TS POLYCET 2024 : రేపే తెలంగాణ పాలిసెట్ పరీక్ష - ఫలితాలు ఎప్పుడంటే..?

TS POLYCET 2024 Exam : తెలంగాణలోని పాలిటెక్నిక్ కాలేజీల్లో ప్రవేశాల కోసం పాలిసెట్ - 2024 పరీక్షకు సర్వం సిద్ధమైంది. మే 24వ తేదీన రాష్ట్రవ్యాప్తంగా ఎగ్జామ్ జరగనుంది. ఇందుకోసం మొత్తం 259 ఎగ్జామ్ సెంటర్లను ఎంపిక చేశారు. https://polycet.sbtet.telangana.gov.in/ వెబ్ సైట్ లో హాల్ టికెట్లు అందుబాటులో ఉన్నాయి.

ఈసారి నిర్వహించబోయే పాలిసెట్ పరీక్ష కోసం 92 వేల మందికిపైగా అభ్యర్థులు దరఖాస్తులు చేసుకున్నారు. గతేడాదితో పోల్చితే ఈసారి అప్లికేషన్ల సంఖ్య స్వల్పంగా తగ్గింది. ఈ పరీక్ష ద్వారా…. పివి.నరసింహరావు తెలంగాణ పశువైద్య విశ్వవిద్యాలయం ద్వారా నిర్వహించే పశుసంవర్థన - మత్స్య పరిశ్రమకు సంబంధించిన కోర్సులు( PVNRTVU), కొండా లక్ష్మణ్‌ తెలంగాణ ఉద్యాన విశ్వ విద్యాలయం (SKLTSHU) అందించే ఉద్యానవన డిప్లొమా కోర్సులు, ప్రొఫెసర్ జయశంకర్‌ తెలంగాణ రాష్ట్ర వ్యవసాయ విశ్వవిద్యాలయం ( PJTSAU) ద్వారా అందిస్తున్న వ్యవసాయ కోర్సులలో ప్రవేశాలు కల్పిస్తారు. ఇవే కాకుండా తెలంగాణ వ్యాప్తంగా పాలిటెక్నిక్ కాలేజీల్లో నిర్వహిస్తున్న కోర్సుల్లో అడ్మిషన్లు కల్పిస్తారు.

How to Download TS POLYCET Hall Tickets 2024 : టీఎస్ పాలిసెట్ హాల్ టికెట్లు ఇలా పొందండి….

• తెలంగాణ పాలిసెట్ - 2024 కు దరఖాస్తు చేసుకున్న అభ్యర్థులు https://polycet.sbtet.telangana.gov.in/ వెబ్ సైట్ లోకి వెళ్లాలి.
• హోంపేజీలో కనిపించే HallTicket ఆప్షన్ పై నొక్కాలి.
• ఇక్కడ మీ రిజిస్ట్రేషన్ నెంబర్ లేదా మొబైల్ నెంబర్ ను ఎంట్రీ చేయాలి.
• సబ్మిట్ బటన్ పై నొక్కితే మీ హాల్ టికెట్ డిస్ ప్లే అవుతుంది.
• ప్రింట్ అప్షన్ పై నొక్కి హాల్ టికెట్ కాపీని పొందవచ్చు.
• ఎగ్జామ్ సెంటర్ లోకి వెళ్లాలంటే హాల్ టికెట్ తప్పనిసరి.

TS Polycet Results 2024: తెలంగాణ పాలిసెట్ - 2024 ఫలితాలు ఎప్పుడంటే…?

తెలంగాణ పాలిసెట్ పరీక్ష మే 24వ తేదీన నిర్వహించనున్నారు. పరీక్ష నిర్వహించిన 12 రోజుల్లో ఫలితాలను విడుదల చేయాలని అధికారులు నిర్ణయించారు.

జూన్ మొదటి వారంలో తెలంగాణ పాలిసెట్ ఫలితాలు వచ్చే అవకాశం ఉంటుంది. ఆ తర్వాత కౌన్సెలింగ్ షెడ్యూల్ కూడా రానుంది. ర్యాంకుల ఆధారంగా సీట్ల కేటాయింపు ఉంటుంది. పాలిసెట్‌ 2024పై ఏదైనా సందేహాలు ఉంటే 040-23222192 నంబరును సంప్రదించాలి. polycet-te@telangana.govi.inకు మెయిల్ కూడా చేయవచ్చని అధికారులు తెలిపారు.