Honour killing : యూపీలో పరువు హత్య.. మహిళను ఇంటి బయటకు ఈడ్చుకొచ్చి- కొడవలితో గొంతు కోసి!

Honour killing in Uttar Pradesh : ఉత్తర్​ ప్రదేశ్​లో దారుణ ఘటన వెలుగులోకి వచ్చింది. ఓ వ్యక్తి, తన మేనకోడలిని కొడవలితో చంపేశాడు. ఆమెను, తన ఇంటి బయటకు ఈడ్చుకొచ్చి, గొంతు కోశాడు. వేరే కులం వ్యక్తిని పెళ్లి చేసుకుందన్న కోపంతో ఆ 20ఏళ్ల మహిళను హతమార్చాడు!

వేరే కులం వ్యక్తితో పెళ్లి జరిగిందని..!

పిసావన్​ పోలీస్​ స్టేషన్​ పరిధిలోని బాజ్​నగర్​ గ్రామంలో శనివారం ఈ ఘటన జరిగింది. సంబంధిత మహిళ.. గతంలో తన మేనమామ ఇంట్లో నివాసముండేది. కాగా.. అదే గ్రామానికి చెందిన రూప్​ చంద్ర మౌర్యతో ఆమెకు కొన్నేళ్లుగా సంబంధం ఉంది. అయితే.. అతనికి అప్పటికే పెళ్లి జరిగింది. పైగా, అతనిది వేరే కులం.

UP Honour killing : ఈ వ్యవహారం తెలుసుకున్న మేనమామ శ్యాము సింగ్​.. మహిళను మందలించి, ఆమెను గతేడాది తన తండ్రి పుతాన్​ సింగ్​ తోమర్​ వద్దకు పంపించేశాడు. మహిళ.. ఘాజియాబాద్​లో ఉంటోందని తెలుసుకున్న రూప్​ చంద్ర మౌర్య.. కొన్ని రోజుల తర్వాత అక్కడికి వెళ్లాడు. వారిద్దరు కలిసి ప్లాన్​ చేసి, అక్కడి నుంచి వెళ్లిపోయారు. గతేడాది నవంబర్​లో పెళ్లి చేసుకున్నారు.

కొన్ని నెలలు గడిచాయి. మౌర్య, మహిళ ఇటీవలే మళ్లీ బాజ్​నగర్​ గ్రామానికి వెళ్లి కాపురం మొదలుపెట్టారు. ఇది తెలుసుకున్న శ్యాము సింగ్​ కోపంతో ఊగిపోయాడు. ఈ క్రమంలోనే శనివారం.. మహిళ ఇంటికి వెళ్లాడు. ఆమెను ఇంటి బయటకు ఈడ్చుకొచ్చి, కొడవలితో గొంతు కోసి చంపేశాడు! మహిళ అక్కడికక్కడే ప్రాణాలు కోల్పోయింది.

Uttar Pradesh crime news : ఈ ఘటన స్థానికంగా కలకలం సృష్టించింది. మహిళ మృతదేహాన్ని చూసిన వారందరు షాక్​కు గురయ్యారు. మరోవైపు.. పిసావన్​ పోలీస స్టేషన్​కు వెళ్లిన శ్యాము సింగ్​.. అధికారుల ఎదుట లొంగిపోయాడు. జరిగినది వివరించాడు.

"నేను నా మేనకోడలిని చంపేశాను. అప్పటికే పెళ్లైన వేరే కులం వ్యక్తిని పెళ్లి చేసుకుంది. ఎంత చెప్పినా వినలేదు. అందుకే చంపేశాను," అని పోలీసులకు చెప్పాడు శ్యాము సింగ్​. మహిళను చంపేందుకు ఉపయోగించిన కొడవలిని పోలీసులకు ఇచ్చేశాడు.

Man kills niece in UP : ఘటనపై కేసు నమోదు చేసుకున్న పోలీసులు.. శ్యాము సింగ్​ను అరెస్ట్​ చేశారు.

కూతుళ్లను చంపిన తల్లిదండ్రులు..!

Bihar Honour killing : దేశంలో పరువు హత్యలు నిత్యం వార్తల్లో నిలుస్తున్నాయి. తమ కూతుళ్లకు వేరే కూలం అబ్బాయిలతో సంబంధం ఉందని తెలుసుకుని వారిని తల్లిదండ్రులు చంపేసిన ఘటన బిహార్​లో ఇటీవలే కలకలం సృష్టించింది. బిడ్డలు నిద్రపోతున్న సమయంలో.. ఇద్దరిని హతమార్చారు. పూర్తి వివరాల కోసం ఇక్కడ క్లిక్​ చేయండి.