Ravichandran Ashwin: అనిల్ కుంబ్లేను దాటేసిన రవిచంద్రన్ అశ్విన్.. మురళీధరన్ రికార్డు కూడా బద్దలు
Ravichandran Ashwin: భారత స్టార్ సీనియర్ స్పిన్నర్ రవిచంద్రన్ అశ్విన్.. ఇంగ్లండ్‍తో జరిగిన ఐదో టెస్టులో రెండు ఇన్నింగ్స్‌లో 9 వికెట్లతో సత్తాచాటాడు. తన వందో టెస్టులోనూ అద్భుత ప్రదర్శన చేశాడు. టీమిండియా భారీ విజయంలో కీలకపాత్ర పోషించాడు. ఈ క్రమంలో కొన్ని రికార్డులను బద్దలు కొట్టాడు అశ్విన్.
(1 / 6)
ఇంగ్లండ్‍తో జరిగిన ఐదో టెస్టులో మూడో రోజైన నేడు రెండో ఇన్నింగ్స్‌లో ఐదు వికెట్లతో సత్తాచాటాడు భారత స్టార్ స్పిన్నర్ రవిచంద్రన్ అశ్విన్. దీంతో ఇంగ్లండ్ 195 పరుగులకే కుప్పకూలింది. టీమిండియా ఇన్నింగ్స్ 64 పరుగుల భారీ తేడాతో మ్యాచ్ గెలిచి.. 4-1తో సిరీస్ దక్కించుకుంది.
(AP)
(2 / 6)
ఐదో టెస్టు తొలి ఇన్నింగ్స్‌లోనూ అశ్విన్ నాలుగు వికెట్లు పడగొట్టాడు. దీంతో ఈ మ్యాచ్‍లో మొత్తంగా 9 వికెట్లు (9/128) దక్కించుకున్నాడు. అశ్విన్‍కు ఇది వందో టెస్టు కావడం మరో విశేషంగా ఉంది. ఈ మ్యాచ్‍లో అద్భుత ప్రదర్శనతో మరిన్ని రికార్డును అశ్విన్ సాధించాడు.
(ICC - X )
(3 / 6)
భారత తరఫున టెస్టు క్రికెట్‍లో అత్యధికసార్లు ఐదు వికెట్ల ప్రదర్శన చేసిన బౌలర్‌గా అశ్విన్ రికార్డు సృష్టించాడు. రెండో ఇన్నింగ్స్‌లో ఐదు వికెట్లు పడగొట్టిన అశ్విన్.. టెస్టుల్లో 36వ సారి ఐదు వికెట్ల ప్రదర్శన చేశాడు.
(PTI)
(4 / 6)
దీంతో భారత దిగ్గజ స్పిన్నర్ అనిల్ కుంబ్లే (35సార్లు ఐదు వికెట్లు)ను అశ్విన్ దాటేశాడు. 132 టెస్టుల్లో కుంబ్లే 35సార్లు ఐదు వికెట్లను తీసుకుంటే.. 100 టెస్టుల్లోనే దాన్ని దాటేశాడు అశ్విన్. 36వ సారి ఐదు వికెట్ల ప్రదర్శనతో సత్తాచాటాడు.
(ANI )
(5 / 6)
వందో టెస్టులో అత్యుత్తమ బౌలింగ్ గణాంకాలు సాధించిన బౌలర్‌గా శ్రీలంక లెజెండ్ ముత్తయ్య మురళీధరన్ రికార్డును కూడా అశ్విన్ బద్దలుకొట్టాడు.
(PTI)
(6 / 6)
తన వందో టెస్టులో మురళీధరన్ 141 పరుగులు ఇచ్చి 9 వికెట్లు తీస్తే.. అశ్విన్ ఈ టెస్టులో 128 పరుగులు ఇచ్చి 9 వికెట్లు పడగొట్టాడు. దీంతో వందో టెస్టులో అత్యుత్తమ బౌలింగ్ గణాంకాలు నమోదు చేసిన బౌలర్‌గా అశ్విన్ రికార్డు సృష్టించాడు. వందో టెస్టులో అత్యధిక వికెట్లు తీసిన బౌలర్‌గా అనిల్ కుంబ్లే, కపిల్ దేవ్ (7)లను కూడా అధిగమించాడు అశ్విన్.
(REUTERS)ఇతర గ్యాలరీలు