Daddojanam Prasadam Recipe: వరలక్ష్మీ వ్రతం స్పెషల్ టెంపుల్ స్టైల్ దద్దోజనం రెసిపీ

పండుగలకు నైవేద్యాలు సమర్పించడం అనేది కాస్త కష్టంతో కూడుకున్న పనే. వంటలు చేయడం, పూజ చేయడం ఇవన్నీ పని భారాన్ని పెంచుతాయి. అయితే అమ్మవారు మెచ్చే, సింపుల్​గా ఇంట్లోనే రెడీ చేసుకోగలిగే టెంపుల్ స్టైల్ దద్దోజనం ఇప్పుడు చేసేయండి. దీనిని చేయడానికి పెద్ద సమయం కూడా పట్టదు. మరి ఈ రెసిపీని ఎలా తయారు చేస్తారో.. కావాల్సిన పదార్థాలు ఏమిటో ఇప్పుడు తెలుసుకుందాం.

దద్దోజనం రెసిపీ కావాల్సిన పదార్థాలు

1. బియ్యం - అర కప్పు
2. నీళ్లు - ఒకటిన్నర కప్పు
3. పెరుగు - ఒకటిన్నర కప్పు
4. పాలు - అరకప్పు మరిగించినవి
5. తాళింపు కోసం
6. నూనె - ఒకటిన్నర టేబుల్ స్పూన్
7. ఆవాలు - అర టీస్పూన్
8. జీలకర్ర - అర టీస్పూన్
9. ఇంగువ - చిటికెడు
10. కరివేపాకు - ఒక రెబ్బ
11. మినపప్పు - అరటీస్పూన్
12. శనగపప్పు - అరటీస్పూన్
13. మిరియాలు - అర టీస్పూన్

దద్దోజనం తయారీ విధానం

1. ముందుగా బియ్యాన్ని కడిగి 20 నిమిషాలు నానబెట్టుకోవాలి. సమయం సరిపోదు అనుకుంటే నానబెట్టడం మానేసి.. బియ్యాన్ని రైస్ కుక్కర్లో వేయాలి. రెండు విజిల్స్ వచ్చేవరకు మంటను మధ్యస్థంగా ఉంచాలి.
2. అయిన వెంటనే హీట్ వెళ్లనిచ్చి.. అన్నాన్ని మెత్తగా గరిటతో కలపాలి. అన్నం కాస్త వేడిగా ఉండగానే దానిలో మరిగించిన పాలు వేయాలి. అది చల్లారిన తర్వాత దానిలో సాల్ట్ వేయాలి. అనంతరం దానిలో పెరుగు వేసి బాగా కలపాలి. పెరుగు ఇంకా అవసరం అనుకుంటే మరింత వేసి బాగా కలపాలి.
3. ఇప్పుడు తాలింపు కోసం చిన్న కడాయి తీసుకుని దానిలో నూనె వేసి వేడి చేయండి. దానిలో జీలకర్ర, ఆవాలు, మినపప్పు, శనగపప్పు వేసి.. దోరగా వేయించండి. దానిలోనే ఇంగువ, కరివేపాకు వేసి చిటపటలాడించి స్టవ్ ఆపేయండి.
4. అది కాస్త చల్లారిన తర్వాత పెరుగన్నంలో వేసి బాగా కలపండి. అంతే టేస్టీ టేస్టీ టెంపుల్ స్టైల్ దద్దోజనం రెడీ.