Eve Teasers Arrest: గణేష్‌ ఉత్సవాల్లో అతివలపై ఆకతాయిల వేధింపులు, పలువురి అరెస్ట్

Eve Teasers Arrest: వినాయక చవితి ఉత్సవాల్లో ఆడవారితో అసభ్యంగా ప్రవర్తించిన 55 మందిని షీ టీం పోలీసులు అదుపులో తీసుకున్నారు. రద్దీ ప్రదేశాల్లో మఫ్టీలో తిరుగుతూ వీడియో ఆధారాలతో నిందితులను అరెస్ట్ చేశారు. ఖైరతాబాద్ పోలిస్టేషన్ పరిధిలో వేధింపులకు పాల్పడుతున్న పలువురిని పోలీసులు అదుపులోకి తీసుకున్నారు.

పోలీసులకు పట్టుబడిన వారిలో ఆటో డ్రైవర్లు, ప్రైవేట్, ప్రభుత్వ ఉద్యోగులు ఉన్నారు. గణేష్ విగ్రహాల ఊరేగింపు వెళుతున్న సమయంలో ఆకతాయిలు మహిళల్ని వేధిస్తున్నారు. మహిళలు గుంపుగా ఉన్న చోటును ఎంచుకొని వారితో అసభ్యంగా ప్రవర్తించడం, వారిని తాకుతూ ఇబ్బంది పెడుతున్నారని షీ టీమ్ పొలీసులు తెలిపారు.

మహిళలపై అసభ్యంగా ప్రవర్తించిన వారిపై సంబంధిత కేసులు నమోదు చేసి కౌన్సెలింగ్ నిర్వహించి కోర్టులో హాజరు పరుస్తామన్నారు.జార్ఖండ్‌కు చెందిన శ్యామ్ బిహారీ మహ్తో అనే వ్యక్తి కూడా అనుమానాస్పద స్థితిలో తిరుగుతుండగా పట్టుకున్నారు. అతని నుండి 4 దొంగిలించిన మొబైల్ ఫోన్లు స్వాధీనం చేసుకున్నాన్నారు. నిందితులను ఖైరతాబాద్ పోలీస్ స్టేషన్‌లో అప్పగించినట్టు తెలిపారు. ఎవరైనా వేధింపులకు గురైతే వెంటనే హైదరాబాద్ సిటీ పోలీస్ వాట్సాప్ నంబర్ 9490616555 ను సంప్రదించాలని మరీ అత్యవసర పరిస్థితుల్లో అయితే 100కి డయల్ చేయవచ్చని సూచించారు.