RC15 Update: ఒక్క పాట కోసం ప‌ది కోట్లు - ఆర్‌సీ 15 కోసం శంక‌ర్ గ్రాండ్ ప్లాన్‌

RC15 Update: ఆర్ఆర్ఆర్ ఘ‌న విజ‌యం త‌ర్వాత భారీ చిత్రాల ద‌ర్శ‌కుడు శంక‌ర్‌తో ఓ పాన్ ఇండియ‌న్ సినిమా చేస్తోన్నాడు రామ్ చ‌ర‌ణ్‌. పొలిటిక‌ల్ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న ఈ సినిమాను దాదాపు రెండు వంద‌ల కోట్ల బ‌డ్జెట్‌తో టాలీవుడ్ అగ్ర నిర్మాత దిల్‌రాజు నిర్మించ‌బోతున్నారు. ఈ సినిమా నెక్స్ట్ షెడ్యూల్ ఈ నెల 19 లేదా 20వ తేదీ నుంచి మొద‌లుకాబోతున్న‌ట్లు తెలిసింది.

ఈ షెడ్యూల్‌లో హైద‌రాబాద్‌లో రామ్‌చ‌ర‌ణ్. కియారా అద్వానీల‌పై ఓ పాట‌ను గ్రాండ్ స్కేల్‌లో చిత్రీక‌రించేందుకు శంక‌ర్ స‌న్నాహాలు చేస్తోన్న‌ట్లు స‌మాచారం. ఈ పాట కోసం శంషాబాద్‌లో ఆర్ట్ డైరెక్ట‌ర్ అవినాష్ కొల్లా సార‌ధ్యంలో ఓ భారీ సెట్ సిద్ధం చేస్తోన్నట్లు.

దాదాపు ప‌ది కోట్ల ఖ‌ర్చుతో లావిష్‌గా ఈ సాంగ్‌ను చిత్రీక‌రించ‌బోతున్న‌ట్లు స‌మాచారం. శంక‌ర్ సినిమాల శైలిలోనే రిచ్‌గా ఈ సాంగ్ ఉంటుంద‌ని అంటున్నారు. దాదాపు ప‌ది రోజుల పాటు ఈ సాంగ్ షూట్ జ‌రిగే అవ‌కాశం ఉన్న‌ట్లు స‌మాచారం. ఈ సాంగ్ త‌ర్వాత నెక్స్ట్ షెడ్యూల్ ఏప్రిల్‌లో మొద‌లుకాబోతున్న‌ట్లు చెబుతున్నారు.

రామ్ చ‌ర‌ణ్ బ‌ర్త్ డే రోజు...

ఆర్‌సీ 15 సినిమాకు సంబంధించిన టైటిల్‌తో పాటు ఫ‌స్ట్ లుక్‌ను రామ్‌చ‌ర‌ణ్ బ‌ర్త్‌డే సంద‌ర్భంగా మార్చి 27న అనౌన్స్ చేయ‌బోతున్న‌ట్లు తెలిసింది. ఈ సినిమాకు సీఈవోతో పాటు సేనాని అనే టైటిల్స్ ప‌రిశీల‌న‌లో ఉన్న‌ట్లు ప్ర‌చారం జ‌రుగుతోంది.

వ‌చ్చే ఏడాది సంక్రాంతికి ఆర్‌సీ 15 సినిమాను రిలీజ్ చేసేందుకు స‌న్నాహాలుచేస్తోన్నారు. ఈ సినిమాలో అంజ‌లి, సునీల్‌, శ్రీకాంత్, న‌వీన్‌చంద్ర కీల‌క పాత్ర‌ల్ని పోషిస్తోన్నారు. కాగా ఆస్కార్ వేడుక కోసం ప్ర‌స్తుతం అమెరికా వెళ్లాడు రామ్‌చ‌ర‌ణ్‌. ఈ ప్ర‌మోష‌న్స్‌తో బిజీగా ఉన్న అత‌డు ఈ నెల 15న ఇండియాకు తిరిగి వ‌చ్చే అవ‌కాశం ఉన్న‌ట్లు స‌మాచారం.