Sugar Drinks effect on liver: షుగర్ డ్రింక్స్ మీ లివర్‌ను ఎలా దెబ్బతీస్తాయో తెలుసా?

చక్కెరతో కూడిన పానీయాలు టైప్ 2 డయాబెటిస్, గుండె జబ్బులు వంటి అనారోగ్య సమస్యలతో సంబంధం కలిగి ఉన్నాయని అందరికీ తెలుసు. ఇప్పుడు తీపి పానీయాల సాధారణ వినియోగం కాలేయ క్యాన్సర్, దీర్ఘకాలిక కాలేయ వ్యాధితో ముడిపడి ఉంటుందని కొత్త అధ్యయనం తేల్చిచెప్పింది.

జామా(జేఏఎంఏ)లో ప్రచురితమైన కొత్త అధ్యయనం 50 నుండి 79 సంవత్సరాల మధ్య వయస్సు గల దాదాపు 100,000 మంది మెనోపాజ్ దశలో ఉన్న మహిళల నుండి సేకరించిన డేటాను విశ్లేషించింది. ప్రతిరోజూ తీపి పానీయాలు తాగడం వల్ల మరణాల రేటు పెరుగుతోందని, ఇది దీర్ఘకాలిక కాలేయ వ్యాధితో ముడిపడి ఉందని పరిశోధనలు చూపించాయి. ప్రతి నెలా మూడు లేదా అంతకంటే తక్కువ పానీయాలు తాగుతున్నట్లు నివేదించిన వ్యక్తులలో మరణాల రేటు కాస్త తక్కువగా ఉంది.

ఈ అధ్యయనం సాధారణంగా తీపి పానీయాల సాధారణ వినియోగంతో సంబంధం లేని వ్యక్తుల సమూహాన్ని పరిశీలిస్తుంది. మీరు రోజూ మీకు అవసరమైన దానికంటే ఎక్కువగా తాగుతున్నారని మీరు గ్రహించలేరని గుర్తించడం చాలా ముఖ్యం ” అని సదరన్ కాలిఫోర్నియా విశ్వవిద్యాలయంలో క్లినికల్ అసోసియేట్ ప్రొఫెసర్ రాజ్ దాస్‌గుప్తా వివరించారు.

చక్కెరతో కూడిన పానీయాలు ఇన్సులిన్ నిరోధకత, ఇన్‌ఫ్లమేషన్‌కు దారితీస్తాయని పరిశోధకులు కనుగొన్నారు. ఇవి కాలేయ క్యాన్సర్, కాలేయ ఆరోగ్యంతో ముడిపడి ఉన్నాయని విశ్వసిస్తున్నారు "మీరు ఏ వయస్సులో ఉన్నా మీ శరీరం ఏం గ్రహిస్తుందో దాని గురించి ప్రతిఒక్కరూ తెలుసుకోవడం కోసం ఇది కనువిప్పు కలిగించే పరిశోధన" అని దాస్‌గుప్తా తెలిపారు. కొత్త ఆహార కారకాలను గుర్తించడం కాలేయ క్యాన్సర్ వంటి వ్యాధులను నివారించడంలో సహాయపడుతుంది.

కృత్రిమ తీపి పదార్ధాలు ఈ సంవత్సరం వివిధ ఆరోగ్య సమస్యలను కలిగిస్తూ వార్తల్లో నిలిచాయి. ప్రపంచ ఆరోగ్య సంస్థ బరువు నియంత్రణ కోసం చక్కెర లేని స్వీటెనర్లను ఉపయోగించకూడదని సూచించింది.

ఈ సిఫారసు క్రమబద్ధమైన సమీక్ష యొక్క ఫలితాలపై ఆధారపడింది. పెద్దలు లేదా పిల్లలలో శరీర కొవ్వును తగ్గించడంలో నాన్-షుగర్ స్వీటెనర్ దీర్ఘకాలిక ప్రయోజనాన్ని చూపదని సూచిస్తుంది. అంతేకాకుండా దీర్ఘకాలిక వినియోగం వల్ల టైప్ 2 మధుమేహం, గుండె సంబంధ వ్యాధులు తదితర ప్రతికూల ప్రభావాలకు దారితీస్తుందని కూడా ఫలితాలు సూచించాయి.