Businessman Re Release: బిజినెస్‌మేన్ రీ రిలీజ్ క్రేజ్‌ - గంట‌లోనే టికెట్లు మొత్తం సేల్‌

Businessman Re Release: ఆగ‌స్ట్ 9న మ‌హేష్ బాబు పుట్టిన‌రోజు సంద‌ర్భంగా అభిమానుల‌కు కోసం ప‌లు స‌ర్‌ప్రైజ్‌లు సిద్ధ‌మ‌వుతోన్నాయి. గుంటూరు కారం ఫ‌స్ట్ సింగిల్‌తో పాటు మ‌హేష్ బాబు, రాజ‌మౌళి మూవీకి సంబంధించి అప్‌డేట్‌ను రిలీజ్ చేయ‌బోతున్న‌ట్లు ప్ర‌చారం జ‌రుగుతోంది. వీటితో పాటు మ‌హేష్‌బాబు బ్లాక్‌బ‌స్ట‌ర్ మూవీ బిజినెస్‌మేన్ రీ రిలీజ్ కానుంది.

పోకిరి త‌ర్వాత మ‌హేష్‌బాబు, డైరెక్ట‌ర్ పూరి జ‌గ‌న్నాథ్ కాంబోలో 2012లో రిలీజైన ఈ మూవీ ఇండ‌స్ట్రీ రికార్డుల‌ను తిర‌గ‌రాసింది. 40 కోట్ల బ‌డ్జెట్‌తో తెర‌కెక్కిన బిజినెస్‌మేన్‌ 90 కోట్ల‌కుపైగా క‌లెక్ష‌న్స్ రాబ‌ట్టింది. దాదాపు 11 ఏళ్ల త‌ర్వాత మ‌హేష్ బాబు పుట్టిన‌రోజు సంద‌ర్భంగా ఆగ‌స్ట్ 9న ఈ సినిమా మ‌రోసారి థియేట‌ర్ల‌లో రీ రిలీజ్ కానుంది. తెలుగు రాష్ట్రాల‌తో పాటు ఓవ‌ర్‌సీస్‌లో భారీ ఎత్తున బిజినెస్ మేన్ స్పెష‌ల్ షోస్‌ను ప్లాన్ చేస్తున్నారు.

ఈ సినిమా అడ్వాన్స్ బుకింగ్స్ మంగ‌ళ‌వారం ఓపెన్ అయ్యాయి. వైజాగ్‌లోని సంగం, శ‌ర‌త్ థియేట‌ర్స్‌లో మార్నింగ్ ఏడు గంట‌ల షోకు సంబంధించిన టికెట్స్ బుకింగ్స్‌ను ఓపెన్ చేయ‌గా గంట‌లోనే టికెట్లు మొత్తం అమ్ముడుపోయాయి. మిగిలిన ఏరియాల్లో అడ్వాన్స్ బుకింగ్స్ కూడా మంగ‌ళ‌వారం నుంచి ప్రారంభంకానున్నాయి.

దాదాపు మూడు వంద‌ల‌కుపైగా థియేట‌ర్ల‌లో బిజినెస్‌మేన్ రీ రిలీజ్ కానున్న‌ట్లు స‌మాచారం. బిజినెస్‌మేన్ సినిమాలో మ‌హేష్‌బాబు క్యారెక్ట‌రైజేష‌న్‌తో పాటు అత‌డి డైలాగ్ డెలివ‌రీ, మేన‌రిజ‌మ్స్ అభిమానుల‌ను ఆక‌ట్టుకున్నాయి.

ఈ సినిమాలో కాజ‌ల్ అగ‌ర్వాల్ హీరోయిన్‌గా న‌టించింది. 2012లో హ‌య్యెస్ట్ త‌మిళ్ గ్రాసింగ్ మూవీగా బిజినెస్‌మేన్ నిలిచింది. ఈ సినిమాకు త‌మ‌న్ సంగీతాన్ని అందించాడు.