Yamaha MT 15 launch : 2023 యమహా ఎంటీ 15 లాంచ్.. ధర ఎంతంటే!
2023 Yamaha MT 15 launched in India : 2023 యమహా ఎంటీ 15 ఇండియాలో లాంచ్ అయ్యింది. కొత్త ఫీచర్స్, ధరతో పాటు పూర్తి వివరాలను ఇక్కడ తెలుసుకోండి.
2023 Yamaha MT 15 launched in India : దిగ్గజ టూ వీలర్ ఆటోమొబైల్ సంస్థ యమహా.. ఇటీవలి కాలంలో తన పోర్ట్ఫోలియో లైనప్ను అప్డేట్ చేస్తూ వస్తోంది. ఆర్15 వీ4, ఎఫ్జెడ్ వంటి మోడల్స్ వీటిల్లో ఉన్నాయి. ఇక తాజాగా 2023 ఎంటీ-15 మోడల్ను సైతం ఇండియా మార్కెట్లో లాంచ్ చేసింది యమహా. ఆ వివరాలు ఇక్కడ తెలుసుకుందాము..
యమహా ఎంటీ15- లుక్స్..
నెక్డ్ సెగ్మెంట్లో ఉన్న ది బెస్ట్ లుకింగ్ బైక్స్లో ఈ యమహా ఎంటీ15 ఒకటి. ఆర్15 వీ4కు ఇది నెక్డ్ వర్షెన్లాగా కనిపిస్తుంది. కొత్త మోడల్లో మెటాలిక్ బ్లాక్ కలర్ థీమ్ వస్తోంది. రేసింగ్ బ్లూ, ఐస్- ఫ్లో వెర్మిలియన్, సైన్ స్టార్మ్ వంటి థీమ్స్ ముందే అందుబాటులో ఉన్నాయి. వీటితో పాటు ఈ బైక్కు ఎల్ఈడీ టర్న్ ఇండికేటర్స్ కొత్తగా వచ్చాయి.
యమహా ఎంటీ15- ఇంజిన్, గేర్బాక్స్..
Yamaha MT 15 features : 2023 యమహా ఎంటీ15 ఇంజిన్లో ఎలాంటి మార్పు లేదు. ఇందులో 155సీసీ, సింగిల్ సిలిండర్ లిక్విడ్ కూల్డ్ వీవీఏ ఇంజిన్ ఉంటుంది. ఇది 18.4 బీహెచ్పీ పవర్ను (10,000 ఆర్పీఎం), 14.1 ఎన్ఎం టార్క్ను (7,500 ఆర్పీఎం) జనరేట్ చేస్తుంది. ఇందులో స్లిప్ అండ్ అసిస్ట్ క్లచ్తో కూడిన 6 స్పీడ్ గేర్బాక్స్ ఉంటుంది.
ఏప్రిల్ 1 నుంచి దేశవ్యాప్తంగా బీఎస్6 స్టేజ్ 2 నిబంధనలు అమల్లోకి రానున్నాయి. అందుకు తగ్గట్టుగా ఈ బైక్లో మార్పులు జరిగాయి.
యమహా ఎంటీ15- ఫీచర్స్..
2023 Yamaha MT 15 : కొత్త యమహా ఎంటీ15లో ఎల్సీడీ ఇన్స్ట్రుమెంట్ క్లస్టర్ ఉంటుంది. ఫ్యూయెల్ కన్జమ్షన్ ఇండికేటర్, వీవీఎస్ ఇండికేటర్, షిఫ్ట్ టైమింగ్ లైట్, గేర్ పొజిషన్ ఇండికేటర్, టాకోమీటర్ రీడింగ్స్ ఇందులో కనిపిస్తాయి. బ్లూటూత్ కనెక్టివిటీ, ఎల్ఈడీ లైటింగ్ వంటివి లభిస్తున్నాయి.
యమహా ఎంటీ15- సేఫ్టీ..
2023 ఎంటీ 15లో సైడ్ స్టాండ్ ఇంజిన్ కట్-ఆఫ్ స్విఛ్, ట్రాక్షన్ కంట్రోల్ సిస్టెమ్, డ్యూయెల్ ఛానెల్ ఏబీఎస్ వంటివి సేఫ్టీ ఫీచర్స్ కింద లభిస్తున్నాయి.
యమహా ఎంటీ15- ధర..
2023 Yamaha MT 15 on road price in Hyderabad : మార్కెట్లో యమహా ఎంటీ-15 ఎక్స్షోరూం ధర రూ. 1,68,400గా ఉంది. ఈ యమహా ఎంటీ- 15 లీటరుకు 40- 45కి.మీల మైలేజ్ ఇస్తుంది.
