Liger OTT Release date: లైగ‌ర్ ఓటీటీ రిలీజ్ ఎప్పుడు? ఏ ప్లాట్‌ఫామ్‌లో

Liger OTT Release date: విజ‌య్ దేవ‌ర‌కొండ హీరోగా న‌టించిన లైగ‌ర్ సినిమా ఆగస్టు 25న ప్రేక్ష‌కుల ముందుకొచ్చింది. స్పోర్ట్స్ బ్యాక్‌డ్రాప్‌లో ల‌వ్‌,మ‌ద‌ర్ సెంటిమెంట్ అంశాల‌తో ద‌ర్శ‌కుడు పూరి జ‌గ‌న్నాథ్ ఈ సినిమాను తెర‌కెక్కించాడు. ఆరంభం నుంచే అంద‌రి దృష్టిని ఆక‌ర్షించిన ఈ సినిమా పాన్ ఇండియ‌న్ లెవ‌ల్‌లో భారీ స్థాయిలో రిలీజ్ అయ్యింది. సినిమాకు మిక్స్‌డ్ టాక్ ల‌భిస్తున్నా అడ్వాన్స్ బుకింగ్స్ భారీగానే జ‌ర‌గ‌డంతో తొలిరోజు వ‌సూళ్లు రికార్డు క్రియేట్ చేసే అవ‌కాశం ఉన్న‌ట్లు ట్రేడ్ వ‌ర్గాలు చెబుతున్నాయి.

కాగా ఈ సినిమా డిస్నీ ప్ల‌స్‌హాట్ స్టార్ ద్వారా ఓటీటీ ప్రేక్ష‌కుల ముందుకు రాబోతున్న‌ది. అక్టోబ‌ర్ ఫ‌స్ట్‌వీక్‌లో ఓటీటీలో రిలీజ్ అయ్యే అవ‌కాశం ఉన్న‌ట్లు చెబుతున్నారు. భారీ మొత్తానికి ఓటీటీ డీల్ కుదిరిన‌ట్లు స‌మాచారం. తెలుగు,హిందీతో పాటు అన్ని భాష‌ల‌కు సంబంధించిన డిజిట‌ల్ రైట్స్‌ను డిస్నీ ప్ల‌స్ హాట్ స్టార్ ద‌క్కించుకున్న‌ట్లు స‌మాచారం. శాటిలైట్ రైట్స్‌ను స్టార్ సంస్థ సొంతం చేసుకున్న‌ది. హిందీ వెర్ష‌న్ స్టార్ గోల్డ్‌,తెలుగు వెర్షన్ స్టార్ మాలోని రిలీజ్ కానున్న‌ట్లు చెబుతున్నారు.

విజ‌య్ బాలీవుడ్‌లో అరంగేట్రం చేసిన ఈ సినిమాను క‌ర‌ణ్‌జోహార్‌,అపూర్వ మెహ‌తా,పూరి జ‌గ‌న్నాథ్‌,ఛార్మి క‌లిసి నిర్మించారు. అన‌న్యా పాండే హీరోయిన్‌గా న‌టించింది.