Workout Tips : వ్యాయామం చేసేప్పుడు ఈ టిప్స్ పాటిస్తే.. మీ కండరాలు సేఫ్

వ్యాయామం చేసే సమయంలో ప్రమాదాలు జరగవచ్చు. అయినాసరే రోజువారీ ఫిట్‌నెస్ రొటీన్‌ను అనుసరించడం చాలా ముఖ్యం. అయితే ఈ సమయంలో ప్రమాదాలను నివారించడానికి కొన్ని ప్రాథమిక నియమాలను పాటించడం కూడా అంతే ముఖ్యం. మీ కండరాలు, కీళ్లకు తగినంత విశ్రాంతి ఇవ్వనప్పుడు.. అవి ప్రమాదాలకు గురయ్యే అవకాశం ఉంది. ఇది ప్రాణాంతకం కావచ్చు అంటున్నారు పోషకాహార నిపుణులు. ఈ ప్రమాదాలను నివారించడానికి ఏమి చేయాలో ఇప్పుడు తెలుసుకుందాం.

వ్యాయామానికి ముందు కనీసం 10-12 నిమిషాలు వార్మ్ అప్ చేయాలి. దీనివల్ల మీ శరీరం, కండరాలు ఫ్రీగా అయిపోతాయి.

ప్రతిరోజూ ఒకే విధమైన ఫిట్‌నెస్ రొటీన్ చేయడం మానుకోండి. ఈరోజు సైక్లింగ్ చేస్తే.. రేపు వేరే వ్యాయామం చేయండి.

మీ వ్యాయామాన్ని ప్రారంభించడానికి కనీసం పదిహేను నిమిషాల ముందు పండ్లు తినడం మంచిది.

ఖాళీ కడుపుతో ఎప్పుడూ వ్యాయామం చేయకండి. ఇది మీ శరీరాన్ని బలహీనంగా మారుస్తుంది. ఇది మిమ్మల్ని అనారోగ్యానికి గురి చేస్తుంది.

వారానికి ఒక రోజు శరీరానికి విశ్రాంతి ఇవ్వండి.