylinder price cut : చమురు సంస్థలు.. వాణిజ్య గ్యాస్​ సిలిండర్​ ధరలను ఈ ఏడాది మార్చ్​ 1న పెంచాయి. యూనిట్​పై రూ. 350.50 ప్రైజ్​ హైక్​ తీసుకున్నాయి. డొమెస్టిక్​ సిలిండర్​ ధరను రూ. 50 పెంచాయి. ఏప్రిల్​లో కమర్షియల్​ సిలిండర్​ ధరలను తగ్గించాయి. యూనిట్​పై రూ. 92ను తగ్గిస్తున్నట్టు ప్రకటించాయి. మొత్తం మీద కమర్షియల్​ గ్యాస్​ సిలిండర్​ ధరలు ఈ ఏడాదిలో మూడుసార్లు పెరగ్గా.. రెండుసార్లు తగ్గాయి!

గతేడాది సెప్టెంబర్​ 1న వాణిజ్య సిలిండర్​ ధరలు తగ్గాయి. 2022 ఆగస్టు, జులైలోని ఈ తరహా గ్యాస్​ సిలిండర్​ ధరలను తగ్గిస్తూ చమురు సంస్థలు నిర్ణయం తీసుకున్నాయి. ఆ తర్వాత మళ్లీ ఇప్పుడే.. వరుసగా రెండు నెలలు తగ్గింపు కనిపించింది!

విమాన ఇంధన ధరలు కూడా..!

ATF price drop : విమాన ఇంధన ధరలు (ఏటీఎఫ్​) భారీగా తగ్గాయి. దేశ రాజధాని ఢిల్లీలో ఏటీఎఫ్​ ధర రూ. 98,349.95 కిలో లీటర్​ నుంచి రూ. 95,935.34 కిలో లీటరుకు చేరింది. ఈ వార్త విమానయాన సంస్థలకు భారీ ఊరటను కలిగించే విషయం. 

విమాన ఇంధన ధరలను ప్రతి నెల 1వ తేదీన సవరిస్తారు. ఈ ఏడాది మార్చ్​లో ఏటీఎఫ్​ ధర 4శాతం మేర తగ్గింది.