కూలిన శిక్షణ విమానం.. ట్రైనీ పైలట్ మృతి.. వీడియో

నల్గొండ: జిల్లాలోని పెద్దవూర మండలం, తుంగతుర్తి సమీపంలో ఓ ట్రైనీ విమానం కూలింది. దీంతో అందులో ప్రయాణిస్తున్న ట్రైనీ పైలట్‌ మృతి చెందారు. విమానం కూలిన వెంటనే దట్టమైన పొగలను తాము చూశామంటూ అక్కడి రైతులు చెప్పారు. విషయం తెలిసిన వెంటనే ఘటనా స్థలానికి పోలీసు, రెవెన్యూ, వైద్య సిబ్బంది చేరుకున్నారు. ప్రమాదానికి గల కారణాలు ఇంకా తెలియలేదు. ఈ ప్రమాదంలో ట్రైనీ పైలట్‌ మహిమ మృతి చెందారు. ఆమె స్వస్థలం తమిళనాడు. శనివారం ఉదయం గుంటూరు జిల్లా మాచెర్ల నుంచి విమానంలో టేకాఫ్‌ అయ్యారు. తుంగతుర్తి సమీపంలోకి వచ్చిన తర్వాత ఓ కరెంటు స్తంభాన్ని ఢీకొని విమానం కూలినట్లు అనుమానిస్తున్నారు.