Horoscope Today | జూలై 06 రాశి ఫలాలు.. ఆ రాశివారికి ఈరోజు అన్ని విధాల శుభప్రదం!
06 July 2022, 7:52 IST
- ఈరోజు ఏ రాశి వారికి ఎలాంటి ఫలితాలు ఉన్నాయి? జ్యోతిష్య శాస్త్ర నిపుణులు ప్రేమ్ కుమార్ శర్మ తేదీ జూలై 06, 2022కు సంబంధించిన రాశి ఫలాలను చంద్రమానం ప్రకారం అందించారు.
Horoscope Today
చంద్రమానంను అనుసరించి జ్యోతిష్య శాస్త్ర నిపుణులు ప్రేమ్ కుమార్ శర్మ తేదీ జూలై 06, 2022కు సంబంధించిన రాశి ఫలాలను ఈ విధంగా అందజేశారు.
మేష రాశి
ఈరోజు ఆర్థికంగా, వ్యాపారపరంగా లాభదాయకంగా ఉంటుంది. ధనలాభం పొందే అవకాశం ఉంది. దీర్ఘకాలిక ప్రణాళికను పూర్తి చేయగలుగుతారు. అయితే ఖర్చులు కూడా అలాగే ఉంటాయి. వృత్తిరంగంలో ఉన్నవారు మంచి ఆదాయాన్ని పొందుతారు. కొన్ని విషయాలలో మీ వైఖరిపై మీ కుటుంబ సభ్యులు లేదా స్నేహితులు చిరాకు పడతారు. విద్యార్థులు వారి చదువుపై మరింత ఏకాగ్రత పెట్టాలి. ఆరోగ్యం బాగుంటుంది.
వృషభ రాశి
ఈరోజు మీకు మిశ్రమ ఫలితాలు ఉన్నాయి. మీ మృదువైన సంభాషణతో ఇతరులను ఆకట్టుకుంటారు. మీరు కొత్త పనులు చేయడానికి ప్రేరణ పొందుతారు. చదవడం, రాయడం వంటి సాహిత్య పోకడలపై ఆసక్తి పెరుగుతుంది. శ్రమకు ఆశించిన ఫలితం రాకపోవడంతో కాస్త నిరాశ చెందుతారు. గతంలో తీసుకున్న నిర్ణయాలపై పశ్చాత్తాపపడతారు. మీ ఆరోగ్యం క్షీణించవచ్చు. బయటి ఆహారం, పానీయాలకు దూరంగా ఉండటం మంచిది. పిల్లలకు సంబంధించిన ప్రతిపాదనలు జాగ్రత్తగా ఆలోచించి చేయవలసి ఉంటుంది.
మిథున రాశి
మానసికంగా అంతా గందరగోళం ఉంటుంది, కొన్ని ముఖ్యమైన నిర్ణయాలు తీసుకోలేరు. కుటుంబంలోని కొందరు వ్యక్తులు మీకు వ్యతిరేకంగా కుట్ర పన్నవచ్చు. ఆగిపోయిన పనులను పూర్తి చేయగలిగితే, అది మీ మనసులోని భారాన్ని తగ్గిస్తుంది. శారీరక, మానసిక ఆరోగ్యం లోపిస్తుంది. అయినప్పటికీ కొన్నివిషయాలు మిమ్మల్ని సంతోషపరచవచ్చు. రియల్ ఎస్టేట్లో పెట్టుబడులు పెట్టడానికి ఈరోజు మంచి రోజు. ప్రయాణాలకు ఇది అనుకూల సమయం కాదు.
