Flight ticket sale : బంపర్​ ఆఫర్​! రూ. 5727కే హైదరాబాద్​ టు యూఏఈ ఫ్లైట్​ టికెట్​..

యునైటెడ్ అరబ్ ఎమిరేట్స్​లోని షార్జా, అబుదాబి వంటి ప్రదేశాలకు వెళ్లేందుకు ప్లాన్​ చేస్తున్నారా? అయితే ఎయిర్​ అరేబియా సంస్థ తీసుకొచ్చిన ప్రత్యేక సేల్​ గురించి మీరు తెలుసుకోవాల్సిందే! ఈ ‘సూపర్​ సీట్​ సేల్​’తో మీరు హైదరాబాద్​ నుంచి యూఏఈకి కేవలం రూ. 5,727కే టికెట్​ కొనుగోలు చేసుకోవచ్చు. ఈ సేల్​ పూర్తి వివరాలను ఇక్కడ తెలుసుకోండి..

హైదరాబాద్​ టు యూఏఈ ఫ్లైట్​ టికెట్​ సేల్​..

మిడిల్ ఈస్ట్, నార్త్ ఆఫ్రికాలో కార్యకలాపాలు సాగించే ప్రముఖ లో-కాస్ట్​ విమానయాన సంస్థ ఎయిర్ అరేబియా.. 'సూపర్ సీట్ సేల్' అనే అసాధారణ ఎర్లీ బర్డ్​ ప్రమోషన్​ని గత నెలలో ప్రారంభించింది. కంపెనీకి చెందిన మొత్తం నెట్వర్క్​లోని 5,00,000 సీట్లపై భారీ డిస్కౌంట్, ఆఫర్లను ఇస్తోంది. అక్టోబర్​ 20, ఆదివారం లోపు టికెట్​ బుక్​ చేసుకున్న వారికి భారీ ప్రయోజనాలు దక్కుతాయి!

2025 మార్చ్​ 1 నుంచి 2025 అక్టోబర్​ 25 మధ్యలో ప్రయాణాలను ప్లాన్​ చేసుకుంటున్న వారు ఈ ఆఫర్స్​తో భారీగా డబ్బును ఆదా చేసుకోవచ్చు.

ఇదీ చూడండి:- Flight tickets : అతి చౌకగా విమాన టికెట్లు కావాలా? గూగుల్​ మీకు సాయం చేస్తుంది..

ముంబై, దిల్లీ, అహ్మదాబాద్, జైపూర్, నాగ్పూర్, కోల్​కతా, గోవా, బెంగళూరు, హైదరాబాద్, చెన్నై, తిరువనంతపురం, కొచ్చి, కోయంబత్తూరు, కోజికోడ్ నుంచి యునైటెడ్ అరబ్ ఎమిరేట్స్​(యూఏఈ)లోని షార్జా, అబుదాబి, రాస్ అల్ ఖైమా తదితర ప్రాంతాలకు వెళ్లే నాన్​స్టాప్​ విమానాల టికెట్​లను ఈ ఎయిర్​ అరేబియా సూపర్​ సీట్​ సేల్​లో రూ.5,727కే కొనుగోలు చేసుకోవచ్చు.

భారతదేశం నుంచి యునైటెడ్ అరబ్ ఎమిరేట్స్ (షార్జా, అబుదాబి, రాస్ అల్ ఖైమా) లోని మూడు విమానాశ్రయాలకు, మిలన్, వార్సా, క్రాకోవ్, ఏథెన్స్, మాస్కో, బాకు, టిబిలిసి, అల్మాటీ వంటి ఇతర గమ్యస్థానాలకు నాన్​స్టాప్​ విమానాలను ఎయిర్​ అరేబియా నిర్వహిస్తోంది.

యూఏఈ, మొరాకో, ఈజిప్టుల్లో ఉన్న ఐదు వ్యూహాత్మక కేంద్రాల నుంచి 200కు పైగా మార్గాలను నడుపుతున్న ఎయిర్ అరేబియా విమానయాన రంగంలో అగ్రగామిగా తన స్థానాన్ని సుస్థిరం చేసుకుంటోంది.

ప్రయాణీకులకు సౌకర్యం, విశ్వసనీయత, తిరుగులేని విలువను అందించడానికి కట్టుబడి ఉన్న ఎయిర్ అరేబియా అసాధారణ ప్రయాణ అనుభవాలను కల్పించేందుకు అంకితమైన అవార్డు గెలుచుకున్న విమానయాన సంస్థ.

మరింత సమాచారం కోసం, మీ తదుపరి ట్రిప్ బుక్ చేయడానికి www.airarabia.com సందర్శించండి.

విమాన సంస్థల 'డిస్కౌంట్స్​' జాతర..

ఎయిర్​ ఇండియా వంటి దేశీయ విమానయాన ఆపరేటర్లు దీపావళి ఫ్లైట్ సేల్​ని ప్రారంభించాయి. 2024 పండుగ సీజన్ కోసం విమాన ఛార్జీల తగ్గింపును అందిస్తున్నాయి. ఈ ఏడాది ఉత్సవాల సందర్భంగా వినియోగదారులను ఆకర్షించడానికి పోటీ ధరలను అందించడానికి ప్రయత్నిస్తున్నాయి. పూర్తి వివరాలు తెలుసుకునేందుకు ఇక్కడ క్లిక్​ చేయండి.