Thursday Motivation : వాస్తవికానికి దగ్గరగా లేకపోతే.. మీ గోల్​ రీచ్​ కాలేరు..

Thursday Motivation : జీవితంలో ఓ స్థాయికి చేరుకోవాలని అందరికీ ఉంటుంది. దానికోసం ఎంతైనా కష్టపడతారు. కానీ ఒక్కోసారి మనల్ని మనం ఎంత ఎంక్రేజ్ చేసుకున్నా.. వాస్తవానికి దగ్గరగా ఉండాలి. అనుకున్న వెంటనే అన్ని జరిగిపోవు. ఒక్కోదానికి ఒక్కో సమయం పడుతుంది. ఆ విషయాన్ని మనం గ్రహించాలి. కాబట్టి గోల్​ని రీచ్​ అవ్వడానికి సమయం పడుతుందని గుర్తించాలి.

కొందరు ఎలా ఉంటారంటే.. వారికి జీవితంలో ఏదో సాధించాలనే ఆశ ఉంటుంది. దానికి తగ్గట్లు కృషి చేయాలనుకుంటారు. కానీ ఫలితాలు త్వరగా వచ్చేయాలని చూస్తారు. ఆశించిన ఫలితాలు రాకపోతే.. తీవ్ర మనోవేధనకు గురైపోతారు లేదా.. గోల్​ని వదిలేస్తారు. అలాకాకుండా.. మనం గోల్​ ఎంత మంచిదైనా సరే.. కాస్త ఓపికగా ఉండాలి. కొన్ని పరిస్థితుల్లో దాని రీచ్​ అవ్వడానికి సమయం పడుతుందని గుర్తించాలి. దానికి అనుగుణంగా మన ప్రణాళికలు సిద్ధం చేసుకోవాలి. మీరు ఈ వాస్తవాన్ని గ్రహించకపోతే.. మీ గోల్​ను ఎప్పటికీ రీచ్​ కాలేరు. అవాస్తవంగా ఉంటే.. మన కాన్ఫిడెన్స్ దెబ్బతింటుంది. ఇది మన ఆదర్శాలను వాస్తవంగా మార్చడం మరింత కష్టతరం చేస్తుంది. ఆదర్శాలను కలిగి ఉండటం మంచిది. తప్పేమి కాదు. కానీ మీరు వాస్తవికంగా లేకుంటే.. మీరు ఏదైనా సాధించడంలో ఇబ్బందులు ఎదుర్కొంటారు. ఏ విషయంలోనూ రాజీపడకుండా.. ఎలాంటి పురోగతి లేకుండా ఘోరంగా విఫలమవుతారు.

కొన్నిసార్లు గోల్​ రీచ్​ అవ్వడానికి మీరు పెద్ద ప్లాన్స్​ వేస్తారు. అన్ని సార్లు ఆ ప్రణాళికలు పనిచేయవు. కొన్నిసార్లు చిన్న నిర్ణయాలు తీసుకోవాలి. చిన్న చిన్న నిర్ణయాలే పెనుమార్పులు సృష్టిస్తాయని మరచిపోకూడదు. నా ఆదర్శాల కంటే రియాలిటీ చాలా మంచి గురువని నమ్మాలి. అప్పుడు వాస్తవికత నుంచి చాలా విషయాలు నేర్చుకోగలము. మీ ఆదర్శాలను విడిచిపెట్టకుండా.. వాస్తవికతను గుర్తించి ముందుకు సాగితే విజయం తప్పకుండా వరిస్తుంది.