Aus vs Nz T20 World Cup : దంచికొట్టిన కాన్వే, అలెన్ - ఆస్ట్రేలియా టార్గెట్ 201

Aus vs Nz T20 World Cup : టీ20 వ‌ర‌ల్డ్ క‌ప్‌ సూప‌ర్ 12 లో ఆస్ట్రేలియాతో జ‌రుగుతోన్న తొలి మ్యాచ్‌లో న్యూజిలాండ్ బ్యాట్స్‌మెన్స్ చెల‌రేగారు. ఓపెన‌ర్లు కాన్వే (92 ప‌రుగులు), ఫిన్ అలెన్ (42 ర‌న్స్) బ్యాటింగ్ మెరుపుల‌తో న్యూజిలాండ్ ఇర‌వై ఓవ‌ర్ల‌లో మూడు వికెట్ల న‌ష్టానికి 200 ర‌న్స్ చేసింది. ఫోర్లు, సిక్స‌ర్ల‌తో ఆస్ట్రేలియా బౌల‌ర్ల‌ను కాన్వే, అలెన్ బెంబేలెత్తించారు.

అలెన్ ధ‌నాధ‌న్ ఇన్నింగ్స్‌తో న్యూజిలాండ్ నాలుగు ఓవ‌ర్ల‌లోనే యాభై ప‌రుగులు చేసింది. 16 బాల్స్‌లోనే మూడు సిక్స‌ర్లు, ఐదు ఫోర్ల‌లో అలెన్ 42 ర‌న్స్ చేసి ఔట‌య్యాడు. అలెన్ ఔట‌యినా కాన్వే మాత్రం జోరు త‌గ్గించ‌లేదు. కెప్టెన్ విలియ‌మ్స‌న్ 23 బాల్స్‌లో 23 ర న్స్ చేసి నిరాశ‌ప‌రిచాడు.

గ్లెన్ ఫిలిప్స్ కూడా త‌క్కువ స్కోరుకే ఔట‌య్యాడు. చివ‌ర‌లో నీష‌మ్ అండ‌తో కాన్వే న్యూజిలాండ్‌కు భారీ స్కోరు సాధించి పెట్టాడు. 58 బాల్స్‌లో రెండు సిక్స‌ర్లు, ఏడు ఫోర్ల‌తో కాన్వే 92 ర‌న్స్ చేసి నాటౌట్‌గా నిలిచాడు. తృటిలో సెంచ‌రీ మిస్ అయ్యాడు. నీష‌మ్ 13 బాల్స్‌లో రెండు సిక్స‌ర్ల‌తో 26 ర‌న్స్ చేశాడు. ఆస్ట్రేలియా బౌల‌ర్ల‌లో హేజిల్‌వుడ్‌కు రెండు వికెట్లు ద‌క్కాయి.