Arjun Tendulkar Ipl Debut: అర్జున్ టెండూల్కర్ ఐపీఎల్ ఎంట్రీ క‌ల తీర‌నుందా? - చెన్నైతో మ్యాచ్‌లో ఛాన్స్‌?
Arjun Tendulkar Ipl Debut: ఐపీఎల్‌లో స‌చిన్ త‌న‌యుడు అర్జున్ టెండూల్కర్ అరంగేట్రం చేయ‌బోతున్న‌ట్లు తెలుస్తోంది. శ‌నివారం చెన్నై సూప‌ర్ కింగ్స్‌తో జ‌రుగ‌నున్న మ్యాచ్ ద్వారా అర్జున్ క‌ల తీర‌నున్న‌ట్లు చెబుతోన్నారు.
Arjun Tendulkar Ipl Debut: ఐపీఎల్‌లో అరంగేట్రం కోసం స‌చిన్ త‌న‌యుడు అర్జున్ టెండూల్కర్ గ‌త మూడేళ్లుగా ఎదురుచూస్తోన్నాడు. అత‌డి సుదీర్ఘ నిరీక్ష‌ణకు నేటితో తెర‌ప‌డ‌నున్న‌ట్లు స‌మాచారం. శ‌నివారం ముంబై వేదిక‌గా చెన్నై సూప‌ర్ కింగ్స్‌తో జ‌రుగ‌నున్న మ్యాచ్ ద్వారా అర్జున్ టెండూల్కర్ ఐపీఎల్‌లోకి అరంగేట్రం చేయ‌బోతున్న‌ట్లు వార్త‌లు వినిపిస్తున్నాయి.
రాయ‌ల్ ఛాలెంజ‌ర్స్ బెంగ‌ళూరులో జ‌రిగిన గ‌త మ్యాచ్‌లో పేస‌ర్ అర్ష‌ద్‌ఖాన్ ధారాళంగా ప‌రుగులు ఇచ్చాడు. అత‌డి స్థానాన్ని అర్జున్ టెండూల్క‌ర్‌తో భ‌ర్తీ చేయాల‌నే ఆలోచ‌న‌లో ముంబై టీమ్ మేనేజ్‌మెంట్ ఉన్న‌ట్లుగా తెలుస్తోంది. లెఫ్టార్మ్ పేస‌ర్ ప్లేస్‌లో అర్జున్ బెస్ట్ అనే యోచ‌న‌లో ఉన్న‌ట్లు తెలుస్తోంది. ఐపీఎల్‌లో ఎంట్రీ కోసం చాలా కాలంగా అర్జున్ ఎదురుచూస్తోన్నాడు. చైన్నై మ్యాచ్‌తో అత‌డి క‌ల తీరబోతున్న‌ట్లు ఫ్యాన్స్ చెబుతోన్నారు.
శుక్ర‌వారం ముంబై టీమ్ ప్రాక్టీస్ సెష‌న్‌లో స‌చిన్ టెండూల్కర్ క‌నిపించ‌డం ఆస‌క్తిక‌రంగా మారింది. ముంబై ఆట‌గాళ్లకు స‌చిన్ స‌ల‌హాలు ఇస్తోన్న వీడియోను ముంబై ఇండియ‌న్స్ ట్విట్ట‌ర్‌లో షేర్ చేసింది. ఈ వీడియో వైర‌ల్ అవుతోంది. 2021 సీజ‌న్‌లో అన్‌క్యాప్‌డ్ ప్లేయ‌ర్ కోటాలో ముంబై ఇండియ‌న్స్ 20 ల‌క్ష‌ల‌కు అర్జున్ టెండూల్క‌ర్‌ను కొనుగోలు చేసింది. 2023 సీజ‌న్‌లో 30 ల‌క్ష‌ల‌కు అత‌డిని రిటైన్ చేసుకుంది. కానీ ఇప్ప‌టివ‌ర‌కు అత‌డికి ఐపీఎల్‌లో ఒక్క మ్యాచ్ ఆడే అవ‌కాశం మాత్రం రాలేదు.
