Jupiter transit: అంగారకుడి నక్షత్రంలోకి గురు గ్రహం.. ఈ ఐదు రాశులకు శుభవార్తలు అందబోతున్నాయి

Jupiter transit: నవగ్రహాలలో బృహస్పతిని శుభకరమైన గ్రహంగా పరిగణిస్తారు. వైవాహిక జీవితం, సంతోషం, సంపదలకు కారకుడిగా దేవగురువు బృహస్పతిని భావిస్తారు. పుష్కర కాలం తర్వాత బృహస్పతి మేష రాశిని వీడి మే 1వ తేదీ నుంచి వృషభ రాశిలో సంచరిస్తున్నాడు. ఈ ఏడాది మొత్తం ఇదే రాశిలో ప్రయాణిస్తాడు.

గురు గ్రహం రాశిని మార్చకపోయినప్పటికీ నక్షత్రాన్ని మార్చుకుంటున్నాడు. గురువారం, జూన్ 13, 2024న ఉదయం 06.27 గంటలకు గురు గ్రహం రోహిణి నక్షత్రంలోకి ప్రవేశించాడు. బృహస్పతి ఈ నక్షత్రంలో రెండు నెలలకు పైగా ఉండి మృగశిర నక్షత్రంలోకి ప్రవేశిస్తాడు.

మృగశిర నక్షత్రంలోకి బృహస్పతి సంచారము ఆగష్టు 20, 2024 మంగళవారం సాయంత్రం 05:22 గంటలకు జరుగుతుంది. మృగశిర నక్షత్రానికి అధిపతి భూమిపుత్ర కుజుడు. అంగారకుడు శక్తి, ధైర్యం, శౌర్యం, ఆత్మవిశ్వాసం మొదలైన వాటికి కారకంగా పరిగణిస్తారు. బృహస్పతి అంగారక నక్షత్రంలోకి ప్రవేశించడం వల్ల మొత్తం 12 రాశిచక్రాలు ప్రభావితమవుతాయి. అయితే ఈ రెండు నెలలు కొన్ని రాశుల వారికి స్వర్ణ కాలంగా మారుతుంది. అవి ఏ రాశులో తెలుసుకుందాం.

మేష రాశి

మేష రాశి వారికి ఆగస్టు 20 నుంచి గురువు అనుగ్రహం ఉంటుంది. బృహస్పతి నక్షత్ర మార్పు కారణంగా అదృష్టం మీ వైపు ఉంటుంది. ఉద్యోగాలలో పని చేసే వారికి ప్రమోషన్ వచ్చే అవకాశం ఉంటుంది. కెరీర్‌లో కొత్త శిఖరాలను అందుకుంటారు. నిలిచిపోయిన డబ్బును తిరిగి పొందే అవకాశం ఉంటుంది.

కర్కాటక రాశి

కర్కాటక రాశి వారు బృహస్పతి నక్షత్ర మార్పు వల్ల ఎంతో ప్రయోజనం పొందుతారు. మీ జీవిత భాగస్వామి సహాయంతో ఆర్థికంగా లాభపడే అవకాశాలు ఉన్నాయి. పాత సమస్యల నుంచి ఉపశమనం పొందవచ్చు. నిలిచిపోయిన పనులు పూర్తి చేయగలుగుతారు. కొత్త వ్యక్తులను కలుసుకునే అవకాశం ఉంది.

తులా రాశి

కుజుడు నక్షత్రంలో గురుగ్రహ ప్రవేశం తులా రాశి వారికి చాలా ప్రయోజనకరంగా ఉంటుంది. మీరు కుటుంబ సభ్యుల నుండి మద్దతు పొందుతారు. మీరు మీ పిల్లల నుండి శుభవార్తలను అందుకోవచ్చు. ప్రయాణాలు చేసే అవకాశం ఉంటుంది. డబ్బులు వస్తాయి. మానసిక ఒత్తిడి దూరమవుతుంది. ఏ పని మీద చేయి వేసినా అందులో విజయం సాధిస్తారు.

వృశ్చిక రాశి

వృశ్చిక రాశి వారికి బృహస్పతి శుభ ఫలితాలనిస్తుంది. ఈ కాలంలో మీరు కొన్ని శుభవార్తలను అందుకోవచ్చు. వ్యాపారులకు లాభాలు, వ్యాపార విస్తరణ సాధ్యమవుతుంది. మనసు ఆనందంగా ఉంటుంది.

కుంభ రాశి

కుంభ రాశి వారు గురువు అనుగ్రహం పొందబోతున్నారు. కోర్టులో విజయం సాధ్యమవుతుంది. శత్రువులు ఓడిపోతారు. కొత్త ఆదాయ మార్గాలు తెరుచుకుంటాయి. అదృష్టం మీకు పూర్తిగా మద్దతు ఇస్తుంది. మీ జీవిత భాగస్వామితో కొనసాగుతున్న వివాదం ముగియవచ్చు. ఉద్యోగాలు చేసే వారికి నక్షత్రాలు అనుకూలంగా ఉంటాయి.

ఈ కథనంలో అందించిన సమాచారం పూర్తిగా నిజం/ ఖచ్చితమైనది అని మేము క్లెయిమ్ చేయము. వీటిని అవలంబించే ముందు, ఖచ్చితంగా సంబంధిత రంగంలోని నిపుణుల సలహా తీసుకోండి.