Cold day warning : 'కోల్డ్​ డే' అలర్ట్​.. ఈ ప్రాంతాలను చలి చంపేస్తుంది జాగ్రత్త!

Cold day warning : ఉత్తర భారతదేశాన్ని 'కోల్డ్​ వేవ్​' వణికిస్తున్న సమయంలో.. ప్రజలకు మరింత ఆందోళనకర వార్తను ఇచ్చింది భారత వాతావరణ శాఖ (ఐఎండీ). ఉత్తర భారతంలోని అనేక రాష్ట్రాలకు 'కోల్డ్ డే' హెచ్చరికలు జారీ చేసింది. ఉష్ణోగ్రతలు.. 10 డిగ్రీల సెల్సియస్ కన్నా తక్కువగా ఉంటాయని పేర్కొంది.

కోల్డ్​ వేవ్​- కోల్డ్​ డే హెచ్చరికలు..

రానున్న రెండు రోజుల పాటు వాయవ్య భారతంలో రాత్రులు, ఉదయం వేళల్లో దట్టమైన పొగమంచు కొనసాగే అవకాశం ఉందని వాతావరణ శాఖ తన తాజా బులెటెన్​లో పేర్కొంది.

Cold day warning Delhi : హరియాణాలోని అనేక ప్రాంతాలు, రాజస్థాన్​లోని కొన్ని చోట్ల, పంజాబ్ లో కొన్ని ప్రదేశాల్లో చలి తీవ్రత ఇప్పటికే ఎక్కువగా ఉంది. ఢిల్లీలో కొన్ని చోట్ల, ఉత్తర మధ్యప్రదేశ్​లో చలికి ప్రజలు ఇప్పటికే వణికిపోతున్నారు.

ఐఎండీ డేటా ప్రకారం.. ఢిల్లీ పాలం వద్ద గరిష్టంగా 13.8 డిగ్రీల సెల్సియస్, ఛండీగఢ్​లో గరిష్టంగా 14.3 డిగ్రీల సెల్సియస్, హరియాణా అంబాలాలో గరిష్టంగా 10 డిగ్రీల సెల్సియస్ నమోదైంది.

Cold day warning for North India : గత 24 గంటల్లో శుక్రవారం ఉదయం 8.30 గంటలకు నమోదైన కనిష్ఠ ఉష్ణోగ్రతలు పంజాబ్, హరియాణా-ఛండీగఢ్​-ఢిల్లీ, పశ్చిమ రాజస్థాన్, తూర్పు రాజస్థాన్, పశ్చిమ ఉత్తరప్రదేశ్​లోని కొన్ని ప్రాంతాల్లో 6-10 డిగ్రీల మధ్య నమోదవ్వడం గమనార్హం.

జనవరి 6 నుంచి 9 వరకు తూర్పు ఉత్తరప్రదేశ్లోని కొన్ని ప్రాంతాల్లో ఉదయం దట్టమైన పొగమంచు ఉంటుందని వాతావరణ శాఖ అంచనా వేసింది. పశ్చిమ మధ్యప్రదేశ్, బిహార్, ఝార్ఖండ్, అసోం, మేఘాలయ, నాగాలాండ్, మణిపూర్, మిజోరం, త్రిపురలో జనవరి 6 నుంచి 8 వరకు పొగమంచు ఉంటుందని పేర్కొంది. హిమాచల్ ప్రదేశ్, ఉత్తరాఖండ్, ఒడిశా రాష్ట్రాల్లో జనవరి 6, 7 తేదీల్లో పొగమంచు అలుముకుంటుందని స్పష్టం చేసింది.

అక్కడ వర్షాలు కూడా..!

India Cold day warning : అదే సమయంలో.. జనవరి 8 నుంచి 10 మధ్య వాయవ్య, మధ్య భారతదేశంలో తేలికపాటి వర్షాలు కురిసే అవకాశం ఉందని ఐఎండీ సూచించింది.

గరిష్ఠ ఉష్ణోగ్రత 4.5 నుంచి 6.4 డిగ్రీల మధ్య పడిపోతే 'కోల్డ్ డే'గా పరిగణిస్తారు. ఈ సీజన్​లో ఉష్ణోగ్రతలు సాధారణం కంటే 6.5 డిగ్రీలు తగ్గితే, దానిని తీవ్రమైన చలి దినం (సివియర్​ కోల్డ్​ డే) అని పేర్కొంటారు.

ఐఎండీ హెచ్చరికలతో ప్రజలు ఆందోళనకు గురవుతున్నాయి. ఉత్తర భారతంలో పరిస్థితులు ఇప్పటికే ఆందోళనకరంగా ఉన్నాయి. ప్రజలు ఎప్పటికప్పుడు తగిన ఏర్పాట్లు చేసుకుంటున్నారు.