Volvo XC40 Recharge | విలాసవంతమైన వోల్వో ఎలక్ట్రిక్ SUV.. సరసమైన ధరలోనే విడుదల!
Jul 26, 2022, 02:41 PM , IST
స్వీడిష్ వాహన తయారీ సంస్థ వోల్వో తమ బ్రాండ్ నుంచి XC40 Recharge పేరుతో ఓ సరికొత్త పూర్తి ఎలక్ట్రిక్- వాహనాన్ని భారత మార్కెట్లో విడుదల చేసింది. మరిన్ని వివరాలు, ఫోటోలు ఇక్కడ చూడండి.
స్వీడిష్ వాహన తయారీ సంస్థ వోల్వో తమ బ్రాండ్ నుంచి XC40 Recharge పేరుతో ఓ సరికొత్త పూర్తి ఎలక్ట్రిక్- వాహనాన్ని భారత మార్కెట్లో విడుదల చేసింది. మరిన్ని వివరాలు, ఫోటోలు ఇక్కడ చూడండి.
(1 / 7)
వోల్వో కంపెనీ తమ పూర్తి-ఎలక్ట్రిక్ XC40 రీఛార్జ్ ఫేస్‌లిఫ్ట్ మోడల్‌ను భారత మార్కెట్లో విడుదల చేసింది. ఎక్స్-షోరూమ్ వద్ద దీని ధర రూ. 55.90 లక్షలు. లగ్జరీ SUV సెగ్మెంట్‌లో ఇది అత్యంత సరసమైన ఎలక్ట్రిక్ వాహనం. ఈ సరికొత్త కార్ ఇంటీరియర్, ఎక్స్‌టీరియర్‌లో అనేక అప్‌డేట్‌లతో వచ్చింది.
(2 / 7)
వోల్వో XC40 రీఛార్జ్ ఎలక్ట్రిక్ SUVని బెంగళూరులోనే తమ ఫెసిలిటీ సెంటర్లో స్థానికంగా అసెంబుల్ చేస్తున్నారు. ఈ ఎలక్ట్రిక్ కారులో78 kWh లిథియం-అయాన్ బ్యాటరీ ప్యాక్‌ను ఇస్తున్నారు. దీనిని ఒక్కసారి ఫుల్ ఛార్జింగ్ చేస్తే సుమారు 400 కి.మీల పరిధిని అందిస్తుంది. దీనిలోని మోటార్ 408 hp శక్తిని, 660 Nm టార్క్‌ను ఉత్పత్తి చేయగలదు. ఈ EV ఐదు సెకన్లలోనే 100 kmph వేగాన్ని అందుకోగలదు. 'వోల్వో XC40 రీఛార్జ్ EV' ఎనిమిదేళ్ల వారంటీ, 11kW సామర్థ్యం గల ఒక వాల్‌బాక్స్ ఛార్జర్‌తో కూడా వస్తుంది. 27 జూలై 2022 నుంచి బుకింగ్స్ ప్రారంభం.
(3 / 7)
ఈ కారులోని హెడ్‌ల్యాంప్‌ల డిజైన్ మార్వెల్ సూపర్ హీరో థోర్ హామర్ నమూనా నుంచి ప్రేరణ పొందింది. ఇది పిక్సెల్ LED లైటింగ్ టెక్నాలజీని కలిగి ఉంది. సవరించిన ఫ్రంట్ బంపర్‌తో ఫ్రేమ్‌లెస్ గ్రిల్‌కు బదులుగా ఎలక్ట్రిక్ కారు బాడీ ప్యానెల్‌ను అందిస్తుంది. ఈ కారులోని LED హెడ్‌లైట్ టెక్నాలజీ ఆటోమేటిక్‌గా ముందు వైపు ట్రాఫిక్‌కు అనుగుణంగా ఉంటుందని, ఇతర డ్రైవర్లకు ఇబ్బంది లేని వెలుగును ప్రసరింపజేస్తుంది.(Volvo)
(4 / 7)
ఎలక్ట్రిక్ వోల్వో XC40 SUV మంచి కలర్ స్కీములతో, కొత్త వీల్ రిమ్స్ అలాగే విలాసవంతమైన లెదర్-ఫ్రీ అప్హోల్స్టరీతో వస్తుంది.(Volvo )
(5 / 7)
ఈ ఎలక్ట్రిక్ XC40 ఫేస్‌లిఫ్ట్‌తో పాటు, మరొక మోడల్ అయిన వోల్వో C40 రీఛార్జ్ EVని కూడా కంపెనీ విడుదల చేసింది. ఇందులో సరికొత్త పవర్‌ట్రెయిన్‌తో పాటు ట్విన్-మోటార్ వేరియంట్‌ను ఇచ్చారు. దీనిలో ఇచ్చిన 69 kWh బ్యాటరీ ప్యాక్‌ను ఒక్కసారి ఛార్జింగ్ చేస్తే 434 కి.మీల వరకు ప్రయాణించవచ్చని వోల్వో పేర్కొంది.(Volvo)
(6 / 7)
వోల్వో C40లోని సింగిల్ మోటారు ముందు చక్రాలకు శక్తినిస్తుంది. బ్యాటరీని ఫాస్ట్ ఛార్జింగ్ సిస్టమ్‌లో సుమారు 32 నిమిషాల్లో 10 నుండి 80 శాతం వరకు ఛార్జ్ చేయవచ్చు. ఈ ఎలక్ట్రిక్ వాహనం పరిచయంతో, కంపెనీ తన EV పోర్ట్‌ఫోలియోను నాలుగు EVలకు విస్తరించింది.(Volvo)
ఇతర గ్యాలరీలు