తెలుగు న్యూస్ / ఫోటో /
Tollywood Updates on Diwali: దీపావళి రోజున టాలీవుడ్ సినిమాల ముఖ్యమైన అప్‍డేట్స్ ఇవే.. సలార్ నుంచి హనుమాన్ వరకు..
Nov 12, 2023, 11:24 PM , IST
Tollywood Diwali Updates: దీపావళి సందర్భంగా కొన్ని తెలుగు సినిమాల అప్‍డేట్స్ వచ్చాయి. కొన్ని మూవీ యూనిట్లు నేడు (నవంబర్ 12) ప్రకటన చేశాయి. సలార్ ట్రైలర్ డేట్, హనుమాన్ ఫస్ట్ సాంగ్ రిలీజ్ సహా మరిన్ని అనౌన్స్‌మెంట్లు వచ్చాయి.
(1 / 6)
కొన్ని టాలీవుడ్ సినిమాల గురించి నేడు దీపావళి సందర్భంగా కీలకమైన అప్‍డేట్స్ వచ్చాయి. సలార్, హనుమాన్, సైంధవ్ సహా మరిన్ని మూవీ యూనిట్లు కీలక ప్రకటన చేశాయి.
(2 / 6)
పాన్ ఇండియా రెబల్ స్టార్ హీరోగా నటిస్తున్న సలార్ సినిమా ట్రైలర్ రిలీజ్ డేట్, టైమ్‍ను దీపావళి సందర్భంగా నేడు ప్రకటించింది హొంబాలే ఫిల్మ్స్. సలార్ ట్రైలర్‌ను డిసెంబర్ 1వ తేదీన సాయంత్రం 7 గంటల 19 నిమిషాలకు రిలీజ్ చేయనున్నట్టు వెల్లడించింది. సలార్ మూవీ డిసెంబర్ 22న థియేటర్లలో రిలీజ్ కానుంది.
(3 / 6)
విక్టరీ వెంకటేశ్ హీరోగా నటిస్తున్న సైంధవ్ సినిమా నుంచి ‘రాంగ్ యూసేజ్’ అనే తొలి పాట నవంబర్ 21న రిలీజ్ కానుంది. ఈ విషయాన్ని నేడు ప్రకటించింది మూవీ యూనిట్. ఈ చిత్రానికి శైలేశ్ కొలను దర్శకత్వం వహిస్తున్నారు. వచ్చే ఏడాది జనవరి 13న ఈ చిత్రం రిలీజ్ కానుంది.
(4 / 6)
యంగ్ హీరో తేజ సజ్జా, డైరెక్టర్ ప్రశాంత్ వర్మ కాంబినేషన్‍లో వస్తున్న సూపర్ హీరో మూవీ ‘హను-మాన్’ గురించి కూడా నేడు అప్‍డేట్ వచ్చింది. ఈ చిత్రం నుంచి సూపర్ హీరో హనుమాన్ అనే ఫస్ట్ సాంగ్ నవంబర్ 14వ తేదీన సాయంత్రం 5 గంటల 4 నిమిషాలకు రిలీజ్ కానుంది.
(5 / 6)
రౌడీ హీరో విజయ్ దేవరకొండ, మృణాల్ ఠాకూర్ హీరోహీరోయిన్లుగా నటిస్తున్న ఫ్యామిలీ స్టార్ సినిమా నుంచి దీపావళి సందర్భంగా ఓ ప్రత్యేకమైన పోస్టర్ వచ్చింది. దీంతో ఈ మూవీని వచ్చే ఏడాది సంక్రాంతి సందర్భంగానే రిలీజ్ చేయనున్నట్టు మేకర్స్ మరోసారి స్పష్టం చేశారు. ఈ సినిమాకు పరశురామ్ దర్శకత్వం వహిస్తున్నారు.
(6 / 6)
మాస్ మహారాజ రవితేజ హీరోగా నటిస్తున్నఈగల్ సినిమా నుంచి కూడా కొత్త పోస్టర్ వచ్చింది. సంక్రాంతి సందర్భంగా వచ్చే ఏడాది జనవరి 13న ఈ చిత్రాన్ని విడుదల చేస్తున్నట్టు మూవీ యూనిట్ మరోసారి స్పష్టం చేసింది. సంక్రాంతి బరిలోనే ఈ చిత్రం ఉంటుందని చెప్పేసింది. కార్తీక్ ఘట్టమనేని ఈ చిత్రానికి దర్శకత్వం వహిస్తున్నారు. దీపావళి సందర్భంగా నేడు మరికొన్ని సినిమాలకు చెందిన పోస్టర్లు కూడా వచ్చాయి.
ఇతర గ్యాలరీలు