Types of savings account : సేవింగ్స్​ అకౌంట్​ ఎన్ని రకాలు? వాటి ఉపయోగాలేంటి?

Types of savings account : 'సేవింగ్స్​'.. ప్రతి మనిషి జీవితంలో ఎంతో ముఖ్యమైన విషయం ఇది. కష్టం వచ్చినా, నష్టం వచ్చినా.. 'నేనున్నాను' అంటూ ధైర్యాన్ని ఇచ్చే పదం ఇది. ఎప్పుడు ఎలాంటి పరిస్థితులు ఎదురవుతాయో చెప్పలని పరిస్థితులివి. సేవింగ్స్​ లేకుండా కష్టాలు వస్తే.. ఆ ఒత్తిడిని తట్టుకోవడం ఇంకా కష్టం! అందుకే చాలా మంది జీతాల్లో నుంచి కొంత మొత్తాన్ని పొదుపు చేస్తూ ఉంటారు. బ్యాంక్​కు వెళ్లి సేవింగ్స్​ ఖాతాను ఓపెన్​ చేస్తారు. వీటిల్లో వడ్డీ తక్కువ వస్తుందని అశ్రద్ధ వహించకూడదు. సేవింగ్స్​ వేరు.. పెట్టుబడులను వేరుగా పరిగణించాలి. ప్రస్తుతం దేశంలో చాలా రకాల పొదుపు ఖాతాలు ఉన్నాయి. మన అవసరాలకు తగ్గట్టుగా వాటిని ఎంచుకోవాలి. అలాంటి వివిధ రకాల సేవింగ్స్​ అకౌంట్​ను ఓసారి చూద్దాం.

పొదుపు ఖాతాలు.. రకాలు..

సాధారణ పొదుపు ఖాతా..

షార్ట్​ టర్మ్​ సేవింగ్స్​ కోసం ఈ తరహా అకౌంట్​ ఉపయోగపడుతుంది. పెద్దగా వడ్డీ రేట్లను ఆశించని వారు.. ఇలాంటి అకౌంట్​లను ఎంచుకుంటారు. సేవింగ్స్​, విత్​డ్రాలను సులభంగా చేసేందుకు ఈ తరహా ఖాతాలు ఉపయోగపడతాయి. దేశంలోని దాదాపు అన్ని రకాల బ్యాంక్​లు.. ఈ తరహా అకౌంట్​ను ఇస్తాయి. వీటిల్లో మినిమం డిపాజిట్లు తక్కువగా ఉంటాయి. విత్​డ్రాలపై డైలీ లిమిట్​లు ఉంటాయని గుర్తుపెట్టుకోవాలి.

Savings account type : ఆన్​లైన్​లో డిజిటల్​ సేవింగ్స్​ అకౌంట్​ను ఓపెన్​ చేయడం ఇప్పుడు చాలా సులభమైపోయింది. సమీప బ్యాంక్​ బ్రాంచ్​కి కూడా వెళ్లి ఓపెన్​ చేయవచ్చు. ఇలాంటి సేవింగ్స్​ అకౌంట్​.. అందరి వద్ద ఉండాలని ఫైనాన్షియల్​ ప్లానర్లు సూచిస్తూ ఉంటారు.

కార్పొరేట్​ శాలరీ అకౌంట్​..

దేశంలో పబ్లిక్​, ప్రైవేటు సెక్టార్​లో ఉద్యోగాలు చేస్తున్న వారికి ఈ కార్పొరేట్​ శాలరీ అకౌంట్​లు ఇస్తారు. సంబంధిత సంస్థ, వ్యాపారాన్ని బట్టి వీటిని కస్టమైజ్​ చేసుకునే వెసులుబాటు ఉంటుంది. కస్టమర్లను ఆకర్షించేందుకు.. బ్యాంక్​లు కూడా కొత్త కొత్త ఆప్షన్లతో ఈ తరహా అకౌంట్​లను ముందుకు తీసుకొస్తూ ఉంటాయి. ఇదొక జీరో బ్యాలెన్స్​ అకౌంట్​. కార్పొరేట్​ శాలరీ అకౌంట్​ ఉంటే.. సంబంధిత బ్యాంక్​లో రీటైల్​ లోన్​ ప్రాసెసింగ్​ ఫీజు ఉండదు. లాకర్​ రెంటల్స్​పై డిస్కౌంట్లు లభిస్తాయి.

చిల్ట్రన్​ సేవింగ్స్​ అకౌంట్​..

