OTT Thriller Movie: ఓటీటీలో జోరు చూపిస్తున్న థ్రిల్లర్ చిత్రం.. 100 మిలియన్ మినిట్స్ మార్క్ దాటి..

ఓటీటీలోకి నేరుగా వచ్చిన స్పై థ్రిల్లర్ సినిమా ‘బెర్లిన్’ జోరు కంటిన్యూ చేస్తోంది. అపర్‌శక్తి ఖురానా, ఇష్వాక్ సింగ్, రాహుల్ బోస్ ప్రధాన పాత్రలు చేసిన ఈ చిత్రం అంచనాలకు తగ్గట్టు అదరగొడుతోంది. 

బెర్లిన్ సినిమా జీ5 ఓటీటీలో తాజాగా 100 మిలియన్ వాచ్ మినిట్స్ మైల్‍స్టోన్‍ను అధిగమించింది. ఈ విషయాన్ని జీ5 అధికారికంగా వెల్లడించింది. తమ ప్లాట్‍ఫామ్‍లో సినిమాల్లో ప్రపంచవ్యాప్తంగా ఈ చిత్రం నంబర్ వన్‍లో ట్రెండ్ అవుతోందని పేర్కొంది. 

స్పై థ్రిల్లర్ మూవీ బెర్లిన్ సెప్టెంబర్ 13వ తేదీన జీ5 ఓటీటీ ప్లాట్‍ఫామ్‍లో హిందీలో స్ట్రీమింగ్‍కు వచ్చింది. పలు ఫిల్మ్ ఫెస్టివళ్లలో ప్రదర్శితమైన ఈ చిత్రం థియేటర్లలో కాకుండా నేరుగా జీ5 ఓటీటీలో స్ట్రీమింగ్‍కు అడుగుపెట్టింది. 

బెర్లిన్ చిత్రానికి ఆరంభం నుంచే పాజిటివ్ రెస్పాన్స్ వచ్చింది. దీంతో మంచి వ్యూస్ సాధిస్తోంది. ఈ చిత్రంలో అపర్‌శక్తి, ఇష్వాక్, రాహుల్‍తో పాటు అనుప్రియా గోయెంకా, కబీర్ బేడీ, నితేశ్ పాండే కీలకపాత్రలు చేశారు. 

బెర్లిన్ చిత్రానికి అతుల్ సబల్వాల్ దర్శకత్వం వహించారు. మాటలు, వినికిడి సరిగా లేని అశోక్ (ఇష్వాక్)ను విదేశీ గూఢచారిగా అనుమానించి ఇంటెలిజెన్స్ విభాగం దర్యాప్తు చేస్తుంది. సైన్ లాంగ్వేజ్ నిపుణుడు పుష్కిన్ వర్మ (అపర్‌శక్తి ఖురానా) అతడిని విచారిస్తాడు. ఈ క్రమంలో చాలా రహస్యాలు బయటపడతాయి. ట్విస్టులు ఉంటాయి.