రాత్రి తాగింది దిగలేదా..? హ్యాంగోవర్‌గా ఉందా..? అయితే ఇలా వదిలించుకోండి!

వారాంతం వచ్చిదంటే స్నేహితులతో కలిసి ఉల్లాసంగా గడపడం సాధరణం. ఆ సమయంలో ఉల్లాసం కోసం కాస్త మద్యం సేవిస్తుంటారు. అయితే తినేదైనా, తాగేదైనా... ప్రతిదానికీ ఒక పరిమితి ఉంటుంది. మద్యం తాగడం వల్ల మెదడు కాస్త ఉత్తేజితమవుతుంది. మనసు సదా ఊహల్లో విహరిస్తుంటారు. ఆల్కహాల్ పరిమితి అందరికీ ఒకేలా ఉండదు. కొంత మందికి కిక్కు చాలా తొందరగా, కొందరికి కాస్త నెమ్మదిగా ఉంటుంది. తెల్లారితే తెలుస్తోంది అసలు విషయం. అయితే ఉదయం చాలా పనులు ఉంటాయి. కానీ హ్యాంగోవర్ దిగట్లేదు. మరీ అది దిగేది ఎలా..శతకోటి దరిద్రాలకు అనంత కోటి ఉపాయాలు అన్నట్లు దీనికి చాలా మార్గాలు ఉన్నాయి అవి ఏంటో చూద్దాం..

1. దేశీ నెయ్యి లేదా వెన్న: ప్రోద్దున లేవగానే తల తిరుగుతూ.. హ్యాంగోవర్‌ ఉండే వాళ్ళకు నెయ్యి అద్భుతంగా పనిచేస్తోంది. ఏదైనా ఆహారంలో దేశీ నెయ్యి కలుకుని తినడం ద్వారా మత్తును వదిలించుకోవచ్చు.

2. నిమ్మకాయ - ఆల్కహాల్ మత్తును వదిలించుకోవడానికి నిమ్మకాయ ఉపయోగకరంగా ఉంటుంది. ఉదయం పూట లేవగానే కాస్త మత్తుగా ఉంటే.. నీటిలో నిమ్మకాయ రసాన్ని కలుపుకుని తాగడం వల్ల సాధరణ స్థితికి చేరుకోవచ్చు. నిమ్మ, నారింజ జ్యూస్‌లను తాగడం వల్ల కూడా ఉపశమనం పొందవచ్చు.

3. కొబ్బరి నీరు - కొబ్బరి నీళ్లలో ఖనిజాలు, ఎలక్ట్రోలైట్లు ఉంటాయి, ఇవి శరీరాన్ని హైడ్రేట్‌గా ఉంచుతాయి. హ్యాంగోవర్లను వదిలించుకోవడానికి కొబ్బరి నీరు త్రాగాలి.

4. అల్లం- అల్లం రసం కూడా మత్తును విచ్ఛిన్నం చేస్తుంది. బంగాళాదుంపలను తురుముకుని వాటికి నీటిని, అల్లం రసం కలిపి తాగాలి. ఇది ప్రభావవంతంగా పని చేస్తోంది. అల్లం రసం హ్యాంగోవర్‌లను నియంత్రించడంలో సహాయపడుతుంది.