Byju’s layoffs: ఫోన్ కాల్స్ తో ఉద్యోగుల తొలగింపు; నోటీస్ పీరియడ్ రూల్ కూడా పాటించని బైజూస్-byjus starts layoffs via phone calls amid financial strain report ,బిజినెస్ న్యూస్
తెలుగు న్యూస్  /  Business  /  Byju's Starts Layoffs Via Phone Calls Amid Financial Strain: Report

Byju’s layoffs: ఫోన్ కాల్స్ తో ఉద్యోగుల తొలగింపు; నోటీస్ పీరియడ్ రూల్ కూడా పాటించని బైజూస్

HT Telugu Desk HT Telugu
Apr 02, 2024 03:58 PM IST

Byju’s layoffs: ఆర్థిక ఇబ్బందుల నేపథ్యంలో ప్రముఖ ఎడ్యు టెక్ స్టార్ట్ అప్ బైజూస్ ఉద్యోగుల తొలగింపు ప్రక్రియను కొనసాగిస్తోంది. తాజాగా బైజూస్ మరోసారి లే ఆఫ్స్ బాట పట్టింది. ఈ సారి నోటీస్ పీరియడ్ రూల్ కూడా పాటించకుండా, నేరుగా ఉద్యోగికి ఫోన్ చేసి, ఉద్యోగం నుంచి తొలగిస్తున్నట్లు చెప్పేస్తున్నారు.

ప్రతీకాత్మక చిత్రం
ప్రతీకాత్మక చిత్రం

Byju’s layoffs: ఆన్ లైన్ ఎడ్యు టెక్ ప్లాట్ ఫామ్ బైజూస్ (Byju’s) తీవ్రమైన ఆర్థిక ఒత్తిళ్ల మధ్య నోటీసు పీరియడ్ ఇవ్వకుండానే ఫోన్ కాల్స్ ద్వారా తన సిబ్బందిని తొలగించడం ప్రారంభించింది. కేవలం ఫోన్ కాల్స్ తో ఉద్యోగుల తొలగింపును బైజూస్ ప్రారంభించింది. ఆ ఉద్యోగులను పెర్ఫార్మెన్స్ ఇంప్రూవ్ మెంట్ ప్లాన్ (PIP)లో ఉంచకుండా లేదా నోటీసు పీరియడ్ ఇవ్వకుండానే తొలగించడం ప్రారంభించింది. ఈ రౌండు లేఆఫ్స్ లో ఉద్యోగుల తొలగింపు 100 నుంచి 500 మధ్య ఉండొచ్చని తెలుస్తోంది. గత రెండేళ్లలో బైజూస్ సంస్థ నిధుల కొరతతో సతమతమవడంతో కనీసం 10,000 మందికి పైగా ఉద్యోగులను తొలగించింది.

ట్రెండింగ్ వార్తలు

న్యాయ వివాదాలు..

బైజూస్ (Byju’s) సీఈఓ రవీంద్రన్ సహా వ్యవస్థాపకులను తొలగించి కొత్త బోర్డును నియమించాలని కోరుతూ బైజూస్ కు చెందిన నలుగురు కీలక ఇన్వెస్టర్ల బృందం ఎన్సీఎల్టీ (NCLT -National Company Law Tribunal) ని ఆశ్రయించారు. బైజూస్ యాజమాన్యంపై వారు అప్రెషన్, మిస్ మేనేజ్ మెంట్ అభియోగాలు చేశారు. కాస్ట్ ఆప్టిమైజేషన్ చర్యల్లో భాగంగా బైజూస్ (Byju’s) ఇప్పటివరకు 30 ట్యూషన్ సెంటర్లను మూసివేసింది. బైజూస్ కు మొత్తం 292 ట్యూషన్ సెంటర్స్ ఉన్నాయి. తమ కార్యకలాపాల మూడో సంవత్సరంలో చాలా కేంద్రాలను లాభసాటిగా మార్చాలని లక్ష్యంగా పెట్టుకున్నట్లు బైజూస్ తెలిపింది.

ఇక హైబ్రిడ్ మోడల్

నాణ్యత, సమర్థతపై బైజూస్ (Byju’s) దృష్టి పెట్టడం వల్ల మూడో సంవత్సరంలో చాలా కేంద్రాలు లాభాల బాట పట్టాయని బైజూస్ ఒక ప్రకటనలో తెలిపింది. తొంభై శాతం ట్యూషన్ సెంటర్లు అంటే 292లో 262 ఈ సరికొత్త హైబ్రిడ్ మోడల్లో పనిచేస్తాయని, రాబోయే సంవత్సరాల్లో ఉత్తమమైన, అత్యాధునిక సాంకేతిక పరిజ్ఞానాన్ని సమ్మిళితం చేస్తాయని ప్రకటించింది. తమ ప్రస్తుత విద్యార్థుల్లో చాలా మంది వచ్చే విద్యా సంవత్సరానికి (2024-25) ఇప్పటికే సంతకం చేశారని, విద్యార్థులు, తల్లిదండ్రుల విశ్వాసం, విశ్వాసం, మద్దతుకు కృతజ్ఞతలు తెలుపుతున్నట్లు బైజూస్ (Byju’s) తెలిపింది.

WhatsApp channel