Lamborghini Urus Performante । దారులు ఎలా ఉన్నా దూసుకుపోయే సూపర్ SUV!

2022 లంబోర్ఘిని ఉరుస్ పెర్ఫార్మంటే SUVలో రీడిజైన్ చేసిన ఫ్రంట్ బంపర్, బ్లాక్-అవుట్ ఎయిర్ డ్యామ్, కార్బన్-ఫైబర్ ఫ్రంట్ స్ల్పిటర్ అలాగే వెంటిలేటెడ్ కార్బన్-ఫైబర్ హుడ్‌తో వచ్చింది.

2022 Lamborghini Urus Performante కారు నిర్మాణంలో తేలికపాటి కార్బన్-ఫైబర్ భాగాలను ఉపయోగించారు. ఇది పాత వెర్షన్ కంటే 47 కిలోల బరువు తక్కువగా ఉంది. ఈ నేపథ్యంలో ఇది అత్యంత వేగవంతమైన SUVగా రూపుదిద్దుకుంది.

ఉరుస్ పెర్ఫార్మంటే ఇంటీరియర్లో కూడా అల్కాంటారా , కార్బన్ ఫైబర్ వంటి తేలికపాటి పదార్థాలను ఉపయోగించారు. కారు లోపలి భాగంలో ఇచ్చిన డార్క్ టోన్‌లు, కాంట్రాస్ట్ స్టిచింగ్, ఎక్స్‌క్లూజివ్ పెర్ఫార్మంటే లోగోలు ఈ కారుకు స్పోర్టింగ్ క్యారెక్టర్‌ను తీసుకొస్తాయి. ఉరుస్ పెర్ఫార్మంటే లోపలి భాగం డ్రైవర్‌ను "పైలట్‌గా" భావించేలా రూపొందించారు.

లంబోర్ఘిని కనెక్ట్ బోర్డులో ఎల్లప్పుడూ అప్డేటెడ్ ఫంక్షన్లను కలిగి ఉంటుంది. ఇది కారు నడుపుతున్నవారికి ఒక గొప్ప అనుభూతిని కలిగిస్తుంది.

మెరుగైన డౌన్‌ఫోర్స్ కోసం ఈ సూపర్ SUVలో వెనుకవైపు 38 శాతం మెరుగుపరిచిన సరికొత్త స్పాయిలర్‌ను కలిగి ఉంది

ఇది టైటానియం ఎగ్జాస్ట్ సిస్టమ్‌ను కలిగి ఉంది. దీంతో ఇంజిన్ నుంచి వెలువడే సౌండ్ మెరుగైన స్థాయిలో ఉంటుంది. ఈ SUVలో 666bhp శక్తిని విడుదల చేసే 4.4-లీటర్ ట్విన్-టర్బో V8 ఇంజన్ ఇచ్చారు.