sun explosion | సూర్యుడిపై భారీ పేలుడు.. భూమిపై రేడియో బ్లాకౌట్స్‌

సూర్యుడిపై ఈ భారీ పేలుడు కార‌ణంగా జ‌పాన్‌, ఆగ్నేయ ఆసియా ప్రాంత దేశాల్లో రేడియో బ్లాకౌట్ కు అవ‌కాశం ఉంది. సూర్యుడిపై ఈ పేలుడుతో వెలువ‌డే శ‌క్తి వ‌ల్ల ఉప‌గ్ర‌హ సేవ‌ల‌కు కూడా కొంత‌వ‌ర‌కు అంత‌రాయం క‌లిగే ప్ర‌మాద‌ముంది.

`ఏఆర్‌3032`

సూర్యుడి ఉప‌రిత‌లంపై భూమి వైపు ఉన్న స‌న్‌స్పాట్ `ఏఆర్‌3032` వ‌ద్ద భారీ పేలుడు సంభ‌వించిందని శాస్త్ర‌వేత్త‌లు వెల్ల‌డించారు. ఇటీవ‌లి కాలంలో ఈ స్పాట్ చాలా యాక్టివ్ అయింది. ఈ `ఏఆర్‌3032` పేలుడుతో ఎం 3 క్లాస్ మంట‌లు ఎగిసిప‌డ్డాయని, ఇవి అసాధార‌ణంగా దాదాపు 8 గంట‌ల పాటు కొన‌సాగాయ‌ని వివ‌రించారు. ఈ అసాధార‌ణ ఘ‌ట‌న‌ను అంత‌రిక్షంలోని రెండు స్పేస్‌క్రాఫ్ట్స్ రికార్డు చేశాయ‌న్నారు.

యూవీ రేడియేష‌న్‌

ఈ పేలుడు కార‌ణంగా సూర్యుడి నుంచి అత్యంత తీవ్ర‌మైన అల్ట్రా వ‌యెలెట్ రేడియేష‌న్ ఉత్ప‌త్తి అవుతుంది. ఇది భూ ఉప‌రిత‌లం వైపు ప్ర‌స‌రిస్తుంది. దీనివ‌ల్ల జ‌పాన్‌, ఆగ్నేయాసియా దేశాల్లో రేడియో త‌రంగాల్లో అంత‌రాయం క‌లిగిస్తుంది. ఈ ప్రాంతాల్లోని రేడియో ఆప‌రేట‌ర్లు 30 మెగాహెర్ట్జ్స్ ఫ్రీక్వెన్సీ లోప‌ల‌ ఈ మార్పును గుర్తించ‌గ‌ల‌ర‌ని స్పేస్‌వెద‌ర్ డాట్ కామ్‌(spaceweather.com) వెల్ల‌డించింది. ఈ పేలుడుతో జ‌రిగిన `కొరొన‌ల్ మాస్ ఎజెక్ష‌న్‌(సీఎంఈ)`ను `సోలార్ అండ్ హీలియోస్ఫీరిక్ అబ్జ‌ర్వేట‌రీ(ఎస్ఓహెచ్ఓ)` రికార్డ్ చేయ‌గ‌లిగింది. ఈ సీఎంఈ`తో గంట‌కు కొన్ని ల‌క్ష‌ల కిమీల వేగంతో సూర్యుడి నుంచి భారీ ఎత్తున‌ ప్లాస్మా అంత‌రిక్షంలోకి వెద‌జ‌ల్ల‌బ‌డుతుంది. ఎస్ఓహెచ్ఓతో పాటు సోలార్ డైన‌మిక్స్ అబ్జ‌ర్వేట‌రీ(ఎస్‌డీఓ) కూడా సూర్యుడి ఉప‌రితంపై చోటు చేసుకున్న ఈ ఘ‌ట‌న‌ను క్యాప్చ‌ర్ చేసింది. ఎస్‌డీఓ 2010 నుంచి సూర్యుడి ఉప‌రిత‌లంపై ఘ‌ట‌న‌ల‌ను ప‌రిశీలిస్తోంది.

వారంలో భూమికి ద‌గ్గ‌ర‌గా..

సూర్యుడి నుంచి దూసుకొస్తున్న ఈ ప్లాస్మా వారం రోజుల్లో భూమికి ద‌గ్గ‌ర‌గా రావ‌చ్చ‌ని అమెరికాకు చెందిన National Oceanic and Atmospheric Administration (NOAA) వెల్ల‌డించింది. భూమిపై ఉన్న అయిస్కాంత క్షేత్రంపై దీని ప్ర‌భావం క‌నిపిస్తుంద‌ని హెచ్చ‌రించింది. సూర్యుడిపై జ‌రిగిన భారీ పేలుడుతో వెలువ‌డిన ఈ `కొరొన‌ల్ మాస్ ఎజెక్ష‌న్(coronal mass ejection)ను తాము కూడా గుర్తించామ‌ని భార‌త్‌కు చెందిన సెంట‌ర్ ఆఫ్ ఎక్స్‌లెన్స్ ఇన్ స్పేస్ సైన్సెస్ నిర్ధారించింది. దీని ప్ర‌భావంతో వారం రోజుల్లో భూ ఉప‌రిత‌లంపై రేడియో బ్లాకౌట్స్‌కు, జియో మాగ్నెటిక్ స్టార్మ్స్‌కు అవ‌కాశముంద‌ని హెచ్చ‌రించింది.