Rishi Sunak UK next PM : బ్రిటన్ ప్రధాని రేసులో రిషి సునక్ ముందంజ!
Rishi Sunak UK PM news : బ్రిటన్ ప్రధాని రేసులో ఉన్నట్టు రిషి సునక్ ఇంకా అధికారికంగా ప్రకటించాల్సి ఉంది. అయితే.. ఆయనకు మద్దతు పెరుగుతోందని ఓ సర్వే వెల్లడించింది.
Rishi Sunak UK PM news : బ్రిటన్ ప్రధానమంత్రి రేసులో రిషి సునక్ ముందంజలో ఉన్నట్టు సమాచారం. ఆయనకు 100మంది పార్టీ ఎంపీల మద్దతు ఉన్నట్టు తెలుస్తోంది.
లిజ్ ట్రస్ రాజీనామాతో..
లిజ్ ట్రస్ అనూహ్య రాజీనామాతో బ్రిటన్లో రాజకీయ సంక్షోభం మళ్లీ తెరపైకి వచ్చింది. ఇక మళ్లీ ప్రధాని రేసు మొదలైంది. కాగా.. తదుపరి ప్రధాని రేసులో ఉన్నట్టు రిషి సునక్ అధికారికంగా ప్రకటించలేదు. ఇప్పటివరకు పెన్నీ మోర్డౌంట్ మాత్రమే.. బ్రిటన్ ప్రధాని రేసులో అధికారికంగా చేరారు. మరోవైపు.. బ్రిటన్ మాజీ ప్రధాని బోరిస్ జాన్స్న్ కూడా రేసులో ఉండొచ్చని ఊహాగానాలు జోరుగా సాగుతున్నాయి.
Rishi Sunak UK next PM : ఈసారి కేవలం ముగ్గురు మాత్రమే ప్రధానమంత్రి రేసులో పాల్గొనే అవకాశం ఉందని తెలుస్తోంది. కనీసం 100మంది కన్జర్వేటివ్ ఎంపీల మద్దతు ఉంటేనే.. ఎవరైనా ప్రధాని రేసులోకి ఎంట్రీ ఇవ్వొచ్చు. కాగా.. రిషి సునక్కు 100మంది ఎంపీల మద్దతు లభించిందని కన్జర్వేటివ్ పార్టీ ఎంపీ డోబియాస్ ఎల్వుడ్ ట్వీట్ చేశారు.
ఇక బ్రిటన్ ప్రధాని రేసులో పాల్గొంటున్నట్టు రిషి సునక్ అధికారికంగా ప్రకటించడమే తరువాయి!
రేసులో రిషి సునక్ ముందంజ..!
UK PM race : తదుపరి బ్రిటన్ ప్రధానిపై దేశవ్యాప్తంగా జోరుగా చర్చలు జరుగుతున్నాయి. అనేక సంస్థలు సర్వేలు చేపడుతున్నాయి. ఒక ఒపీనియన్ పోల్ ప్రకారం.. మోర్డౌంట్, జాన్సన్ కన్నా ఓటర్లు రిషి సునక్వైపే మొగ్గుచూపొచ్చని తేలింది. సర్వేలో పాల్గొన్న 44శాతం మంది రిషి సునక్కే తమ మద్దతు తెలిపారు.
అయితే.. రేసులో తాను కూడా ఉంటానని, ఓటర్ల మద్దతు సంపాదిస్తానని బోరిస్ జాన్సన్ తన సన్నిహితులకు చెప్పినట్టు తెలుస్తోంది. కాగా.. బోరిస్ జాన్సన్ రేసులో ఉంటే.. పార్టీ పతనమవుతుందని రిషి మద్దతుదారులు భావిస్తున్నట్టు సమాచారం. బోరిస్ పోటీ చేయకూడదని వారు చెబుతున్నట్టు సంబంధిత వర్గాలు వెల్లడించాయి. బోరిస్ మళ్లీ ప్రధాని బాధ్యతలు తీసుకుంటే.. బ్రిటన్ ఆర్థిక వ్యవస్థ మరింత పతనమవుతుందని.. రిషి సునక్ మద్దతుదారులు ప్రచారాలు చేస్తున్నట్టు తెలుస్తోంది.
కన్జర్వేటివ్ పార్టీ సభ్యులు గత ఆరేళ్లల్లో.. ఐదొవ ప్రధానిని ఎన్నుకోవాల్సిన పరిస్థితి ఏర్పడింది.
ఇదీ సంక్షోభం…
UK political crisis : పార్టీలో చీలక నేపథ్యంలో ప్రధాని పదవికి రాజీనామా చేశారు బోరిస్ జాన్సన్. జులై నుంచి సెప్టెంబర్ వరకు తదుపరి ప్రధాని ఎన్నిక కార్యకలాపాలు జరిగాయి. తొలుత రిషి సునక్.. రేసులో దూసుకెళ్లారు. కానీ ఆ తర్వాత ఆయనకు మద్దతు తగ్గిపోయింది. ఈ నేపథ్యంలో.. బ్రిటన్ ప్రధానిగా సెప్టెంబర్ తొలి వారంలో బాధ్యతలు స్వీకరించారు లిజ్ ట్రస్.
కొత్త ప్రధానిపై దేశ ప్రజలు భారీ ఆశలు పెట్టుకున్నారు. బ్రిటన్ రాజకీయ సంక్షోభానికి తెరపడిందని భావించారు. కానీ 45రోజుల పదవీకాలం అనంతరం లిజ్ ట్రస్.. ఆ బాధ్యతల నుంచి తప్పుకున్నారు. పన్ను వ్యవస్థలో తీసుకొచ్చిన మార్పుల నేపథ్యంలో ఆమెకు సర్వత్రా వ్యతిరేకత ఎదురైంది. ఫలితంగా బ్రిటన్ రాజకీయ సంక్షోభం మళ్లీ మొదటికొచ్చింది! ఇక ఇప్పుడైనా రిషి సునక్ గెలుస్తారా? అన్నది వేచి చూడాలి.
సంబంధిత కథనం