కర్కాటక రాశి
మీరు ఏదైనా కొత్త పని ప్రారంభానికి ఈరోజు మంచి రోజు. స్నేహితులు, బంధువులను కలుసుకుంటారు. బంధు మిత్రులతో అనుబంధం పెరుగుతుంది. ఈరోజు ప్రయాణాలకు కూడా అవకాశం ఉంది. ప్రియమైన వారితో సన్నిహితంగా గడపడం ద్వారా ఆనందం పొందుతారు. ఆర్థిక ప్రయోజనాలు ఉంటాయి. సమాజంలో గౌరవం పెరుగుతుంది. మీ ప్రత్యర్థులు మీ ముందు నిలబడలేరు. భాగస్వామ్యంతో ఏదైనా వ్యాపారం చేసే వారు ఈ రోజు చాలా ఆలోచించాలి.
సింహ రాశి
మీరోజు మీకు మిశ్రమ ఫలితాలు ఉంటాయి. ఒక దీర్ఘకాలిక ఒప్పందం మిమ్మల్ని పునరాలోచనలో పడేస్తుంది. మీరు పనిలో ఆశించిన విజయాన్ని పొందలేరు. కుటుంబంలో సామరస్య వాతావరణం ఉంటుంది. దూరంగా ఉండే మిత్రులతో ప్రయోజనకరమైన సందేశాలు అందుకుంటారు. ఆదాయం కంటే ఖర్చు ఎక్కువగా ఉంటుంది. మీ కోపం, అహం కారణంగా కొంత నష్టపోవచ్చు. మీ ఆరోగ్య సమస్యలకు సంబంధించి వైద్య సలహా తీసుకోవడం ఉత్తమం. ఈరోజు ఏదైనా ఆధ్యాత్మిక కార్యక్రమంలో పాల్గొనవచ్చు. ప్రేమికులకు ఈరోజు మంచి రోజు.
కన్య రాశి
మీకు ఈరోజు అన్నివిధాల శుభప్రదంగా ఉంటుంది. మీకు కొత్త పరిచయాలు ఏర్పడవచ్చు. మీ సంబంధాలు మెరుగుపడతాయి. స్నేహితులు, ప్రియమైన వారిని కలుస్తారు, ఉత్సాహంగా ఉంటారు. కుటుంబ సభ్యులు, బంధువులతో సంతోషంగా గడపవచ్చు. వైవాహిక జీవితంలో మాధుర్యం ఉంటుంది. ఆర్థిక ప్రయోజనాలు చేకూరే అవకాశం ఉంది. వ్యాపారం లాభసాటిగా సాగుతుంది. అధిక వ్యయం మనసును కలవరపెట్టవచ్చు. మీ ఆరోగ్యం, శ్రేయస్సు పెరుగుతుంది.
తులా రాశి
ఈరోజు మీరు మీ మాటలు, ప్రవర్తన పట్ల జాగ్రత్తగా ఉండాలి. అపార్థాలు చోటు చేసుకునే అవకాశం ఉంది. మీ ఆరోగ్యం క్షీణించవచ్చు, కంటి సమస్యలు ఇబ్బందిపెడతాయి. ఖర్చు అధికంగా ఉంటుంది. మానసిక ఆందోళన అలాగే ఉంటుంది. ప్రమాదాలు జరిగే అవకాశం ఉంది అప్రమత్తంగా ఉండండి. ధ్యానం, ఆధ్యాత్మిక విషయాల పట్ల ఆసక్తి కలిగి ఉండటం వల్ల మనసుకు కొంత ప్రశాంతత లభిస్తుంది. వ్యాపార దృక్కోణంలో ఇది ఆహ్లాదకరమైన సమయం.
వృశ్చిక రాశి
ముఖ్యమైన నిర్ణయాలు తీసుకోవడానికి ఈ రోజు అనుకూలంగా ఉంటుంది. మీరు తలపెట్టే కార్యంలో విజయవంతం అవుతారు. మీ ఆలోచనల్లో స్థిరత్వం ఉంటుంది. అన్ని పనులను చక్కగా పూర్తి చేయగలుగుతారు. ప్రత్యర్థులపై విజయం సాధించగలుగుతారు. కళాకారులు తమ నైపుణ్యాలను చక్కగా ప్రదర్శించగలుగుతారు. మీ కళను ప్రజలు ఆదరిస్తారు. జీవిత భాగస్వామితో సంబంధం మరింత బలపడుతుంది స్నేహితులతో కలిసి షికారు వెళ్తారు.
