Kia cars launch in 2024 : కియా క్రేజీ లైనప్.. ఇక ఇండియా మార్కెట్పై దండయాత్రే!
24 December 2023, 15:06 IST
- Kia cars launch in 2024 : భారతీయుల కోసం క్రేజీ లైనప్ని సిద్ధం చేస్తోంది కియా మోటార్స్. 2024లో లాంచ్ అవుతున్న కియా కార్ల వివరాలను ఇక్కడ తెలుసుకుందాము..
2024 కోసం కియా క్రేజీ లైనప్..!
Kia cars launch in 2024 : 2023లో ఇండియా ఆటోమొబైల్ సెక్టార్ దూసుకెళ్లింది. అనేక సంస్థలు.. కొత్త కొత్త లాంచ్లతో కస్టమర్లను ఆకర్షించాయి. ఇక 2024లోనూ ఇదే కొనసాగించేందుకు ప్లాన్స్ వేస్తున్నాయి. దిగ్గజ ఆటోమొబైల్ సంస్థ కియా మోటార్స్ కూడా ఇదే పనిలో ఉంది. 2024 కోసం క్రేజీ లైనప్ని సిద్ధం చేస్తోంది. ఈ నేపథ్యంలో వచ్చే ఏడాదిలో లాంచ్ అవుతున్న కియా కార్ల వివరాలను ఇక్కడ తెలుసుకుందాము..
కియా సోనెట్ ఫేస్లిఫ్ట్..
మచ్ అవైటెడ్ కియా సోనెట్ ఫేస్లిఫ్ట్ని ఇటీవలే రివీల్ చేసింది సంస్థ. బుకింగ్స్ ఈనెల 26న ప్రారంభమవుతునట్టు తెలుస్తోంది. కాగా.. జనవరిలో ఈ ఎస్యూవీ లాంచ్ కానుంది. కొత్త వర్షెన్లో డిజైన్ పరంగా మార్పులు కనిపిస్తున్నాయి. కేబిన్లో వెంటిలేటెడ్ ఫ్రెంట్ సీట్స్, మూడ లైటింగ్, 6 ఎయిర్బ్యాగ్స్, బోస్ సౌండ్ సిస్టెమ్, లెవల్ 1 అడాస్ సెటప్ వంటివి ఉంటాయి.
Kia Sonet facelift launch date : ఈ కియా సోనెట్ ఫేస్లిఫ్ట్.. జనవరిలో లాంచ్ అవుతుంది దీని ఎక్స్షోరూం ధర రూ. 8లక్షలు- రూ. 15లక్షల మధ్యలో ఉండొచ్చని తెలుస్తోంది.
కియా ఈవీ9...
భారతీయులకు.. ఇటీవలే స్వీట్ సప్రైజ్ ఇచ్చింది కియా మోటర్స్. అంతర్జాతీయ మార్కెట్లో బెస్ట్ సెల్లింగ్గా ఉన్న కియా ఈవీ9 ఎలక్ట్రిక్ ఎస్యూవీని ఇండియాలోకి తీసుకొస్తున్నట్టు ప్రకటించింది. ఏప్రిల్- మే నెలల్లో ఈ మోడల్ ఇండియాలో లాంచ్ అయ్యే సూచనలు కనిపిస్తున్నాయి.
Kia EV9 price in India : ఇండియా కియా మోటార్స్కు ప్రస్తుతం ఒకటే ఎలక్ట్రిక్ వెహికిల్ ఉంది. అది.. కియా ఈవీ6. ఇక త్వరలోనే లాంచ్ అవుతున్న కియా ఈవీ9 రేంజ్ 560కి.మీలు! ఇందులో భారీ 99.8 కేడబ్ల్యూహెచ్ బ్యాటరీ ఉంటుంది.
కియా కార్నివాల్ ఎంపీవీ..
ఫోర్త్ జనరేషన్ కియా కార్నివాల్ని కూడా ఇండియాలో లాంచ్ చేస్తున్నట్టు సంస్థ ఇటీవలే ప్రకటించింది. 2024 రెండో భాగంలో ఇది ఇండియాలో అడుగుపెడుతుంది. దీని ఎక్స్షోరూం ధర రూ. 26లక్షలు- రూ. 35లక్షల మధ్యలో ఉంటుంది.
ఇందులో 2.2 లీటర్ డీజిల్ ఇంజిన్ ఉంటుంది. డ్యూయెల్ 12.3 ఇంచ్ కర్వ్డ్ స్క్రీన్ వస్తోంది. అనేక సేఫ్టీ ఫీచర్స్ ఈ కియా కార్నివాల్ ఎంపీవీ సొంతం.
కియా క్లావిస్ కూడా..!
Kia new car launch in India : కియా మోటార్స్ నుంచి సరికత్త సబ్-4ఎం ఎస్యూవీ ఇండియాలో లాంచ్కానుంది. దీని పేరుపై క్లారిటీ లేదు కానీ.. సంస్థ దీనిని కియా క్లావిస్ అని పిలుస్తోందట! ఇది.. 2024 చివర్లో లాంచ్ అవుతుందని సమాచారం. కియా సోనెట్- కియా సెల్టోస్ మధ్యలో ఈ కియా క్లావిస్ ఉంటుందట. అంతేకాకుండా.. ఐసీఈ ఇంజిన్తో పాటు ఎలక్ట్రిక్ వర్షెన్లో కూడా ఈ వెహికిల్ అందుబాటులో ఉండనుందని సమాచారం. అయితే. ఈ మోడల్పై ప్రస్తుతం పెద్దగా వివరాలు అందుబాటులో లేవు. 2024లో ఓ క్లారిటీ రావొచ్చు.