BMW X3 M40i launched : బీఎండబ్ల్యూ ఎక్స్​3 ఎం40ఐ లాంచ్​.. ధర ఎంతంటే!

BMW X3 M40i launched : ఇండియా మార్కెట్​లోకి సరికొత్త మోడల్​ను లాంచ్​ చేసింది లగ్జరీ వాహనాల తయారీ సంస్థ బీఎండబ్ల్యూ. ఈ లిమిటెడ్​ ఎడిషన్​ ఎక్స్​3 ఎం40ఐ ఎస్​యూవీ ఎక్స్​షోరూం ధర రూ. 86.5లక్షలు. ఈ మోడల్​ విశేషాలు, వివరాలు ఇక్కడ తెలుసుకుందాము..

బీఎండబ్ల్యూ ఎక్స్​3 ఎం40ఐ..

2003లో తొలిసారిగా ఎక్స్​3 మోడల్​ను లాంచ్​ చేసింది బీఎండబ్ల్యూ. అప్పటి నుంచి ఈ ఎస్​యూవీకి మంచి డిమాండ్​ కనిపిస్తోంది. అయితే.. ఈ ఎస్​యూవీకి మోడల్​కు అనేక సంస్థల నుంచి పోటీ ఎదురవుతోంది. పోటీకి తగ్గట్టుగానే.. కొత్తగా ఎక్స్​3 ఎం40ఐని లాంచ్​ చేసింది.

BMW X3 M40i price in India : ఈ ఎక్స్​3 ఎం40ఐ ఫ్రెంట్​ డిజైన్​.. స్టాండర్డ్​ వర్షెన్​ను పోలి ఉంటుంది. ఇందులో స్కల్ప్​టెడ్​ హుడ్​, సీ- షేప్​ డీఆర్​ఎల్స్​తో కూడిన స్వెప్ట్​బ్యాక్​ ఎల్​ఈడీ హెడ్​ల్యాంప్స్​, ఎం లోగోతో కూడిన బ్లాక్​డ్​ ఔట్​ కిడ్నీ గ్రిల్​, బ్లాక్​ క్రోమ్​ ఎగ్సాస్ట్​ టిప్స్​, వ్రాప్​- అరౌండ్​ ఎల్​ఈడీ టెయిల్​ల్యాంప్స్​, 20 ఇంచ్​ ఎం లైట్​ డిజైనర్​ వీల్స్​ వస్తున్నాయి.

బ్రొక్లిన్​ గ్రే, బ్లాక్​ సఫైర్​ రంగుల్లో ఈ బీఎండబ్ల్యూ ఎక్స్​3 ఎం40ఐ ఎస్​యూవీ అందుబాటులో ఉండనుంది.

ఇదీ చూడండి:- Top SUVs Sold in April: ఏప్రిల్‍లో అత్యధికంగా అమ్ముడైన టాప్ ఎస్‍యూవీ కార్లు ఇవే

బీఎండబ్ల్యూ ఎక్స్​3 ఎం40ఐ- ఇంజిన్​..

BMW X3 M40i India : ఈ ఎస్​యూవీలో 3.0 లీటర్​, ట్విన్​ టర్బోఛార్జ్​డ్​, 6 సిలిండర్​ పెట్రోల్​ ఇంజిన్​ ఉంటుంది. ఇది 360 హెచ్​ప పవర్​ను, 500ఎన్​ఎం టార్క్​ను జనరేట్​ చేస్తుంది. 8 స్పీడ్​ జెడ్​ఎఫ్​ ఆటోమెటిక్​ గేర్​బాక్స్​ ఇందులో ఉండనుంది.

బీఎండబ్ల్యూ ఎక్స్​3 ఎం40ఐ- ఫీచర్స్​..

ఇక ఈ కొత్త ఎస్​యూవీ 5 సీటర్​ కేబిన్​లో బ్లాక్​ రంగులోని సెనసాటిక్​ లెథర్​ అప్​హోలిస్ట్రీ ఉంటుంది. ప్యాడిల్​ షిఫ్టర్​తో కూడిన ఎం స్పెసిఫిక్​ లెథర్​ స్టీరింగ్​ వీల్​, మెమోరీ ఫంక్షన్​తో కూడిన పవర్డ్​ ఫ్రెంట్​ సీట్స్​, పానారోమిక్​ సన్​రూఫ్​, యాంబియెంట్​ లైటింగ్​, 3 జోన్​ క్లైమేట్​ కంట్రోల్​, 16 స్పీకర్​ హర్మాన్​ కర్డాన్​ సౌండ్​ సిస్టెమ్​, 10.25 ఇంచ్​ ఇన్ఫౌటైన్​మెంట్​ ప్యానెల్​ లభిస్తున్నాయి.

ప్యాసింజర్​ సేఫ్టీ కోసం మల్టిపుల్​ ఎయిర్​బ్యాగ్స్​, ఏడీఏఎస్​ ఫంక్షన్స్​ వస్తున్నాయి.

బీఎండబ్ల్యూ ఎక్స్​3 ఎం40ఐ- ధర..

BMW X3 M40i price India : ఈ ఎస్​యూవీ ఎక్స్​షోరూం ధర రూ. 86.5లక్షలుగా ఉండనుంది. ఈ లిమిటెడ్​ ఎడిషన్​ ఎస్​యూవీకి సంబంధించిన బుకింగ్స్​ ఓపెన్​ అయ్యాయి. బీఎండబ్ల్యూ ఆన్​లైన్​ షాప్​లో దీనిని బుక్​ చేసుకోవచ్చు.