ధనుస్సు రాశి
మీరు ఈరోజు చాలా ఉద్వేగానికి లోనయ్యే అవకాశం ఉంటుంది. మీలోపల ఏవైనా భయాలు ఉండవచ్చు. మీ స్వభావం మరింత మొండిగా ఉండవచ్చు. సంయమనం పాటించండి. అవమానాల పాలయ్యే అవకాశం ఉంది. ఇక ఆర్థికంగా బాగుంటుంది. ఆర్థిక ప్రణాళికను చక్కగా రూపొందించుకోగలుగుతారు. తల్లి వైపు నుంచి ప్రయోజనం పొందుతారు. స్త్రీలు నూతన వస్త్రాలు, ఆభరణాలు, సౌందర్య సాధనాల కొనుగోలులో ధనాన్ని వెచ్చిస్తారు. విద్యార్థులకు సమయం అనుకూలంగా ఉంటుంది.
మకర రాశి
మీ డబ్బును వెచ్చించే ముందు పెట్టుబడి అవకాశాలను సరిగ్గా అంచనా వేయాలి. పనిచేసేచోట మీ సహనాన్ని పరీక్షించే పరిస్థితి ఏర్పడవచ్చు. కుటుంబంలో వివాదాలు తలెత్తవచ్చు, మిమ్మల్ని చెడుగా చిత్రీకరించే అవకాశం ఉంది. వ్యాపార పర్యటనలో ఉన్నవారు కొన్ని శుభవార్తలతో తిరిగి వచ్చే అవకాశం ఉంది. ఆరోగ్యం మెరుగ్గా ఉంటుంది. మీ సానుకూల మానసిక స్థితి మీ చుట్టూ ఉన్న ప్రతి ఒక్కరినీ ఉల్లాసంగా ఉంచుతుంది. ప్రభుత్వ పనులలో లాభపడతారు. భూమి, ఇల్లు, ఆస్తుల వ్యవహారాలు విజయవంతమవుతాయి.
కుంభ రాశి
ఈరోజు మీకు వేరే విధంగా గడిచిపోతుంది. మీకోసం మీరు సమయాన్ని వెచ్చించగలరు. స్నేహితులతో ప్రయాణం, వినోదం, వినోదం, పర్యాటకం, భోజనం మొదలైన వాటితో మీరు చాలా సంతోషంగా ఉంటారు. కీర్తి ప్రతిష్టలు పెరుగుతాయి. ఎవరైనా మిమ్మల్ని మెచ్చుకోవచ్చు. మీరు ఏదైనా విషయంలో గౌరవంగా భావిస్తారు. వాహన ఆనందాన్ని పొందుతారు. ప్రియమైన వ్యక్తిని కలుస్తారు. మనసు ఆనందంగా ఉంటుంది. మీరు వైవాహిక జీవితంలోని మాధుర్యాన్ని అనుభవిస్తారు.
మీన రాశి
అదృష్టం మీ వెంటే ఉంది. మీరు చేపట్టే అన్ని పనులలో విజయం సాధిస్తారు. మీ ప్రతిష్ట పెరుగుతుంది. ప్రత్యుర్థులపై మీదే పైచేయి అవుతుంది. మీ జీవిత భాగస్వామితో సాన్నిహిత్యాన్ని అనుభవిస్తారు. స్నేహితులను కలుసుకుంటారు. ఉద్యోగాలు చేసే వారికి ఈరోజు మంచి లాభదాయకంగా ఉంది. మీరు ఆర్థిక లాభాలను పొందవచ్చు. సహోద్యోగుల నుంచి సహకారం ఉంటుంది. ఆర్థిక స్థితి బలంగా ఉంటుంది. ఆరోగ్యం బాగుంటుంది.
టాపిక్