DA hike: ఉద్యోగులు, పెన్షనర్లకు 4 శాతం డీఏ పెంచుతూ రాష్ట్ర ప్రభుత్వ నిర్ణయం-sikkim government approves 4 percent dearness allowance hike for employees pensioners ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Da Hike: ఉద్యోగులు, పెన్షనర్లకు 4 శాతం డీఏ పెంచుతూ రాష్ట్ర ప్రభుత్వ నిర్ణయం

DA hike: ఉద్యోగులు, పెన్షనర్లకు 4 శాతం డీఏ పెంచుతూ రాష్ట్ర ప్రభుత్వ నిర్ణయం

HT Telugu Desk HT Telugu
Jun 12, 2024 01:07 PM IST

DA hike: సిక్కిం ప్రభుత్వం తన ఉద్యోగులు, పెన్షనర్లకు శుభవార్త తెలిపింది. రాష్ట్ర ప్రభుత్వ ఉద్యోగులకు 4% కరువు భత్యాన్ని పెంచుతున్నట్లు ప్రకటించింది. ఈ డీఏ పెంపు 2023 జూలై 1 నుండి అమల్లోకి వస్తుందని తెలిపింది.

సిక్కిం సీఎం ప్రేమ్ సింగ్ తమాంగ్
సిక్కిం సీఎం ప్రేమ్ సింగ్ తమాంగ్ (PTI)

DA hike: సిక్కిం ప్రభుత్వం తన ఉద్యోగులు, పెన్షనర్లకు కరువు భత్యం (DA) ను నాలుగు శాతం పెంచే ప్రతిపాదనకు ఆమోదం తెలిపిందని, జూలై 1, 2023 నుండి ఈ పెంపు అమల్లోకి వస్తుందని అధికారులు జూన్ 11 న ప్రకటించారు. ముఖ్యమంత్రి ప్రేమ్ సింగ్ తమాంగ్ అధ్యక్షతన జూన్ 10 సాయంత్రం జరిగిన రెండవ సిక్కిం క్రాంతికారి మోర్చా (SKM) ప్రభుత్వ మొదటి కేబినెట్ సమావేశంలో ఈ నిర్ణయం తీసుకున్నారు.

46 శాతానికి పెరిగిన డీఏ

ఈ నాలుగు శాతం పెంపుతో సిక్కింలో ప్రభుత్వ ఉద్యోగులు, పెన్షనర్లకు కరువు భత్యం 46 శాతానికి పెరిగిందని అధికారులు తెలిపారు. ఈ డీఏ పెంపు (DA hike) తో ప్రస్తుత ఆర్థిక సంవత్సరంలో రాష్ట్ర ఖజానాపై రూ .174.6 కోట్ల భారం పడుతుంది. ఎస్ కే ఎం ప్రభుత్వ తొలి కేబినెట్ భేటీలో ఈ డీఏ పెంపు నిర్ణయంతో పాటు పలు ఇతర కీలక నిర్ణయాలు కూడా తీసుకున్నారు. 11వ సిక్కిం శాసనసభ ప్రొటెం స్పీకర్ గా ఎస్కేఎం (SKM) శాసనసభ్యుడుగా రెండుసార్లు గెలిచిన సంజీత్ ఖరేల్ ను నామినేట్ చేయడం సహా ఇతర కీలక నిర్ణయాలను ఈ కేబినెట్ సమావేశంలో తీసుకున్నారు. కొత్తగా ఎన్నికైన ఎస్కేఎం ప్రభుత్వం వ్యూహాత్మక ఎత్తుగడల్లో భాగంగా ఎమ్మెల్యే సంజీత్ ఖరేల్ ను ప్రొటెం స్పీకర్ గా నియమించారు. అసెంబ్లీ సమావేశాల్లో ప్రొటెం స్పీకర్ గా ఎంపికైన ఖరేల్ కొత్తగా ఎన్నికైన సభ్యులతో ప్రమాణ స్వీకారం చేయిస్తారు. ఆ తరువాత అసెంబ్లీ స్పీకర్ ఎన్నిక జరుగుతుంది.

సిక్కిం మంత్రివర్గం

సిక్కిం సీఎంగా ప్రేమ్ సింగ్ తమాంగ్, మంత్రులుగా మరో పదకొండు మంది సోమవారం ప్రమాణ స్వీకారం చేశారు. ఇటీవల జరిగిన ఎన్నికల్లో 32 అసెంబ్లీ సీట్లకు గానూ, 31 స్థానాలను కైవసం చేసుకుని ఎస్ కెఎం (SKM) ఘన విజయం సాధించింది.

WhatsApp channel