Different types of savings account in India : దీనిని మైనర్​ సేవింగ్స్​ అకౌంట్​ అని కూడా అంటారు. 0-18ఏళ్ల మధ్య ఉన్న చిన్నారుల కోసమే ఈ సేవింగ్స్​ అకౌంట్​. ఇలాంటి సేవింగ్స్​ అకౌంట్​ తీసుకుంటే.. పిల్లలకు చిన్నప్పటి నుంచే పొదుపుపై పాఠాలు చెబుతున్నట్టు, వారి భవిష్యత్తుకు బంగారు బాటలు వేస్తున్నట్టు అవుతుంది.

ఉమెన్​ సేవింగ్స్​ అకౌంట్​..

సాధారణంగా.. ఇళ్లల్లో మహిళలు డబ్బును చాలా పొదుపు చేస్తారు. వాటిని పోపుల డబ్బాల్లో, బియ్యం సంచుల్లో లేదా బీరువాల్లో పెడుతూ ఉంటారు. కానీ వాటిని ఉమెన్​ సేవింగ్స్​ అకౌంట్​లో పెట్టడం మంచి ఆప్షన్ అవుతుంది​. వీటితో ఎన్నో ప్రయోజనాలు కూడా ఉంటాయి. ఇలా సేవింగ్స్​ అకౌంట్​లో డబ్బులు పొదుపు చేస్తే.. ఎంతో కొంత వడ్డీ కూడా లభిస్తుంది. అదే సమయంలో.. మహిళలకు పెట్టుబడులు వంటి అంశాలు కూడా నేర్చుకునే అవకాశం ఉంటుంది.

కేంద్ర/ రాష్ట్ర ప్రభుత్వ ఉద్యోగుల సేవింగ్స్​ అకౌంట్​..

ఈ తరహా అకౌంట్​ను కేంద్ర, రాష్ట్ర ప్రభుత్వ ఉద్యోగులు వినియోగిస్తుంటారు. వీటితో ఎన్నో రకాల వెసులుబాట్లు ఉంటాయి. ఆఫీసుల్లోనే వీటిని ఓపెన్​ చేయవచ్చు.

రక్షణ సిబ్బందికి సేవింగ్స్​ అకౌంట్​..

Savings account in India : ఈ తరహా సేవింగ్స్​ అకౌంట్​తో జీవితకాల ఉచిత రూపై డెబిట్​ కార్డ్​ వస్తుంది. ఇందులో భారీ మొత్తంలో బీమా కవరేజీ కూడా ఉంటుంది. ఈ తరహా ఉద్యోగాల్లో రిస్క్​ ఎక్కువగా ఉంటుంది కాబట్టి.. యాక్సిడెంట్​ కవరేజీ, మరణం తర్వాత ఇచ్చే బీమా వంటివి కూడా ఉంటాయి. పెళ్లి, పిల్లల ఉన్నత విద్య కవరేజీ కూడా ఈ సేవింగ్స్​ ఖాతాలో ఉంటుంది. యాక్సిడెంట్​ తర్వాత ప్లాస్టిక్​ సర్జరీ చేసుకోవాల్సి వస్తే.. అందుకు కూడా కవరేజీ కాస్త ఎక్కువగా ఉంటుంది.

ఈ తరహా సేవింగ్స్​ అకౌంట్​లు కేంద్ర దర్యాప్తు సంస్థ, రాష్ట్ర పోలీసు దళం, పారామిలిటరీ దళం సిబ్బందికి వర్తిస్తాయి. వివిధ విభాగాలకు బెనిఫిట్​లు వేరువేరుగా ఉంటాయి.

జాయింట్​ సేవింగ్స్​ అకౌంట్​..

జాయింట్​ అకౌంట్​లాగానే జాయింట్​ సేవింగ్స్​ అకౌంట్​ కూడా ఉంటుంది. అనుకోని పరిస్థితుల్లో.. ఒకరికి ఏమైనా జరిగితే, ఇంకొకరు ఈ ఖాతాను సులభంగా యాక్సెస్​ చేసేందుకు వీలుంటుంది.

పెన్షనర్స్​ సేవింగ్స్​ బ్యాంక్​ అకౌంట్​..

Saving accounts interest rate : పింఛను బ్యాంక్​లలో వేసుకునేందుకు ఈ తరహా అకౌంట్​ ఉపయోగపడుతుంది. పలు బ్యాంక్​లలో కేవలం రూ. 5 డిపాజిట్​తోనే అకౌంట్​ను ఓపెన్​ చేయవచ్చు.