abhishek sharma | నా షాట్స్ కాపీ కొట్ట‌కు...అభిషేక్ శ‌ర్మ‌కు యువీ వార్నింగ్‌

శనివారం చెన్నై సూపర్ కింగ్స్ తో జరిగిన మ్యాచ్ లో హాఫ్ సెంచరీతో రాణించి ఈ సీజన్ లో సన్ రైజర్స్ కు తొలి విజయాన్ని అందించాడు అభిషేక్ శర్మ.  యాభై బాల్స్ లో 75 పరుగులతో అతడు దూకుడుగా ఆడటంతో సన్ రైజర్స్ ఎనిమిది వికెట్ల తేడాతో చెన్నైని ఓడించింది.  ఆరంభం నుంచి ఆత్మవిశ్వాసంతో చెన్నై బౌలర్లను ఎదుర్కొన్న అభిషేక్ శర్మ భారీ షాట్లతో ఆకట్టుకున్నాడు. సన్ రైజర్స్ యాజమాన్యంతో పాటు పలువురు టీమ్ ఇండియా మాజీ క్రికెటర్లు అతడి బ్యాటింగ్ తీరును కొనియాడుతున్నారు. 

అభిషేక్ శర్మ బ్యాటింగ్ స్టైల్ యువరాజ్ సింగ్ ను పోలి ఉందంటూ పలువురు క్రికెట్ ఫ్యాన్స్ వ్యాఖ్యానిస్తున్నారు.  ఈ కామెంట్స్ పై యువీ స్పందించాడు. అభిషేక్ అద్భుతంగా బ్యాటింగ్ చేశాడని ట్విట్టర్ ద్వారా అభినందించాడు. అంతటితో ఆగకుండా తన షాట్స్ కాపీ కొట్టదంటూ ఫన్నీగా ట్వీట్ లో పేర్కొన్నాడు. అభిషేక్ కు యువీ ఇచ్చిన ఈ ఫన్నీ వార్నింగ్ సోషల్ మీడియాలో వైరల్ గా మారింది. 

అభిషేక్ తో పాటు ముంబై ఇండియన్స్ ప్లేయర్ సూర్యకుమార్ యాదవ్ కూడా నిలకడగా రాణిస్తున్నాడని యువరాజ్ సింగ్ పేర్కొన్నారు. ఎక్కువగా రిస్క్ లు తీసుకోకుండా చివరి వరకు క్రీజులో నిలుస్తూ ఆత్మవిశ్వాసంతో యువ క్రికెటర్లు బ్యాటింగ్ చేస్తున్నారని యువరాజ్ అన్నాడు. ఐపీఎల్ వేలంలో 6.5 కోట్లకు అభిషేక్ శర్మను  సన్ రైజర్స్ కొనుగులు చేసింది.