అస్సలు కష్టపడకుండా బరువు తగ్గాలంటే- ఈ ఒక్కటి అలవాటు చేసుకోండి..!

బరువు తగ్గేందుకు చాలా ఆప్షన్స్​ ఉన్నాయి. వాటిల్లో ఇంటర్మిటెంట్​ ఫాస్టింగ్​ చాలా కీలకంగా భావిస్తుంటారు. ఇంటర్మిటెంట్​ ఫాస్టింగ్​ని చాలా రకాలుగా చేయవచ్చు. అయితే 16/8 రూల్​ ఫాలో అయ్యి, రోజుకు 16 గంటలు ఫాస్టింగ్​ చేస్తే మెరుగైన ఫలితాలు కనిపిస్తాయి.

బరువు తగ్గేందుకు ఒక సింపుల్​ ఈక్వేషన్​ ఉంది. రోజులో శరీరానికి కావాల్సిన దానికన్నా తక్కువ కేలరీలు తీసుకోవాలి. దీని వల్ల బరువు తగ్గుతారు.

పురుషులకు రోజుకు 2,200 కేలరీలు- మహిళలకు రోజుకు 2,000 కేలరీల ఎనర్జీ అవసరం ఉంటుంది. వీటి కన్నా ఎక్కువ తిని వ్యాయామాలు చేయకపోతే బరువు పెరుగుతారు. అలా కాకుండా తక్కువ తింటే, కేలరీ డెఫిసిట్​ కారణంగా మన వెయిట్​లాస్​ జర్నీ ప్రారంభమవుతుంది.

అసలు ఇంటర్మిటెంట్​ ఫాస్టింగ్​లో ఏం జరుగుతుంది? శరీరానికి కావాల్సిన ఎనర్జీ దొరకకపోవడంతో కొవ్వుపై ఆధారపడాల్సి ఉంటుంది. ఫలితంగా కొవ్వు కరుగుతుంది. తద్వారా బరువు తగ్గడం మొదలుపెడతారు.

అయితే ఇంటర్మిటెంట్​ ఫాస్టింగ్​లో డైట్​ అనేది చాలా కీలకం. 8 గంటల విండోలో పోషకాలు, ప్రోటీన్​తో కూడిన ఆహారం తీసుకోవడం ముఖ్యం. అప్పుడే మీరు ఆరోగ్యంగా బరువు తగ్గుతారు. కొంతకాలం సరైన డైట్​ పాటించి- ఇంటర్మిటెంట్​ ఫాస్టింగ్​ చేస్తే ఎఫెక్టివ్​ ఫలితాలు ఉంటాయి.