Rahu ketu transit: 2025 లో రాహు కేతువుల సంచారం- మూడు రాశులకు ధన లాభం, ఆరోగ్య సమస్యల నుంచి విముక్తి

కొత్త సంవత్సరం 2025 ప్రారంభానికి కొన్ని రోజులు మాత్రమే మిగిలి ఉన్నాయి. గ్రహాలు, నక్షత్రాల స్థానం 2025 లో చాలా ప్రత్యేకమైనదిగా ఉండబోతుంది. కొత్త సంవత్సరంలో అనేక గ్రహాలు, రాశులు తమ రాశిని మార్చుకుంటాయి. ఇందులో అంతుచిక్కని గ్రహాలు రాహు-కేతువులు కూడా ఉన్నాయి. 

రాహు, కేతువులు పద్దెనిమిది నెలలకు ఒకసారి రాశిని మార్చుకుంటాయి. చివరగా ఈ రెండు దుష్ట గ్రహాలు 2023 లో రాశిని మార్చుకున్నాయి. రాహువు మీన రాశిలో, కేతువు కన్యా రాశిలోకి వెళ్లారు. 2024 లో తమ రాశిని మార్చుకోకుండా ప్రభావం చూపించాయి. ఇప్పుడు 2025లో రాహువు మీనం నుండి కుంభ రాశికి వెళ్లబోతుంది.  కేతువు కన్యా రాశి నుండి సింహ రాశికి సంచరిస్తారు. 

నవగ్రహాలలో ఈ రెండు గ్రహాలు మాత్రమే తిరోగమన దశలో సంచరిస్తాయి. మిగతా గ్రహాలు మాత్రం సమయానికి తగినట్టుగా తమ కదలికలు మార్చుకుంటాయి. అందుకే రాహు, కేతువుల గ్రహ సంచరాలు రివర్స్ లో ఉంటాయి. రాహు-కేతువుల రాశిలో మార్పు మేషం నుండి మీనం వరకు రాశిచక్ర రాశులను ప్రభావితం చేస్తుంది. కానీ రాహువు-కేతువుల సంచారం రాశిచక్ర రాశులకు చాలా ప్రయోజనకరంగా ఉంటుంది. రాహు-కేతు సంచారము వలన ఏ రాశుల వారికి మేలు కలుగుతుందో తెలుసుకోండి. 

2025లో రాహు-కేతు సంచారం ఎప్పుడు?

దృక్ పంచాంగ్ ప్రకారం రాహు-కేతు సంచారము మే 18, 2025న సాయంత్రం 04:30 గంటలకు జరుగుతుంది. రాహు-కేతువులు ఏ రాశిలోనైనా దాదాపు 18 నెలల పాటు ఉంటారు. మళ్ళీ రాహు కేతువుల రాశి మార్పు 2027లో ఉంటుంది. అప్పటి వరకు ఇదే రాశుల్లో ఉంటారు. రాహు, కేతు రాశుల మార్పు ఈ రాశుల వారికి మేలు చేస్తుంది. 

మిథున రాశి 

రాహువు-కేతు సంచారము మిథున రాశి వారికి శుభ ఫలితాలను అందజేస్తుంది. ఈ కాలంలో అదృష్టం మీ వైపు ఉంటుంది. ఉద్యోగాలలో పని చేసే వారికి ఉద్యోగంలో ప్రమోషన్, ఆదాయం పెరుగుతుంది. కొత్త జాబ్ ఆఫర్లు కూడా రావచ్చు. కుటుంబ సభ్యులతో చక్కగా గడిపే అవకాశం లభిస్తుంది.

ధనుస్సు రాశి

రాహు-కేతు సంచారము ధనుస్సు రాశి వారికి ప్రయోజనకరంగా ఉంటుంది. మీ ఆదాయం పెరిగే సూచనలు కనిపిస్తున్నాయి. మీరు కార్యాలయంలో కొత్త బాధ్యతలను పొందవచ్చు. ఖర్చులను అదుపులో ఉంచుకోండి. మీ ఆర్థిక పరిస్థితి మెరుగుపడుతుంది. మీరు డబ్బు ఆదా చేయడంలో కూడా విజయం సాధిస్తారు.

మకర రాశి

రాహు-కేతు సంచారము మకర రాశి వారికి చాలా శుభప్రదంగా ఉంటుంది. మకర రాశి వారికి ఊహించని ధనలాభం కలుగుతుంది. మతపరమైన కార్యక్రమాల పట్ల ఆసక్తి ఉంటుంది. మీరు ఉద్యోగంలో ప్రమోషన్ పొందవచ్చు. ఆదాయం పెరుగుతుంది. ఆరోగ్యం మునుపటి కంటే మెరుగ్గా ఉంటుంది. కుటుంబం నుండి మద్దతు లభిస్తుంది. వ్యాపారంలో పెరుగుదల ఉంటుంది.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.