2024 Hero Xtreme 160R launch: కొత్త డ్రాగ్ రేస్ టైమర్ ఫీచర్ తో 2024 హీరో ఎక్స్ ట్రీమ్ 160ఆర్ లాంచ్; ధర ఎంతంటే..?

హీరో మోటోకార్ప్ 2024 ఎక్స్ ట్రీమ్ 160ఆర్ ను భారత మార్కెట్లో విడుదల చేసింది. ఇందులో కొన్ని కొత్త ఫీచర్లను పొందుపర్చింది. కానీ స్పెసిఫికేషన్లు, చాలా వరకు డిజైన్ గత మోడల్ తరహాలోనే ఉన్నాయి. ఎక్స్ ట్రీమ్ 160ఆర్ 2వీ సింగిల్ డిస్క్ వేరియంట్ తో స్టెల్త్ బ్లాక్ కలర్ లో మాత్రమే లభిస్తుంది.

ధర రూ.1,11,111

దీని ఎక్స్-షోరూమ్ ధర రూ.1,11,111గా నిర్ణయించారు. 2024 ఎక్స్ట్రీమ్ 160ఆర్ గురించి పూర్తి వివరాలు ఇక్కడ చూడండి. 2024 ఎక్స్ ట్రీమ్ 160ఆర్ లో హీరో మోటోకార్ప్ ఇన్స్ట్రుమెంట్ క్లస్టర్ కు డ్రాగ్ రేస్ టైమర్ ఫీచర్ ను యాడ్ చేసింది. ఇది మొదటి-ఇన్-సెగ్మెంట్ ఫీచర్. వెనుక కూర్చున్నవారికి మెరుగైన పొజిషన్ తో మరింత సౌకర్యవంతంగా ఉండేలా సీటును అప్ డేట్ చేశారు. సీటు ఎత్తును కూడా తగ్గించారు. వెనుక భాగంలో, న్యూ ఏజ్ హీరో లైనప్ ను సూచించే "హెచ్" మార్క్ ఉన్న కొత్త టెయిల్ ల్యాంప్ ఉంది.

2024 హీరో ఎక్స్ట్రీమ్ 160ఆర్ స్పెసిఫికేషన్లు

హీరో మోటోకార్ప్ 2024 ఎక్స్ ట్రీమ్ 160ఆర్ లో ఎటువంటి మెకానికల్ మార్పులు చేయలేదు. ఇది అదే 163.2 సీసీ ఎయిర్-కూల్డ్ ఇంజిన్ తో వస్తుంది. ఇది గరిష్టంగా 8,500 ఆర్ పిఎమ్ వద్ద 14.8 బిహెచ్ పి పవర్, 6,500 ఆర్ పిఎమ్ వద్ద 14 ఎన్ఎమ్ గరిష్ట టార్క్ ఉత్పత్తి చేస్తుంది. గేర్ బాక్స్ 5-స్పీడ్ యూనిట్.

2024 హీరో ఎక్స్ట్రీమ్ 160ఆర్ ఫీచర్లు

2024 హీరో ఎక్స్ ట్రీమ్ 160ఆర్ అడ్జస్టబుల్ బ్రైట్ నెస్ తో ఇన్వర్టెడ్ ఎల్సీడీ కన్సోల్ తో వస్తుంది. విశాలమైన వెనుక టైర్, సింగిల్ ఛానల్ ఏబీఎస్, ఆల్-ఎల్ఈడీ లైటింగ్ ఉన్నాయి. బ్లూటూత్ కనెక్టివిటీ, మొబైల్ డివైజ్ లను ఛార్జ్ చేయడానికి యూఎస్ బీ ఛార్జర్ కూడా ఉన్నాయి.

2024 హీరో ఎక్స్ట్రీమ్ 160ఆర్ హార్డ్ వేర్

2024 హీరో ఎక్స్ ట్రీమ్ 160ఆర్ లో హీరో మోటోకార్ప్ (hero) ట్యూబ్యులర్ అండర్ బోన్ డైమండ్ టైప్ ఫ్రేమ్ ను ఉపయోగిస్తోంది, ఇది 37 ఎంఎం టెలిస్కోపిక్ ఫోర్కులతో వస్తుంది. వెనుక భాగంలో 7-స్టెప్ అడ్జస్టబుల్ మోనోషాక్ ఉంది. బ్రేకింగ్ డ్యూటీ కోసం ముందు భాగంలో 276 ఎంఎం పెటల్ డిస్క్ బ్రేక్, వెనుక భాగంలో 220 ఎంఎం పెటల్ డిస్క్ బ్రేక్ ఉన్నాయి.